Автобусны буудлаас олдсон Нэгдсэн Вант улсын нууц материал | News.MN

Автобусны буудлаас олдсон Нэгдсэн Вант улсын нууц материал

Автобусны буудлаас олдсон Нэгдсэн Вант улсын нууц материал

Автобусны буудлаас олдсон Нэгдсэн Вант улсын нууц материал

ОХУ-ын хилийг зөрчиж, гал нээхэд хүргэсэн гэх “HMS Defender” байлдааны хөлөг болон Их Британи Умард Ирландын Нэгдсэн Вант улсын армитай холбоотой Батлан хамгаалах яамны нууц бичиг баримт Кентийн автобусны буудлаас олджээ.

Нууц бичиг баримтад хоёр чухал асуудлын талаар дурдсан байсны нэг хэсэг нь өнгөрсөн долоо хоногт “HMS Defender” хөлөг онгоц Крымийн хойгийн дэргэдүүр өнгөрч Украины усанд хүрэхэд ОХУ-ын талаас үзүүлж болзошгүй олон хариу үйлдлийн талаар авч хэлэлцсэн байх аж. Харин нөгөө хэсэгт АНУ, НАТО-ын цэргүүд Афганистаныг орхисны дараа Нэгдсэн Вант улс цэргийн тусламж үзүүлэх талаар төлөвлөгөөг бичсэн байна. Иймд нууц бичиг баримттай холбоотой асуудлаар Засгийн газар мөрдөн шалгах ажиллагаа эхлүүлжээ.

Их Британийн Батлан хамгаалах яамны төлөөлөгчийн хэлснээр ажилтан нь чухал бичиг баримт алдагдсаныг илтгэж байсан талаар мэдээлээд, илүү нарийн мэдээлэл өгөхөөс татгалзсан аж.

БИЧИГ БАРИМТ ХААНААС ОЛДОВ?

Нууц бичиг баримт бараг 50 хуудастай, нутгийн цагаар энэ сарын 22-ны өглөө Английн зүүн өмнөд нутгийн Кент хотын автобусны буудлын ойролцоох овоолсон шавар дундаас олджээ. Бичиг баримтыг олсон иргэн нэрээ нууцлахыг хүсч, болсон явдлын талаар BBC агентлагт мэдээлжээ.

Бичиг баримтууд дунд байх цахим шуудан болон “Microsoft powerpoint” илтгэлийн үзүүлэнгүүдийг Батлан хамгаалах яамны ахлах албан тушаалтны албан өрөөнд үйлдсэн байж болзошгүйг BBC агентлаг мэдээлсэн байна.

“HMS DEFENDER” ХӨЛГИЙГ УКРАИНД ХЭРХЭН ХҮРГЭХ ТАЛААР ЮУ ЯРИЛЦАВ?

Нууц бичиг баримтуудын нэг хэсэг Нэгдсэн Вант улсын Хатан хааны тэнгисийн цэргийн 45 дугаар ангиллын HMS Defender байлдааны хөлөгтэй холбоотой мэдээллээс бүрдсэн аж.

Эргэн санавал, ОХУ-ын 2014 онд Украинаас булаан авсан Крымийн хойгийн эргээс 19 км зайд Хар тэнгист энэ сарын 23-нд Их Британийн хөлөг Оросын хилээс дотогш гурван км орчим нэвтэрчээ. Тиймд Москва тус хөлөгт анхааруулах зорилгоор хоёр эргийн харуулын хөлөг, 20 гаруй сөнөөгч онгоц илгээжээ. Эргийн харуулын хөлгүүд анхааруулах гал нээж, СУ-24 онгоц хөлгийн явж байсан чиглэл дэх аюулгүй зайд дөрвөн бөмбөг хаяж, буцааж явуулсан юм. Тухайн үед хөлөг нь ийнхүү хил зөрчсөнийг Нэгдсэн Вант улсын Батлан хамгаалах яам үгүйсгэж, “Их Британийн хөлөгт ямар нэг анхааруулга ирээгүй, хөлөг ердөө Украины эзэмшилд нэвтрэхээр явж байсан” гэж тайлбарлаж байв.

Гэвч дээрх нууц бичиг баримт дээр бүрэн зэвсэглэсэн, нисдэг тэргээ ачсан “HMS Defender” хөлөг Оросын хилд нэвтрэхэд Москва ширүүн хариу арга хэмжээ үзүүлнэ гэдэгт итгэлтэй байгаа талаар дурджээ.

