Хотоос очсон сахиурууд Хөвсгөлийн эмнэлэгт халдвар тараажээ | News.MN

Хотоос очсон сахиурууд Хөвсгөлийн эмнэлэгт халдвар тараажээ

Хотоос очсон сахиурууд Хөвсгөлийн эмнэлэгт халдвар тараажээ

Хотоос очсон сахиурууд Хөвсгөлийн эмнэлэгт халдвар тараажээ

Хөвсгөл аймгийн нэгдсэн эмнэлэгт Covid-19 халдвар голомтлон тархаж, 99 эмч ажилтан халдвар авсан байна. Тодруулбал, нүдний хоёр эмчээс голомттой 15, Дотрын тасгаас үүдэлтэй 5, Мэс заслын тасгийн 13 ажилтан, Удирдлага мэдээллийн тасгийн 17 ажилтан, эдгээр голомтоос үйлчилгээний нийт 24 ажилтан халдвар авчээ. Мөн эмнэлгийн бусад шалтгаанаар 10 тохиолдол бүртгэгдсэн байна.

Халдварын эх уурхай нь Улаанбаатар хотоос ирсэн сахиур болон нийслэлд ээлжийн амралтаа өнгөрөөсөн эмнэлгийн ажилтнаас голомтлон тархсан гэж эмнэлгийн зүгээс үзэж байгаа юм. Сахиурын тухайд, түргэвчилсэн шинжилгээгээр сөрөг гарсан ч PCR шинжилгээний хариу нь гараагүй байхад өндөр настай ээжийгээ эмнэлэгт сахижээ. Тухайн иргэний PCR шинжилгээний хариу нь эерэг гарснаар халдвар тархах шалтгаан болсон гэнэ.

Энэ талаар аймгийн Нэгдсэн эмнэлгийн захирал Г.Оюунжаргалаас тодруулахад “Covid-19 халдвараар эмнэлгийн 99 ажилтан өвдсөн нь үнэн. Ажилтнуудын дийлэнх нь хөнгөн өвдсөн. Долдугаар сарын 5-н гэхэд бүгд ажилдаа орно. Эмнэлэгт Covid-19 халдвар эмнэлэгт голомтлон тархахад иргэд, эмнэлгийн ажилтнуудын хариуцлагагүй байдал нөлөөлсөн гэж үзэж байгаа.

Манай эмнэлгийн дотрын тасагт өндөр настай маш хүнд хүн хэвтсэн. Охин нь хотоос ирж, эмнэлэгт ээжийгээ сахих хүсэлт гаргахад нь анх бид шаардлагыг нь хүлээж аваагүй. Гэтэл тухайн хүн бидэнд “Хэрэв ээжтэйгээ уулзаж чадахгүй нас барвал бид гомдол гаргана" гэж хэл ам хийсэн. Тиймээс эмнэлэг рүү оруулсан. Тухайн сахиурын түргэвчилсэн хоёр удаагийн шинжилгээний хариу нь сөрөг гарсан учраас PCR шинжилгээг авч эмнэлэгт сахиураар байхыг нь зөвшөөрсөн.

Хоёр хоногийн дараа шинжилгээний хариу нь эерэг гарч, ээждээ халдвар тараагаад зогсохгүй түүнээс эмчлэгч эмч, Сэхээний тасгийн эмч, сувилагч, ажилтан халдвар авсан нь энэ сарын 15-нд батлагдсан. Бас мэс заслын тасагт халдварын голомт үүссэн нь Улаанбаатараас ирсэн сахиуртай холбоотой. Хөл нь хугарсан хүүхдээ сахихаар Улаанбаатар хотоос ар гэрийнхэн нь ирсэн. Тухайн хүүхдэд асаргаа шаардлагатай болохоор сахиур авахыг зөвшөөрсөн. Ар гэрийн хүнээс PCR шинжилгээ авахаас өмнө түргэвчилсэн шинжилгээгээр эмнэлэгт оруулсан. Гэтэл зургаа дахь хоног дээр сахиураас түргэвчилсэн шинжилгээ авахад эерэг гарсан.

Улмаар өрөөнд эмчлүүлж байсан хоёр хүн, нэг сахиурын PCR сорьц батлагдсан. Тиймээс одонгийн найртай холбоотой халдвар тархаагүй. Тандалт судалгаагаар ч тогтоогдоогүй, би найр хийгээгүй. Ер нь Хөвсгөл аймаг халдварын тархалт хяналтаа алдчихсан. Энэ нь сонгуультай холбоотой” гэлээ.

Аймгийн нэгдсэн эмнэлэгт халдвар голомтлон гарсантай холбогдуулан энэ сарын 21-27-нд зарим тасгийн үйл ажиллагааг түр зогсоож ариутгал халдваргүйжүүлэлт хийжээ.  Тус эмнэлэг өнөөдрөөс хэвийн горимоор ажиллаж байна. Эмнэлгийн зүгээс дээрх тайлбарыг өгч иргэдэд “бурууг чихэж” байгаа ч  бас эмч ажилчидтай холбоотой хариуцлагын асуудал ч шүүмжлэл дагуулах болов.

