Заган ойг хамгаалах зорилгоор 150 сая төгрөгөөр хашаа барина | News.MN

Заган ойг хамгаалах зорилгоор 150 сая төгрөгөөр хашаа барина

Заган ойг хамгаалах зорилгоор 150 сая төгрөгөөр хашаа барина

Заган ойг хамгаалах зорилгоор 150 сая төгрөгөөр хашаа барина

Байгаль орчин, аялал жуулчлалын сайд Н.Уртнасан  БОАЖ, ХХАХҮ-ийн яамд НҮБХХ-ийн хамтран хэрэгжүүлж буй “Унаган байгалийн хүлцэл, тогтворжилтыг хангах нь” төслийн нэгжтэй цахим уулзалт хийж 2021 оны хагас жилд Завхан, Архангай, Говь-Алтай, Баянхонгор аймгийн 13 сумдад хэрэгжүүлэх арга хэмжээ, дэмжлэгийг тухайн орон нутагт тулгамдаад байгаа асуудлыг арилгахад чиглэсэн бодит дэмжлэгт төсвөө зарцуулах нь зүйтэй гэдэг чиглэлийг өглөө.

Тухайлбал,

  1. Төслийн дэмжлэгээр Баянхонгор, Говь-Алтай аймгийн 5 сумдад нийт 75 га заган ойг хамгаалах зорилгоор 150 сая төгрөгийн төсөвтэй хашаа барих ажлын үр дүнг үндэсний хэмжээний  газрын доройтлыг бууруулах, цөлжилттэй тэмцэх арга хэмжээнд нэгтгэж цаашид төсвийг нэмэгдүүлж, үр дүнг олон нийтэд мэдээлж байх.
  2. Завхан аймгийн Идрийн голын эх түүний орчмын ойн экосистемийг нөхөн сэргээхэд 50-100 сая төгрөгийн санхүүжилтийн дэмжлэгийг  төслийн Удирдах зөвлөлийн хагас жилийн хуралдаанаар хэлэлцүүлэн шийдвэрлүүлэх.
  3. Төсөл хэрэгжиж буй 13 сумдын байгаль хамгаалагч нарын ажиллах нөхцөлийг сайжруулахад дэмжлэг үзүүлж дүрэмт хувцас, шаардлагатай тоног төхөөрөмжөөр хангах.
  4. Байгаль орчны чиглэлийн 17 хөтөлбөрийн зарим шаардлагатай хөтөлбөрт тухайлбал, Цөлжилттэй тэмцэх үндэсний хөтөлбөрийн хэрэгжилтэд үнэлгээ өгөх ажлыг 2021 оны 10 сар гэхэд хийж дуусгасан байх.

Төслөөс цаашид хэрэгжүүлэх арга хэмжээ нь тухайн бүсийн иргэдийн өдөр тутмын ахуй, амьдралд бодитоор нөлөөлөх зүйл бүтээх нь төслийн үр өгөөжийг нэмэгдүүлнэ гэдгийг онцолсон юм.

Б.ТУЯА

Энэ мэдээнд өгөх таны сэтгэгдэл?
2
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Эсэргүүцэгч 2021-07-03 122.201.23.84

Хашаа барилаа гээд хамгаалахгүй, наад хашаанд чинь харин ан амьтанд л илүү хөнөөгдөж үхэж үрэгдэх байх даа, Яагаад дандаа ийм мөнгө идэх гэсэн арга нь хүртэл тэнэг байдаг байна аа, байгаль дэлхийгээ хамгаалах биш сүйтгээд таарах юм байна даа, тэрний оронд 150 сая төгрөгөөр хашаалаад мод тариач. Нийслэл хот хашаа Улаанбаатар, удахгүй улсаараа хашаагаар дүүрэх юм байна даа

Avatar

Иргэн 2021-07-03 192.82.72.243

БО-ын сайд Уртнасанын хийж байгаа зүйлүүдийг дэмждэг. Аймгуудын байгаль орчны газрын дэргэд мод тарьж ойжуулах агро паркууд байгуулж, Сэлэнгийн Тужийн нарсыг сэргээж 1 сая мод тарьсан болон Дорнод аймгийн ой сэргээгчдын туршлагыг тэдэнд эзэмшүүлмээр байна. Мөн түргэн ургацтай мод бутны суулгацын хүлэмжнүүдийг эдгээр агро паркуудаа түшиглэн бий болгох.

Avatar

Зочин 2021-07-03 122.201.21.21

Тойруулж хашаа барьснаа хамгаалж байна гэж ойлгох юм даа..

Avatar

Зочин 2021-07-03 66.181.160.123

Ашигт малтмал олборлож байгаль сүйтгэсэн компаниудаар нөхөн сэргээлт хийлгэхгүй байна шүү дээ!!! Ямар учиртай юм бэ???

NewsMN Гар утасны хувилбар Татах
NEWS.mn

Мэдээллийн эх сурвалж