УИХ-ын чуулганы өнөөдрийн /06.24/ хуралдаанаар Хөдөлмөрийн тухай хуулийн шинэчилсэн найруулгын төслийн хэлэлцүүлгийг хийлээ. Энэ үеэр УИХ-ын гишүүн, Эдийн засгийн байнгын хорооны дарга Ж.Ганбаатар өөрийн байр сууриа илэрхийлэв. Тэрбээр "Өнөөдөр танхимд дэмжлэг авахгүй, нийгэмд ойлгогдохгүй байж болно. Хүний хөдөлмөр эрхлэх сонирхлыг нэмэгдүүлэх, татвар төлөгчийн бааз суурийг өргөжүүлэх гэдэг бол олон асуудлын шийдэл.  Гэтэл энэ хууль үүний эсрэг ажиллаад эхлэх вий гэдэг болгоомжлол төрж байгаа учраас шүүмжлэлийг үл тоон байр сууриа илэрхийлсээр ирсэн. Хууль хэрэгжээд 2-3 жилийн дараагаас нийгэмд мэдрэгдэнэ. Нөгөөтэйгүүр Хөдөлмөрийн тухай хууль Зөрчлийн хуулийн араас орчих вий гэдэг болгоомжлол байна" гэлээ.