Беларусийн Ерөнхийлөгч Александр Лукашенко тус улс руу хууль бусаар зэвсэг тээвэрлэгдэж байна гэж үзэн Украинтай хилээ хаах шийдвэр гаргалаа. Тэрбээр гадаадын хүчний санхүүжилттэй террористууд Беларусьт төрийн эргэлт хийхээр төлөвлөж, хууль бусаар зэвсэг тээвэрлэж байна хэмээн мэдэгджээ. Түүнчлэн Лукашенко “Тэд шугамыг давсан. Бид тэднийг өршөөхгүй” хэмээсэн байна. Лукашенкогийн хардаж буйгаар Герман, Литва, Польш, Украин, АНУ-ын санхүүжилттэй террорист бүлэглэлүүд Беларусь руу зэвсэг тээвэрлэж байгаа аж.

Тэрбээр ЗХУ нуран унаж, Беларусь улс тусгаар тогтнолоо зарласныг тэмдэглэх арга хэмжээний үеэр Украинтай хилээ хааж буйгаа мэдэгдсэн байна.

Харин Украины талаас Беларусийн дотоод хөндлөнгөөс оролцоогүй хэмээгээд хоёр улсыг холбодог 1084 км урт хилийг хааснаар ард иргэдэд л хүндрэл учирна хэмээн тайлбарлажээ. Беларусь нь өмнө талаараа Украинтай, баруун талаараа Польш, Литва улсуудтай, хойд талаараа Латви улстай, зүүн талаараа ОХУ-тай хиллэдэг.

ЭХ СУРВАЛЖ: ВВС