Нууц баримт дээрх мэдээллүүдээс харахад тус үйл явдал нь “Детройт ажиллагаа” нэртэй даалгавартай холбоотой бололтой. Тухайлбал, энэ сарын 21-нд тус ажиллагааны талаар дээд албан тушаалтнууд хэлэлцсэн, тухайн үед “HMS Defender” хөлөг Крымийн ойролцоо явахад ОХУ ямар хариу үзүүлэхийг албаныхан таамаглан ярилцжээ.

Түүнчлэн Их Британийн Нортвуд дахь гурван чиглэлд хамтарсан удирдах байранд болсон хэлэлцүүлэг дээр сүүлийн үед Газар дундын тэнгисийн дорно хэсэгт Оросын арми болон “HMS Queen Elizabeth” хөлгөөр ахлуулсан салааны хооронд таамагласны дагуу таагүй харилцаа үүссэн болохыг дурдсан байж. Мөн өөр нэг хуудас дээр “Батлан хамгаалахын төлөвлөгөөт үйл ажиллагааг хэрэгжүүлж эхэлснээс хойш ОХУ-ын тэнгисийн цэрэг болон нисэх хүчин хоорондын уялдаа холбоо илүү нягт, бат бөх болох магадлал өндөр байна” хэмээн анхааруулжээ.

Бусад үзүүлэнгийн хуудаснуудаас үзэхэд байлдааны хөлгийг явуулж болох хоёр замын талаар авч хэлэлцсэн байна. Эхний зам нь “Одессагаас Батуми хүрэх мэргэжлийн бөгөөд шууд зам”. Энэ нь Крымийн баруун урд үзүүртэй ойрхон өнгөрөх богино маршрут байх аж. Энэ замын дагуу бол хөлөг Их Британийн тодорхойлсончлон Украины эзэмшилд хялбар нэвтэрч, Засгийн газартай нь холбоо барих давуу талтай юм. Харин Оросын талаас үзүүлэх хариу үйлдлийг “Аюулгүй бөгөөд мэргэжлийн”-ээс “Аюултай бөгөөд мэргэжлийн бус” хүртэл гурван янзаар таамагласан байна. Тэгтэл Москва хэрэг дээрээ маш ноцтой хариу үзүүлж, холбоогоор анхааруулга илгээхээс гадна эргийн харуулын хөлгүүд 100м-ээс илүү ойртож, сөнөөгч онгоцнууд тойрон эргэлдсэн билээ.

Тэгвэл өөр нэг зам нь хөлгийг маргаантай хэсгээс холуур тойруулан явуулахаар байжээ. Хоёр дахь замыг сонгосон тохиолдолд хөлөг ямар нэг асуудалд оролгүй Украинд хүрэх давуу талтай боловч ОХУ-ын эзлэн түрэмгийлсэн хэсгийг хүлээн зөвшөөрч, түүгээр дайрахаас айсан мэт Москвад харагдах эрсдэлтэй байжээ.

Харин эцэст нь Нэгдсэн Вант улсын Засгийн газар эрсдэлийг үл тоон Украиныг дэмжиж байгаагаа харуулсан товч замыг сонгохоор шийдсэн аж.

ДИПЛОМАТ АЖИЛЛАГАА БАЙВ УУ?

Ийнхүү байлдааны хөлгийг илгээсэн нь Москваг өдөөн хатгах бус, дипломат ажиллагааны зорилготой холбоотой бололтой. Тухайлбал, дээрх ажиллагаагаар Нэгдсэн Вант улс Москва 2014 онд Крымийг булаан эзэлснээс хойш Украины тусгаар тогтнол, эрх чөлөөг дэмжиж байгаагаа харуулах зорилготой байжээ.

НҮБ-ын 1982 оны далайн хуулийн конвенцийн дагуу бол дайран өнгөрч яваа гадаад орны хөлөг онгоц “Ойролцоох эргийн улсын энх тайван, аюулгүй байдал, сайн сайханд илт халтай үйлдэл гаргаагүй” бол түүнийг “гэмгүй” гэж үзэх ёстой аж. Түүнчлэн үл ойлголцол гарсан тус хэсгийг хэд хэдэн улс Оросынх биш, Украиных хэмээн үздэг билээ.

НУУЦ БИЧИГ БАРИМТАД ӨӨР ЮУ ДУРДАВ?

