Энэтхэгт 2500 хүнд вакцины оронд давсны уусмал, антибиотик тарьжээ | News.MN

Энэтхэгт 2500 хүнд вакцины оронд давсны уусмал, антибиотик тарьжээ

Энэтхэгт 2500 хүнд вакцины оронд давсны уусмал, антибиотик тарьжээ

Энэтхэгт 2500 хүнд вакцины оронд давсны уусмал, антибиотик тарьжээ

Энэтхэгт арав гаруй хувийн дархлаажуулах төв иргэдэд вакцин хэмээн худал хэлж давсны уусмал, антибиотик тарьж байсныг илрүүлж, буруутай этгээдүүдийг баривчилжээ. Тус төвүүдээр чухам хэчнээн хүн үйлчлүүлж, вакцины оронд өөр зүйл тариулсан нь нарийн тодорхойгүй байгаа ч албаныхны дүгнэж буйгаар дор хаяж 2500 хүн бий аж.

Жишээлбэл, Мумбайн захиргаа Шивам хэмээх эмнэлгийг өнгөрсөн долоо хоногт хааж, эрхийг нь цуцлан, холбогдох хүмүүст хариуцлага тооцжээ. Учир нь цагдаа нар тус эмнэлгийг хуурамч вакцины сүлжээтэй хамааралтай хэмээн үзэж, удирдлагуудыг нь саатуулж, хуурамч вакцин үйлдвэрлэсэн болон худалдаж авсан эсэхийг нь шалгах аж.

Шивам эмнэлэг энэ оны эхээр Засгийн газраасаа зөвшөөрөл авч, хувийн вакцинжуулах төвүүдийн нэг болж, Мумбайн захиргаагаар дамжуулж 20 мянган тун вакцины шил албан ёсоор хүлээн авчээ. Гэвч цагдаа нарын сэжиглэж буйгаар тэдгээрийн заримыг нь хууль бусаар ашиглан, вакцины оронд давсны уусмал гэх мэтээр дүүргэсэн байж болзошгүй байгаа аж.

Албаныхны тооцоолсноор Мумбайд тавдугаар сараас хойш дор хаяж 2000 хүн давсны уусмал тариулсан бололтой. Мумбайн цагдаагийн комиссар Вишвас Нангре Патил “Бид хуурамч вакцины сүлжээний хамгийн том гэмт хэрэгтнүүдийг бүгдийг нь баривчилсан. Цаашид ч тус хэрэгтэй холбоотой өөр этгээдүүд илэрвэл тэр дор нь барих болно” хэмээн ярьжээ.

Хуурамч вакцины хэрэгт дор хаяж 10 хувийн вакцинжуулах төв оролцож, иргэдэд давсны уусмал тарьснаараа 35 мянга орчим ам.долларын ашигтай ажилласан гэж цагдаа нар сэжиглэж байгаа аж.

Эх сурвалж: RT

Энэ мэдээнд өгөх таны сэтгэгдэл?
7
ХахаХаха
6
БурууБуруу
5
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

БГД-ын 14-р хороо 23-3 тоот иргэн Х.Батсайхан 2021-07-05 202.131.244.210

Хэрвээ энэ асуудал батлагдвал Ерөхийлөгч,ерөнхий сайд, УИХ-ын дарга , засгийн газар Их хурлын гишүүд бүгд хариуцлагын хуулийн дагуу ажлаа өгөх болно. 500 хүний амь насны асуудал яригдана.

Avatar

Kkk 2021-07-05 122.201.24.99

НАТРИ ХЛОРИД ШАХАЖ ДЭЭ

Avatar

mongol 2021-07-05 59.153.114.163

Манай эрдэмтэн нэг вакцин гаргадаггүй юм байхдаа, Чингис вакцин гэж нэрлээд ёстой дэлхийг эзэлж байхгүй юу. Даанч манайд эрдэмтэдээсээ илүү нийтийн дуучид, хошин шогчид, бөхчүүд /явдаг Жо/, уяачид гэх мэтийн хүмүүсийг тахин шүтэж өгзгийг нь үнсэж байна. Вакцин гаргаад байгаа улсууд болохоор арай л буруу хүмүүсээ шүтээд байна даа, хэзээ нэг ухаан орж дуу хуур, бөх, хошин шогоо шүтнэ дээ.

Avatar

Lucky lucky me 2021-07-05 193.27.14.85

Aztai hognuud ve 🙂 davs sahuulaad Covid-zertifikattai bas bolmoor l baina shdee

Avatar

Зочин 2021-07-05 124.158.96.2

DAVS BOL HORTOI L ZYIL IHGEJ BUSDIIG HOHIROOJ BAIHAAR ZYGEER TSEVER USAAR TARICHIHGYIDEE.

Avatar

Онч 2021-07-05 103.26.195.197

Бидний цусны найрлага бол хоолны давсны 0,9 хувийн уусмал байдаг. Давсны уусмалыг эмчилгээний зориулалтаар хэрэглэдэг. Гэхдээ корона вирусийн вакциныг орлож чадахгүй юм. Хямд тарилгыг ашиглан ашиг олсон байна.

Avatar

Зочин 2021-07-05 202.9.46.150

hil haalttai baihad gadnaas haldvar orj ireh magadlal mash baga. Getel ulam bvr nemegdeed bgaa ni hujaa vaccinaas uudeltei gej hardahad hurgej bna, bid hardah erhtei.

Avatar

иргзн 2021-07-05 202.179.27.61

Бид ч гэсэн Хятад давсны уусмал шахуулжчихаад явж байгаа ч юм билүү Хэн мэдлээ, одоо хүртэл Халдвар буурахгүй улам ч нэмэгдээд байгаа нь цаанаа нэг л Сэжигтэй,

Avatar

иргэн 2021-07-05 202.126.89.236

eersdiigee hichee, hunii um yahav.

NewsMN Гар утасны хувилбар Татах
NEWS.mn

Мэдээллийн эх сурвалж