Оюутны байруудад хөнгөн өвчтөнүүдийг тусгаарлана | News.MN

Оюутны байруудад хөнгөн өвчтөнүүдийг тусгаарлана

Оюутны байруудад хөнгөн өвчтөнүүдийг тусгаарлана

Оюутны байруудад хөнгөн өвчтөнүүдийг тусгаарлана

"Оюутны өргөө" дотуур байранд нэмэлтээр 240 ор дэлгэж, Covid-19-ийн халдвар авсан иргэдийг эмчлэхээр болсон байна. Тодруулбал, тус дотуур байранд өнөөдрөөс /2021.6.23/ онош батлагдсан хөнгөн өвчтөнүүдийг хүлээн авч эхэлжээ. Цаашид халдварын тохиолдол нэмэгдсээр байвал олон нийтийн эзэмшилтэй барилгуудад эмч ажилчдыг дайчлан ажиллуулахаас өөр сонголтгүй байгааг Улсын онцгой комиссоос мэдээлж буй.

Баянзүрх дүүргийн эрүүл мэндийн төвийн гурван их эмч, гурван резидент эмч, таван сувилагч, таван үйлчлэгч, нэг ерөнхий зохицуулагч “Оюутны өргөө” дотуур байранд тусгаарлагдаж буй иргэдтэй ажиллаж, хөнгөн өвчтөнүүдэд эмнэлгийн тусламж үйлчилгээ үзүүлэх аж. Иргэдийн тусгаарлалтад тус дотуур байрны 4-10 давхар хүртэл өрөөнүүдийг бэлтгэсэн аж.

Давхрын зохион байгуулалт хийсэн учир нь халдвар авсан жирэмсэн эмэгтэйчүүдийг гуравдугаар давхарт, ахмад настнуудыг дөрөвдүгээр давхарт тусгаарлах гэнэ.

Мөн зургадугаар давхарт яаралтай тусламжийн тасгийг байгуулжээ. Хамгаалалтын хувцас, шаардлагатай эм тариа зэргийг мөн бэлтгэсэн байна. Оюутнуудын дийлэнх нь орон нутаг руу явсан бол тодорхой тооны оюутнууд байрандаа байгаа аж. Тэдгээр оюутнууд тусгаарлагдаж байгаа иргэдтэй харилцахгүй байх зохицуулалтыг хийжээ.

Энэ мэдээнд өгөх таны сэтгэгдэл?
2
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хүннү 2021-06-23 202.179.26.19

Ер нь яалгах гээд байгаа юм? Үүнээс өөрөөр яах ёстой вэ? УОК чадах бүхнээ л хийж байна. Монгол орны нөхцөл байдлыг хэн бүхэн мэдэж байгаа. Боломжгүй болоод оюутны байрыг ашиглаж байна. Халдвар авсан хүнийг гэрт нь байлгаснаас болж халдварын тоо эрс нэмэгдсэн.

Avatar

Зочин 2021-06-23 103.80.210.183

нийт дундаа 00 гар угаагуур гээд өвчинөө паслах юм биш биз дээ. УОК ёстой малууд байдаг хашаа хороо жүчээ юм даа.

Avatar

read before you die 2021-06-23 91.193.4.120

https://www.openvaers.com/covid-data/covid-full-data

Avatar

Зочин 2021-06-23 103.212.119.132

шаардлага хангах уу зарим нь хэдэн жилийн өмөн бол яахав траншейнээс арай дээр байсаан. 00, гал тогоо, шүршүүр, нэг өрөөнд байх хүүхдийн тоо , ор дэр хөнжил гээд хэцүү л юм байдаг. Хөгжлийн бэрхшээлтэй бол бүр боломжгүй л тийм өрөө, байр шүү дээ

Avatar

Зочин 2021-06-23 202.179.26.19

хуцалгүй дуугай бай үүнээс өөр яах юм. Зарим нь хоол хүнс эмэндээ явж вирус тараагаад байна

NewsMN Гар утасны хувилбар Татах
NEWS.mn

Мэдээллийн эх сурвалж