Дээрхээс гадна тус бичиг баримтад Нэгдсэн Вант улс Европтой өрсөлдөх зэвсгийн экспортын кампанит ажил зэрэг салбаруудын тухай бичжээ. Түүнчлэн энэ сарын 14-нд Их Британи, АНУ-ын хооронд болсон батлан хамгаалахын яриа хэлэлцээний товч танилцуулга, тэр дундаа Ерөнхийлөгч Жо Байден албан тушаалаа хүлээн авснаас хойш эхний саруудад хийсэн ажлуудын талаар ажиглалт багтсан байна.

Тэгэхдээ Нэгдсэн Вант улсын тал Жо Байденг Хятад, Энэтхэг-Номхон далайн бүс нутагт анхаарлаа хандуулсаар байгаа нь өмнөх засаглалын бодлогыг үргэлжлүүлж буй явдал гэж дүгнэсэн байна.

АФГАНИСТАНЫ ТАЛААР ЮУ ӨГҮҮЛЭВ?

Нууц бичиг баримтад хавсаргасан “Зөвхөн Нэгдсэн Вант улсын нууц” хэмээх хаягтай нэгэн хавтаст АНУ, НАТО цэргээ татаж буй ажиллагааны дараа Афганистанд хэрхэн тусалж болох талаар дурдсан байна.

Тэгэхдээ АНУ-ын Нэгдсэн Вант улсаас хэд хэдэн чухал салбарт хүссэн хүсэлтийг хэлэлцэж, Вашингтон бүх цэргээ татаж дууссан ч Их Британийн тусгай хүчин Афганистанд үлдэх эсэх асуудлыг хөнджээ. Зарим хэвлэл мэдээллүүд ч өмнө нь Их Британи зарим цэргээ Афганистанд үлдээж магадгүй талаар мэдээлж байсан билээ.

Эх сурвалж: BBC

Энэ мэдээнд өгөх таны сэтгэгдэл?
8
ТэнэглэлТэнэглэл
3
ЗөвЗөв
3
ХарамсалтайХарамсалтай
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-28 202.126.88.130

Дэлхий удахгүй усанд автаж галав юүлэхэд хамгийн түрүүнд алга болох улсуудын нэг нь ИБУИНВУ. 50 хүрэхтэй үгүйтэй жилийн настай байж дэлхийн зургааны нэгийг эзэлдэг, цөмийн болоод үй олноор устгах өөр бусад зэвсэгтэй Оростой шөргөөцөлдөөд юугаа хийнэ дээ. Мөрөөрөө мөөмөө унжуулаад, замаараа засаагаа унжуулаад л явж байсан нь тэдний аминд өлзийтэй. Орост нэг л бодлого буй. Хэн нэгэнд дээрэлхүүлэхгүйн тулд зэр зэвсгийн салбараа дээд зэргээр хөгжүүлж, завсар зайгаар нь бусдын дэл сул байгаа газрыг

Avatar

зочин 2021-06-28 202.9.46.42

Крым хэзээ ч Украиных байгаагүй. Бүр саяхан 57-хон жилийн өмнө буюу 1964 онд Хрущёв гэгч украин этгээд ЗХУ-ын удирдагч байхдаа Киевт очиж дайлуулаад согтохдоо Крымыг Украинд бэлэглэе гэсэн юм гэнэ. Тэр үед ганц том улс байсан тул Украины хил ч гэж юу байлаа өгсөн авсан гэж юм бодоцгоогүй юм гэдэг. Түүхээ мэддэг крымчүүд өөрсдөө ард түмний санал (манай Монгол 1946 онд тусгаар тогтнох санал хураасаны яг адилаар) хураалтаар шийдчихсэн болохоос би Оросууд хүчээр дайрч булааж эзлээгүй юм.

Avatar

Зочин 2021-06-28 122.201.24.122

Одоо ИхБританид эзлэн тvрэмгийлvvлж едеен хатгуулж байдаг Орос байтугай Африкын улс олдохоо больсон цаг!! Ер нь хэзээч еертэйгее адил зэргийн улстай бие даан дайтаж vзээгvй улс юм билээ! Дундад зуунд чулуун зэвсегийн vедээ байсан баахан ард тvмнvvдийг геноцид хийн устгаж эд баялаг дээрэмдсэний неецеер едий зэрэгтэй манай vед ирсэн ухаантай юм!! Одоо бол шалихгv нэг дундаж улс!! Нэр нь ч томдцон юм! Ккк.