Учир нь, Хөвсгөл аймгийн нэгдсэн эмнэлгийн захирал Г.Оюунжаргал нь аймагтаа одонгийн найр хийсэн, эмнэлгийн эмч ажилчид захирлаа угтан авахдаа амны хаалтгүй нэг дор цугласан нь халдвар тархах шалтгаан болсон гэх шүүмжлэл хардлага иргэдийн дунд байна. Аймгийн нэгдсэн эмнэлгийн захирал Г.Оюунжаргал нь энэ сарын 11-нд Мэс заслын анхны эмэгтэй “Хүний гавьяат эмч” цолоор шагнуулсныхаа маргааш нь 2021.06.12-нд аймагтаа иржээ. Түүнийг нутагтаа ирэхэд нь эмнэлгийн ажилчид нь угтан авахдаа  амны хаалтгүй, хөгжим тоглож буй хүмүүс ч амны хаалтгүй бичлэг цацагдсан нь ийнхүү шүүмжлэх, хардах шалтгаан болж байгаа юм.

Энэ талаар аймгийн нэгдсэн эмнэлгийг захирал Г.Оюунжаргал “Хөвсгөлийн нэгдсэн зар, Хөвсгөл аймгийн дуулиан зэрэгт гарсан шиг би найр хийж, өвдөж халдвар тараасан зүйл байхгүй. Энэ сарын 11-нд шагнал авч, 12-нд нутагтаа ирсэн. Эмнэлэгт халдвар голомтлон тархсан, халдварын нууц үеийн хугацааг тооцсон ч он цагийн хувьд огт таарахгүй. Тандалт судалгаагаар тухайн үед намайг угтан авах үед халдвар тархсан гэх зүйл илрээгүй. Ер нь салхитай орчинд халдвар тархах эрсдэл бага, агааргүй битүү орчинд халдвар тархах эрсдэл өндөр байдаг” гэх тайлбар өгсөн юм.

Энэ мэдээнд өгөх таны сэтгэгдэл?
7
ХарамсалтайХарамсалтай
4
ХахаХаха
4
ТэнэглэлТэнэглэл
1
ХөөрхөнХөөрхөн
0
ЗөвЗөв
0
ГайхмаарГайхмаар
0
БурууБуруу
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2021-06-28 202.179.21.250

Гэртээ ирсэн хүүхдийг л 15 хоног хорионд байх ёстой гээд л цагдаа, сэргийлэх, багийн дарга болоод л сүржигнээд байсан, яахаараа улаан бүсээс ирж байгаа хүмүүс эмнэлэг, зоогийн газар, хүлээн авалт болоод явчихдаг юм. Нэр бүхий хүмүүсийн хариуцлагаас болж халдвар тархсан байна.

Avatar

Зочин 2021-06-28 98.32.198.203

ugaasaa l haldvar tarhsan baij

Avatar

Gan 2021-06-28 103.229.120.32

Бидний ихэнх нь халдвар авч бас нэлээд хүн нас барж байж. Энэ өвчин намдах байх. Тийм болохоор тайван байж бие биенээ хүндэтгэн энэ хүнд үеийг давья

Avatar

Зочин 2021-06-28 202.9.47.58

Завхарсан юм. Улаанбаатарынхан дунд корона хавтгай тарсан юм байна. Хөвсгөл рүү хотоос орж ирэх бүх замыг хаавал таарна.

Avatar

Zochin 2021-06-28 192.82.67.80

Odongoo avchaad zamaasaa tosuulaad baahan arhi dars bolson, tegeed daraa ni ene avgain nair bolson. Um uzeegui oird ajil torol hiigeegui erguu um baidiin. Ooroosoi zailuuljee, chi shuu dee, chi bair naadam hiij tataasan

Avatar

Малнуудыг алж идвэл таарна 2021-06-28 103.111.68.3

Тэнэг хэнэггүй сдакууд шүү, хэлэх үг олдку юм даа, халвартай байж хаашаагаа тэнээд явдаг муу л******д бэ

Avatar

Зочин 2021-06-28 66.181.160.73

haa saigui l ene haniad tarhsan baigaa, surtei sht

Avatar

зочин 2021-06-28 66.181.180.173

Өөрөөсөө зайлуулах гээд байгаа юм шиг харагдаж байна.

Avatar

Хотын уугуул иргэн 2021-06-28 66.181.184.155

Одонгийн найр наадмаас болсон нь ойлгомжтой. ОРК-ууд гэж энэ дээ. Тэгээд бас ичихгүй бусад булзах гэж байна.

Avatar

Зочин 2021-06-28 202.126.89.182

Хэл ам нь урьдал болсон ардчилагчид АЛБААР өвчин тарааж байна.Энэ дарга авгай шагналаас биш сонгуулиас гэж солиорч өгчээ.

Avatar

Зочин 2021-06-28 64.119.27.176

Дээр нь коммунисууд ийм нөхцөл байдлыг хэдий хүртэл нуух байсан юм бэ?

Avatar

Зочин 2021-06-28 64.119.27.176

Халдвараас болж олон хүн шарил ч байхгүй нас барж байхад даварсан хүүхнийг шоронд хийж шийтгэ. Халдвар ганхан хүний ээжийн бие муугаас болжээ. Тэнэглэлд хязгаар бий. 500 гаран хүний шарил ч байхгүй үхчихсэн байна.

Avatar

Зочин 2021-06-28 202.131.225.197

Хариуцлагагүй Монголчуудыг хиаруулж байна даа.

Avatar

Зочин 2021-06-28 202.131.225.197

Хэл ам хийж ороод эхдээ халдвар тарааж л байдаг. Хөл нь хугарсан хүүхдийг Хөвсгөлийнх нь хүн сахиж болоогүй юу. Хотын голомтоос очиж сахидаг нь ямар учир байна.

Avatar

Зочин 2021-06-28 192.82.75.25

хэдэн дарга нар эмч нарыг цуглуулж одонгийн найр хийчихээд буруугаа бусдад тохоод байхийн

NewsMN Гар утасны хувилбар Татах
NEWS.mn

Мэдээллийн эх сурвалж