Минж нутагшуулах, үржүүлэх 145 га газрыг хамгаалалтад авчээ

Хуучирсан мэдээ: 2021.07.05-нд нийтлэгдсэн

Минж нутагшуулах, үржүүлэх 145 га газрыг хамгаалалтад авчээ

Минж нутагшуулах, үржүүлэх 145 га газрыг хамгаалалтад авчээ

Нийслэлийн ИТХ-ын Тэргүүлэгчдийн ээлжит хуралдаанаар өнөөдөр (2021.07.05) “Минж нутагшуулах, үржүүлэх” төвийг нийслэлийн орон нутгийн хамгаалалтад, байгууллагын нөөц ангиллаар авах тухай асуудлыг хэлэлцэв. Нийслэлийн байгаль орчны газраас энэ онд нийт 145 га талбайг дээрх зорилгоор орон нутгийн тусгай хамгаалалтад авах төсөл боловсруулсан байна.

НИЙСЛЭЛИЙН АГААР, ОРЧНЫ БОХИРДЛЫН АСУУДАЛ ХАРИУЦСАН ТӨСЛҮҮДИЙН УДИРДАГЧ З.ТӨМӨРТӨМӨӨ:

-“Минж нутагшуулах, үржүүлэх төслийн нэгж” ОНӨҮГ-ыг Баянзүрх дүүргийн 20 дугаар хороо, Гачууртын төвөөс 7 км орчим газарт Туул голын экосистемийг байгалийн аясаар нэмэгдүүлэх, сайжруулах зорилгоор 2012 онд байгуулсан. Харин 2019 оноос Нийслэлийн байгаль орчны газарт харъяалагдах болсон юм.

Минж нь усны төвшин багассан үед голын эрэгт суваг татах, далан барих зэргээр орчноо намагжуулах, орчны чийгшлийг нэмэгдүүлэхэд гол үүрэгтэй мэрэгч амьтан.

2012 оноос хойш нийт 57 бодгаль минжийг Туул голын эх болон түүний цутгал болох Заан, Тэрэлж голуудад нутагшуулаад байгаа аж. Судлаачид Туул голын эхэнд 100-150 бүл минжний популяц үүсгэсэн үед байгалийн болон хүний сөрөг нөлөөлөлд бага өртөх, улмаар тогтвортой өсөж үржих боломж бүрдэнэ гэж зөвлөдөг. Тиймээс уг ажлыг өргөжүүлэхийн тулд Минж үржүүлгийн төв орчмын газрыг нэмэгдүүлэн, 145 га газрыг орон нутгийн хамгаалалтад авахаа танилцуулсан юм. Улмаар үржүүлгийн төв орчимд цүнхээл үүсгэн минж нутагшуулж, тоо толгойг нэмэгдүүлэх, байгальд дасгах нөхцөлийг бүрдүүлэн, усны урсацыг нэмэгдүүлэн, нөөцийг арвижуулах, экологийн боловсролын тогтолцоонд арга зүйн туслалцаа үзүүлэх эко тур болгон хөгжүүлэхийг зорьж байна.

“Минж нутагшуулах, үржүүлэх” төвийг нийслэлийн орон нутгийн хамгаалалтад, байгалийн нөөц ангиллаар авахыг Нийслэлийн ИТХ-ын Тэргүүлэгчдийн олонхын саналаар дэмжжээ. Орон нутгийн хамгаалалтад авахаар төлөвлөсөн 145 га газарт нийслэл, дүүргийн захирамжаар иргэн аж ахуйн нэгжид өмчлөх, эзэмших эрх зүйн актаар газар олгогдоогүй байгаа юм байна.

Энэ мэдээнд өгөх таны сэтгэгдэл?
4
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж