Ерөнхийлөгчийн Тамгын газрын удирдлагуудыг томиллоо | News.MN

Ерөнхийлөгчийн Тамгын газрын удирдлагуудыг томиллоо

Ерөнхийлөгчийн Тамгын газрын удирдлагуудыг томиллоо

Ерөнхийлөгчийн Тамгын газрын удирдлагуудыг томиллоо

Монгол Улсын Ерөнхийлөгчийн Тамгын газрын дэд даргын тушаалаар Ерөнхийлөгчийн Тамгын газрын Бичиг баримт, хяналт шинжилгээний газрын даргаар С.Янжинсүрэн, Бодлого хэрэгжилтийн газрын даргаар Г.Амартүвшин, Хуулийн бодлогын газрын даргаар О.Машбат нар томилогдлоо.

Газрын даргын нарын намтартай танилцана уу.

Монгол Улсын Ерөнхийлөгчийн Тамгын газрын Бичиг баримт, хяналт шинжилгээний газрын дарга С.Янжинсүрэн:

Содномдоржийн Янжинсүрэн нь 1980-1990 онд Нийслэлийн 51 дүгээр дунд сургууль, 1990-1995 онд Монгол Улсын их сургуулийг төгсөж, 1998 онд философийн магистр, 2002 онд философийн ухааны докторын зэргийг тус тус хамгаалсан. 1995-1996 онд Тайваньд, 1999-2000 онд ИБУИНВУ-д мэргэжил дээшлүүлэн суралцсан. Филиппин, Япон улсад менежментийн чиглэлээр сургалтуудад хамрагдсан.

  • 1998-оноос Монгол Улсын их сургуулийн Философи, шашин судлалын тэнхимийн багш, профессор,
  • 2007-2008 онд Үйлдвэр, худалдааны сайдын зөвлөх,
  • 2008-2012 онд Эрдэс баялаг, эрчим хүчний сайдын зөвлөх,
  • 2016-2020 онд Монгол Улсын Засгийн газрын гишүүн, Шадар сайдын зөвлөх,
  • 2020-2021 онд Монгол Улсын Засгийн газрын гишүүн, Шадар сайдын ахлах зөвлөх бөгөөд Ажлын албаны даргаар тус тус ажиллаж байсан.

Бүтээлийн жагсаалт:

  • Ном, бүтээл – 11,
  • Эрдэм шинжилгээний өгүүлэл – 59,
  • Эрдэм шинжилгээний илтгэл – 21,
  • Олон улсын эрдэм шинжилгээний бага хуралд тавьсан илтгэл – 17,
  • Эрхэлсэн, эмхэтгэсэн, хянан тохиолдуулсан бүтээл – 13,
  • Орчуулгын бүтээл – 2.

Монгол Улсын Ерөнхийлөгчийн Тамгын газрын Бодлого хэрэгжилтийн газрын дарга Г.Амартүвшин:

Гомбосүрэнгийн Амартүвшин нь 1998 онд Нийслэлийн 1 дүгээр дунд сургууль, 2004 онд Монгол Улсын Их Сургуулийн Гадаад хэл соёлын сургуулийг төгсөж, 2012 онд Австралийн Дикений их сургуульд Олон улсын харилцааны магистрын зэрэг хамгаалсан.

Нидерландын Хаант Улсын Олон улсын харилцааны Клингендалийн институт, Швейцарын Холбооны Улсын Европ судлалын үндэсний судалгааны хүрээлэнд олон улсын харилцааны чиглэлээр, Европын Холбоо, АСЕАН-ы бүсийн чуулга уулзалт хамтарсан “Урьдчилан сэргийлэх дипломат үйл ажиллагаа ба зуучлал” зэрэг сэдвээр тус тус 10 гаруй мэргэшил дээшлүүлэх судалгааны хөтөлбөрүүдэд хамрагдаж байсан судлаач. Аюулгүй байдал, олон улсын эрх зүй, хүний эрх болон мөргөлдөөн зохицуулалт сэдвээр мэргэшсэн.

  • 2004-2005 онд Гадаад хэргийн яамны Төрийн захиргааны удирдлагын газарт мэргэжилтэн, Атташе,
  • 2005-2006 онд Гадаад хэргийн яамны Европын газарт Атташе,
  • 2006-2007 онд Гадаад хэргийн яамны Олон талт хамтын ажиллагааны газарт Атташе,
  • 2007-2008 онд Гадаад хэргийн яамны Америк, Ойрхи Дорнод, Африкийн газарт Атташе,
  • 2008-2010 онд Монгол Улсаас Канад Улсад суугаа Элчин сайдын яамны 3 дугаар нарийн бичгийн дарга,
  • 2010 онд Гадаад харилцааны яамны Стратегийн төлөвлөлт, хяналт шинжилгээ, үнэлгээний газарт 2 дугаар нарийн бичгийн дарга,
  • 2012 онд Гадаад харилцааны яамны Бодлого төлөвлөлт, судалгааны газарт 2 дугаар нарийн бичгийн дарга,
  • 2012-2014 онд Гадаад харилцааны яамны Бодлого төлөвлөлт, судалгааны газрын Дэд захирал,
  • 2014-2016 онд Гадаад харилцааны яамны Бодлого төлөвлөлт, зохицуулалтын газрын Захирал,
  • 2017 оноос Тусгай үүрэг гүйцэтгэгч Элчин сайд,
  • 2017-2018 онд Гадаад харилцааны яамны Хөрөнгө оруулалтын судалгааны төвийн захирал, Тусгай үүрэг гүйцэтгэгч Элчин сайд,
  • 2018-2020 онд Гадаад харилцааны сайдын зөвлөх, Тусгай үүрэг гүйцэтгэгч Элчин сайдаар тус тус ажиллаж байсан.

Бүтээлийн жагсаалт:

  • “Олон улсын харилцааны үндэс ба даяаршил” МУИС-ийн сурах бичгийн редакцын зөвлөлд орж ажилласан.

Монгол Улсын Ерөнхийлөгчийн Тамгын газрын Хуулийн бодлогын газрын дарга О.Машбат:

Очирсүхийн Машбат нь 1988-1998 онд Дорноговь аймгийн Ерөнхий боловсролын сургууль, 1998-2002 онд “Их Засаг” их сургуулийг эрх зүйч мэргэжлээр, 2002-2005 онд Санхүү, эдийн засгийн их сургуулийг бизнесийн удирдлага мэргэжлээр тус тус төгсөж, 2005-2007 онд АНУ-ын Колорадогийн их сургуульд суралцаж, хууль зүйн магистрын зэрэг хамгаалсан. Япон, Солонгос, Египет зэрэг улсад мэргэжил дээшлүүлсэн.

  • 2002-2005 онд Улсын Их Хурлын Тамгын газарт туслах ажилтан
  • 2007-2009 онд Хууль зүй, дотоод хэргийн яамны Хууль зүйн бодлогын газарт мэргэжилтэн
  • 2009-2013 онд Нийслэлийн Засаг даргын Тамгын газарт Хууль зүйн хэлтсийн дарга
  • 2014-2015 онд Монголын Хуульчдын холбоонд Ажлын албаны дарга
  • 2015-2017 онд Улсын Ерөнхий прокурорын газарт хяналтын прокурор
  • 2017-2019 онд Нийслэлийн прокурорын газарт Тамгын хэлтсийн дарга, ахлах прокурор
  • 2019-2020 онд Улсын Ерөнхий прокурорын газарт Тамгын газрын дарга, ахлах прокурор
  • 2020-2021 онд Монгол Улсын Шадар сайдын хуулийн асуудал хариуцсан зөвлөхөөр тус тус ажиллаж байсан.

Мөн Монгол Улсын Дээд Шүүхийн сахилгын хорооны гишүүнээр ажиллаж байсан. 2013 оноос одоог хүртэл Монголын Хуульчдын холбооны гишүүн, хуульч.

Эх сурвалж: PRESIDENT.MN

Энэ мэдээнд өгөх таны сэтгэгдэл?
6
ЗөвЗөв
5
ТэнэглэлТэнэглэл
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-29 139.5.218.98

намын төлөө явсан залуучуудаа бас ганц нэг дэмжээрээ. сонгуулиар муу хэлүүлээд явна, ялсны дараа ах нар тоохгүй. ах нар найз нөхөд, амраг саднаа дарга болгоно. энэ давтагдахвий. ерөнхийлөгч өөрөө нэг бодол байгаа байх

Avatar

зочин 2021-06-29 59.153.115.171

Дажгүй л залуучууд томилогдож. Баяр хүргэе.

Avatar

Sergln 2021-06-29 185.82.127.25

Эмэгтэй ажилтан үүдэндээ суулгаж бахаа хангагдаг Хүүк /Нас 53/ одоо болноо, зальжин энерги сорогч этгээд элдвээр ордонд дарамтлахаа бас зогсоо, еөк ухаантай юм bol

Avatar

Цэндээ 2021-06-29 122.201.21.31

Нийслэлийн прокурорт машбатын доор ажиллаж байсан ажилдаа сайн зарчим ч хүн дээ амжилт хүсье энэ удаа залуучууд түрж орж бна гэж харж бна

Avatar

Оогий 2021-06-29 122.201.21.31

дан залуучуудаар бүрдүүлжээ bravo Машбаттай хамт хотод ажиллаж бсан ажилдаа зарчим ч сайн залуу даа Амартүвшин ч мундаг

Avatar

Цогсүрэнгийн Ганболд 2021-06-29 79.98.213.82

Содномдоржийн Янжинсүрэнтэй хамт би Шадар сайд .Ө.Энхтүвшингийн Ажлын албанд зиндаа нэг зөвлөхийн ажил хашиж байсан. Янжаа бол эмх цэгцтэй, ёс зүйтэй, Монгол төрийн албанд сайтар бэлтгэгдсэн, чухамхүү мерит зарчмаар өсөн дэвшиж яваа чадварлаг ажилтан. Томилгоо нь нүдээ оножээ.

Avatar

Зочин 2021-06-29 124.158.95.136

Тамгын газрын Хуулийн бодлогын газрын даргаар томилогдсон залууд амжилт хүсье мундаг залуу шүү

Avatar

Зочин 2021-06-29 202.70.34.70

залуучууд гоё байнаа

Avatar

Зочин 2021-06-29 66.181.161.107

2 Залуу бол гоё сонголт бна. Гайгүй ыаг харагдаж бна

Avatar

Зочин 2021-06-29 64.119.29.146

Шашин судлалын багш нэртэй, том даргын авгай хэдэн газарт зэрэг ажилладаг хүн бэ??

Avatar

Зочин 2021-06-29 202.9.40.106

Машбат ёстой зөв сонголт болжээ нутгийн мундаг залуудаа

Avatar

сонгогч 2021-06-29 64.119.25.118

Сэхээтэн залуучуудаар багаа бүрдүүлжээ. Баяр хүргэе

Avatar

Ховч хорчин аьгай 2021-06-29 202.126.89.132

Янжинсүрэн

Avatar

Ховч Янжинсүрэн 2021-06-29 202.126.89.132

Содбаатар Хүрэлсүх 2-н найз ТӨБЗГ-н дөрга Цэнгэлийн авгай Янжинсүрэн гэж ховын туоламаа Содбаатар бас дэргэдээ авчээ. Төрмйн өоба найз нөхөд төрлийн алба болоод дужслаа. Эд нараас олигтоы юу ч гарвахгүй !!

Avatar

Зочин 2021-06-29 202.126.89.121

Pisdamin ehleed hund oilgogdhoor yum bichchih! Harvaas arhichin pisda l bhshig baina! Chamshig chyatsga d heniige songoh songohgui hamaagui shuu!

NewsMN Гар утасны хувилбар Татах
NEWS.mn

Мэдээллийн эх сурвалж