Батлан хамгаалахын сайд Г.Сайханбаяр ОХУ-д айлчилж байна | News.MN

Батлан хамгаалахын сайд Г.Сайханбаяр ОХУ-д айлчилж байна

Батлан хамгаалахын сайд Г.Сайханбаяр ОХУ-д айлчилж байна

Батлан хамгаалахын сайд Г.Сайханбаяр ОХУ-д айлчилж байна

Батлан хамгаалахын сайд Г.Сайханбаярын ОХУ-д хийж буй ажлын айлчлал 2021 оны зургадугаар сарын 22-ны өдөр эхэллээ. Тэрбээр ОХУ-ын Батлан хамгаалахын сайд Сергей Кужугетович Шойгугийн урилгаар “Олон улсын аюулгүй байдлын асуудлаарх Москвагийн IX бага хурал”-д оролцож байна.

Батлан хамгаалахын сайд Г.Сайханбаяр өчигдөр Москва мужид байрлах “Патриот” цэргийн соёл амралтын хүрээлэнд Аугаа их Эх орны дайн дахь Монгол Улсын оролцоог харуулсан уран баримлын нээлтийн ёслолын арга хэмжээнд оролцсон байна.

ОХУ-ын Батлан хамгаалахын сайд С.Шойгу ёслолын ажиллагааг нээж хэлсэн үгэндээ “Өнөөдөр бид Аугаа ялалтыг байгуулахад үнэтэй хувь нэмэр оруулсан Монгол болон Хятадын анд нөхдүүдэд зориулан эхний хоёр уран баримлыг нээж байна. Дараа дараагийн жилүүдэд “Нормандия-Неман” францын нисэхийн хороо, Аляскаас Сибирь рүү нисэх онгоц авч ирж байсан АНУ-ын нисгэгч нарт болон ялалт байгуулахад тусалж, дэмжиж байсан бүхэнд зориулж уран барималуудыг байршуулах болно” хэмээн тодотгожээ.

Батлан хамгаалахын сайд Г.Сайханбаяр “Аугаа их Эх орны дайны он жилүүдэд Монголын ард түмнээс Зөвлөлтийн ард түмэнд үзүүлж байсан тусламжийг харуулсан дурсгалын хөшөөний нээлтийг хийж байгаад ОХУ-ын Батлан хамгаалахын сайд болон ОХУ-ын Батлан хамгаалах яамны бие бүрэлдэхүүнд хувиасаа болон нийт Монголын ард түмний нэрийн өмнөөс чин сэтгэлийн талархал илэрхийлье. Дайны турш 800 мянгаас ихгүй хүн амтай Монгол Улс “Бүхнийг фронтын төлөө, бүхнийг ялалтын төлөө” уриан дор бүх боломжоо дайчлан, Зөвлөлтийн ард түмэнд тусламж үзүүлсэн явдалд ахмад үеийнхнээрээ бахархах сэтгэл төрж байна.

Зөвлөлтийн ард түмэнд бэлэглэсэн Монгол морьд эр цэргүүдийн хамтаар Берлин хүрсэн байдаг. 2017 онд бид Москва хотын Хүндэтгэлийн дэнж дээр дайны он жилүүдэд Монгол морьдын гаргасан агуу их хөдөлмөрийг харуулсан “Ялалтад тэмүүлсэн морьд” байршуулсан явдалд бид гүнээ талархаж явдгаа ОХУ-ын төр засагт дахин илэрхийлж байна” гэжээ.

Мөн энэ үеэр Батлан хамгаалахын сайд Г.Сайханбаяр, ОХУ-ын Батлан хамгаалахын сайд С.Шойгутай чөлөөт ярилцлага өрнүүлж, бусад төлөөлөгчдийн хамтаар уран барималын нээлтийн үйл ажиллагаанд зориулсан хүндэтгэлийн тоглолтыг үзэж сонирхжээ. Түүнчлэн Батлан хамгаалахын сайд Москва дахь Элчин сайдын яамны байраар зочилж, Монгол Улсаас ОХУ-д суугаа Онц бөгөөд Бүрэн эрхт элчин сайд Д.Даваатай уулзалт хийсэн байна.

Б.ЖАРГАЛ

Энэ мэдээнд өгөх таны сэтгэгдэл?
7
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-06-23 66.181.179.195

БХ-ын сайдын уулзалтан дээр хэлсэн үг аятайхан болжээ гэж үнэлж байна

Avatar

zochin 2021-06-23 139.5.219.206

uls orond turiin ailchlal hiihed manaihan gej togjiison yumnuud hajuud ni yvjidag harin ene said chin bie haa zvs tsaraigaaraa arai aytaihan nvdend dulaahan hvn bna nvvr bardam.ajiliin undur amjilt hvsey

Avatar

Зочин 2021-06-23 64.119.21.89

Түүнчлэн элчин сайд Даваатай уулзалт хийсэн байна гэж мэдээнд бичих нь уул шугамандаа буруу шдээ.ккк

Avatar

зочин 2021-06-23 66.181.187.129

ямар ч үр дүнгүй улсын төсөв үрсэн энэ айлчлалаа зогсоогооч ээ

Avatar

Монгол 2021-06-23 202.179.21.229

Орос ах нараас сүүлийн үеийн шинэчлэгдсэн 1.500.000 ширхэг пулемёть.1сая мине харвагч.500.000 ширхэг нисэх онгоц сөнөөгч бас олон тэрбум сум тусламжаар авч иргэдээ байнгын бэлэн байлгах хэрэгтэй.Хэзээ нэгэн цагт Төвд.Шинжаан уйгар.Өвөр монгол шиг өмхий хятадууд өнгөлзөх гэвэл зүгээр алуулахгүй бүгд байлдахад бэлтгэлтэй байвал улс шиг улс бна.Эх орноо хамгаална

Avatar

Зочин 2021-06-23 202.126.88.43

чадах юм уу, та нар? авлигачин генерал хурандаа нараар удирдуулсан хуучирсан байлдааны техниктэй арми чинь?

Avatar

зочин 2021-06-23 202.55.188.109

teneg sugselzuur ve kkk.

NewsMN Гар утасны хувилбар Татах
NEWS.mn

Мэдээллийн эх сурвалж