XIX зууны үеийн Америкийн нэрт зураач Winslow Homer-ын уран зураг АНУ-ын шуудангийн марканд мөнхөрлөө. 44 центийн энэхүү марканд буусан зураг нь 1874 онд тосон будгаар зурсан “Бэлчээрт суугаа хөвгүүд” нэртэй алдарт зураг юм.
Уг зургийн эх хувилбар Бостоны “Fine Art” музейд хадгалагддаг юм байна. Энэхүү маркыг дэлхийн марк цуглуулагчдын шоу фестивальд зориулан гаргасан ба шуудангийн үйлчилгээнд ашиглахгүй аж.
Сонирхуулахад, нэрт зураачийн зургаас марканд бууж буй анхны зураг нь энэ биш гэнэ. Анх 1962 онд түүний “Breezing Up” нэртэй уран зургаар марк гаргаж байжээ.

Н.Наран