Их хэмжээний борооны улмаас төмөр замд эвдрэл үүсчээ | News.MN

Их хэмжээний борооны улмаас төмөр замд эвдрэл үүсчээ

Их хэмжээний борооны улмаас төмөр замд эвдрэл үүсчээ

Их хэмжээний борооны улмаас төмөр замд эвдрэл үүсчээ

Сэлэнгэ аймгийн Орхонтуул сумын Шар-Ус багийн нутагт галт тэрэг унасан ослын улмаас үүсээд байгаа орчны бохирдлыг тогтоох, холбогдох арга хэмжээ авахаар ажлын хэсэг ажиллаж байна.

Улаанбаатар хотоос Орхон аймгийн чиглэлд шатахуун тээвэрлэж явсан ачааны галт тэрэг Сэлэнгэ аймгийн Орхонтуул сумын Шар-Ус багийн Цагаан тохой хэмээн газар замын хажуу руу унасан осол гарсан. Их хэмжээний борооны улмаас төмөр замын ул шороо угаагдаж төмөр замд эвдрэл үүсэж Салхит өртөөнөөс Эрдэнэт өртөөний чиглэлд 78 дугаар км-т ачааны галт тэрэгний 9 вагон үүнээс 7 вагон дизель түлш, 1 вагон элс, 1 вагон масло ачиж явсан. Ослын улмаас асгарсан түлшний хэмжээ ойролцоогоор 80-100тн, түлш асгарсан талбай 3 га хамарсан гэж тогтоогоод байна.

Ослын газарт Байгаль орчинд үүсэх хохирлын хэмжээг бууруулахаар 35-40 см гүнтэй хөрс хуулалт хийж, цуваанд ачиж явсан элс хайргыг ашиглан асгарсан түлшийг шингээж авах арга хэмжээ авсан. Хөрс болон уснаас гурван байрлалаас дээж авч шинжилгээ хийн байгаль орчинд нөлөөлөх хохирлын үнэлгээг тогтоохоор ажиллаж байна. Ургамлын төрөл зүйлийг тогтоож, хорт бодисыг саармагжуулах, хөрс, усыг хамгаалах, нөхөн сэргээх арга хэмжээг шинжилгээнд үндэслэн шат дараатай авах юм. Одоогоор хуулсан эрүүл хөрсийг буцааж дэвссэн.

Түлш асгарсан газар нь Орхон голоос 5-6 км зайтай бөгөөд голд хүрээгүй. Ослын газраас 500 метр гаруй зайтай борооны улмаас үүсэн тогтоолд түлш орсон учир уснаас дээж авч эрсдэлийг үнэлэх ажлыг зохион байгуулж байгааг Сэлэнгэ аймгийн байгаль орчин, аялал жуулчлалын газрын дарга З.Түвшинтөгс мэдэгдлээ.

Эх сурвалж: БАЙГАЛЬ ОРЧИН, АЯЛАЛ ЖУУЛЧЛАЛЫН ЯАМ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2021-06-28 59.153.115.11

ugaasaa Mongol uls tumur zamin daland heregleh dairganii standart baihgyin bishyy yag tumur zamiin daland. yun ugaagdah shoroo obooloh usand ursahgyi. hyldyyd tesbertei dairga baih heregtei bizdee yyniig darui todruulaach ee jiees jild end tend bainga l iiim yum bolohiin? tegeed tymyr zam myanganii h geh shig mergejlii yydnees eh oronchoor hamdaachee!!!

Avatar

ЗОЧИН 2021-06-28 59.153.86.44

ТӨМӨР ЗАМЧИД ЗАМАА ШАЛГААГҮЙГЭЭС УГААГДАЖ ЭВДЭРСЭН ЗАМРУУ ГАЛТ ТЭРЭГ ОРЖ ОНХОЛДСОН БН, ҮЕР БОРООНЫ ҮЕД ЗАМАА ӨДӨР, ШӨНӨГҮЙ ШАЛГАЖ УГААГДАЛТЫГ ИЛРҮҮЛЖ, ИРЖ ЯВАА ГАЛТ ТЭРГИЙГ ЭВДЭРСЭН ЗАМРУУ ОРУУЛАХГҮЙ ЗОГСООХ АРГА ХЭМЖЭЭ АВАХ ЁСТОЙ БАЙСАН, ҮҮНИЙГ ХИЙГЭЭГҮЙ БН.

Avatar

Zochin 2021-06-28 202.4.248.65

Япон шиг 1 сар бороо орвол одоо яанаа. Бороо орно үер болно гэж бодож хийх хэрэгтэй шүү дээ.

Avatar

Зочин 2021-06-28 202.21.107.124

Асгарсан түлшийг Батүүл Элбэгдорж хоёроор төлүүлж улсыг хохиролгүй борлго..

NewsMN Гар утасны хувилбар Татах
NEWS.mn

Мэдээллийн эх сурвалж