Эхээсээ төөрсөн бамбаруушийг тайгад нь тавилаа

Хуучирсан мэдээ: 2021.07.02-нд нийтлэгдсэн

Эхээсээ төөрсөн бамбаруушийг тайгад нь тавилаа

Эхээсээ төөрсөн бамбаруушийг тайгад нь тавилаа

Хөвсгөл аймгийн Эрдэнэбулган сумын малчин айлд өнгөрсөн тавдугаар сарын 16-нд эхээсээ төөрсөн бамбарууш ирснийг нутгийн байгаль хамгаалагчид асран хамгаалж, бие даан амьдрах чадвартай болгоод, өнөөдөр (2021.07.02) тайгад нь тавьсан байна.

Төөрсөн бамбарууш нь 2-3 сартай, 6 кг жинтэй байсан бол одоо 16-17 кг жинтэй болж, өөрөө бие даан амьдарч, идэш тэжээлээ олох чадвартай болсон гэж үзжээ.

Байгаль хамгаалагчдын асаргаанд сар гаруй болсон бамбаруушийг өнөөдөр ой, тайгад нь тавих ажлыг Хөвсгөл аймгийн Байгаль орчин, аялал жуулчлалын газар, тус аймгийн ЗДТГ-ын Байгаль орчны асуудал хариуцсан мэргэжилтэн, тус сумын байгаль хамгаалагчид хамтран зохион байгуулжээ.

Бамбаруушийг сумын төвөөс 60-70 км, хамгийн ойр айл 10 км байх ой, хөвчид тавьсан байна. Цаашид нутгийн байгаль хамгаалагчид хяналт тавин ажиглах ажээ.

Эх сурвалж: Байгаль орчин, аялал жуулчлалын яам

Энэ мэдээнд өгөх таны сэтгэгдэл?
12
ЗөвЗөв
3
ХөөрхөнХөөрхөн
1
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж