Цар тахлын нөхцөл байдлын улмаас Засгийн газар баяр наадмын арга хэмжээг цуцлах, хойшлуулах арга хэмжээ авахаар төлөвлөж буйгаа мэдэгдсэн. Үүнтэй холбогдуулан өнөөдөр /2021.07.02/ 06.00 цагт уяачид Яармагийн дэнжид цуглаж, Засгийн газрын шийдвэрийг эсэргүүцэн жагсахаа илэрхийлж эхэллээ.

Тэдний зүгээс наадам  хойшлуулах эсэх, эсвэл наадам хийхгүй байх шийдвэрийг Засгийн газар эрт гаргахгүй, цаг тулгаж гаргаж байгаа нь буруу. Уяачид ч мөн хөдөлмөр эрхэлж байгаа хүмүүс бөгөөд Засгийн газрын эргэж, буцсан шийдвэрээс болж бид ийм шийдэлд хүрлээ хэмээн байр сууриа илэрхийлж байна.

Мөн Монголын морин спорт, уяачдын холбооноос Засгийн газарт шаардлага хүргүүлж байгаагаа мэдэгдэв.

Б.ЖАРГАЛ