Avatar

Зочин 2021-06-28 115.131.2.171

Англичууд дандаа хор найруулж байна шүү. Өдөөн хатгачихаад ард нь сугарч үлдээд хоёр улсыг хооронд нь байлдуулахдаа хэзээний мэргэжсэн улс

Avatar

Зочин 2021-06-28 202.126.89.206

Уншаад ч ойлгохгүй сохроор оросыг шүтэгч маанаг үхэр

Avatar

Энхээ 2021-06-28 202.126.89.245

Анхаарулах зорилгоор буудаж , бөмбөг дэлбэлсэн гэх. Худлаа. Бөмбөг ерөөс дэлбэлээгүй. Буудахын хувьд маш хол зайтай явж байсанАнглийн рөлөг онгоцонд огт нөлөөлж чадах буудлага болсон. Тэрийг нь англичууд ч мэдээгүй.
Нууц бичиг баримт олдсон тухайд энэ нь зориудын ажиллагаа байсан байж таараад байгаа.

Avatar

Оноч 2021-06-28 122.201.22.58

чиний энэ ярианд ямар үндэслэлээр итгэх үү?

Avatar

Заагч 2021-06-28 202.9.46.108

Амарбаясгалан нэрт хог данжаадаа Крымийг Орос хэзээ булаачихав угаасаа Оросын нутаг хог гамингийн орхидосоо.

Avatar

Зочин 2021-06-28 192.82.64.145

Зайл

Avatar

Зочин 2021-06-28 66.181.180.238

Англичууд хүчирхэг улстай байлдаж байсан нэг ч түүх байхгүй. Оросуудад бут ниргүүлсэн напелеон мөн ази, африк, энэтхэг зэрэг тухайн үедээ буурай байсан иргэдийг дээрэлхэж мөлжиж ирсэн шившигт амьтад. Одоо ч америкчуудын бууны нохойноос өөрцгүй.

Avatar

ҮНЭН 2021-06-28 103.26.195.153

ҮМХИЙ ХУЛМАС МИНЬ СҮРЛЭН ШААХАЙГАА АВААД ТОНИЛЖ ҮЗ ХАХА

Avatar

Монгол хүү 2021-06-28 64.119.29.63

Мэдэхгүй ээ, ЭД НАР ХООРОНДОО ИНГЭЛЭЭ ТЭГЛЭЭ ГЭЭД Л ДЭЛХИЙД МЭДЭЭЛЭХ ЮМ. ТЭР НЬ ХЭНД ХАМААТАЙ ЮМ БЭ? ЕР НЬ БОЛ АЙЛЫН ХАШАА ДАВЖ ОРООД ХӨӨГДӨӨД ГАРЧ БАЙНА ГЭДЭГ БОЛ… ХУЛГАЙ ХИЙХ Л ГЭЖ ТҮНШИЖ ҮЗЭЖ БАЙНА Л ГЭСЭН ҮГ !

Avatar

Зочин 2021-06-28 199.249.230.147

Өөрсдөө тараасан мэдээлэл байна.

Avatar

Зочин 2021-06-28 66.181.184.242

Монголчууд Баян-Өлгийгөөр дайрч өнгөрөхөд Казакууд Монголчууд руу хил зөрчлөө гэж гал нээсэнтэй ижил асуудал юм уу даа. Оросуудад хамаг газар нутгаа алдчихаад бусад орон газар нутгаа Оросод алдаж дэмжээд баярлаж үхэх гээд байгаа нөхдүүд. Монголчуудыг оросын колони болохыг мөрөөдөж хэвтдэг байх даа. Оросыг дэмжихгүй бол хужааг дэмжсэн болчдог эргүү логиктой гарууд шүү

Avatar

ҮНЭН 2021-06-28 103.26.195.153

БҮҮ ҮХЭРТ

Avatar

Энхээ 2021-06-28 202.126.89.245

1911 оны 5 аймагтай байсан засаг захиргааны бүтцээ сэргээх хэрэгтэй!

Avatar

Оюун 2021-06-28 202.126.89.21

Орсууд тоож авахгүй.

Avatar

Зочин 2021-06-28 103.212.116.90

chatsaga aldaad zugtsanaa tsairuulah geed tumen yanz boloh yumaa. bbc giin fake news . nuuts bichgee awaad awtobusaar yawdag gej yuu baihawdee.tegeed teriigee orihoj baidag mun tenegtej uguh yumaa.baruuniihan iim yumand itgedeg debiluud baidag yum baihdaa

Avatar

Зураач Лондон 2021-06-28 94.2.53.127

…Хаант Улс гэж бичвэл зохилтой!

NewsMN Гар утасны хувилбар Татах
NEWS.mn

Мэдээллийн эх сурвалж