Эрүүл мэндийн яамнаас Covid-19 цар тахлын нөхцөл байдлын талаар өнөөдөр /2021.07.04/ ээлжит мэдээллээ хийлээ.

Сүүлийн 24 цагт  9000 гаруй хүнд шинжилгээ хийхэд 2520 хүнээс халдвар илэрч нийт батлагдсан тохиолдол 125.260-д хүрчээ. Үүнээс Улаанбаатарт 1302, орон нутагт 1217 тохиолдол бүртгэгдсэн байна. Халдварт 25-34 насныхан ихэнхдээ өртөж байгаа бол сүүлийн үед 0-14 насны хүүхдүүд халдварт өртөх эрсдэл мөн ихэсчээ.  Сүүлийн 24 цагт 1886 хүн эдгэрч эмнэлгээс гарсан бол найман хүн нас баржээ. Ийнхүү улсын хэмжээнд 610 хүн халдварын улмаас нас бараад байна. Өнөөдрийн байдлаар нийт 14100 хүн хэвтэн эмчлүүлж байгаагаас хөнгөн 9368, хүндэвтэр 3341, хүнд 1145, маш хүнд 246 хүн байна.