"Монголд Covid-19-ийн дельта хувилбарыг шинжилсэн зүйл алга" | News.MN

"Монголд Covid-19-ийн дельта хувилбарыг шинжилсэн зүйл алга"

COVID-19

"Монголд Covid-19-ийн дельта хувилбарыг шинжилсэн зүйл алга"

"Монголд Covid-19-ийн дельта хувилбарыг шинжилсэн зүйл алга"

Сүүлийн үед Covid-19-ийн мутацилагдсан дельта хувилбар дэлхий нийтийг айлгах болсон. Саяхан Москвад Covid-19-ийн халдвар авсан иргэдийн 89.3 хувь нь Энэтхэгээс гаралтай дельта хувилбараар өвчилсөн нь тогтоогдсон. Энэхүү дельта хувилбарын эсрэг “booster” буюу вакцины гурав дахь тунг хийлгэх эсэх талаар яриа эрчимтэй гарч байгаа.

Үүнтэй холбогдуулан ЭМЯ-ны Нийтийн эрүүл мэндийн тусламжийн бодлого, хэрэгжилтийг зохицуулах газрын дарга Л.Энхсайханаас зарим зүйлийг тодруулахад “Booster тунгийн талаар яригдаж байгаа. Гэхдээ вакциныхаа хоёр дахь тунг гүйцэд хийлгэснээс зургаан сарын дараа л энэ талаар яригдана.

Одоогоор Монгол Улсад Covid-19-ийн дельта гэгдээд буй хувилбарыг шинжилсэн зүйл алга. Сүүлийн гурван долоо хоногт Монголоос гадаад руу явсан хүмүүсийн 19 нь халдвартай байсан нь тухайн улс орондоо очоод тогтоогдсон. Эдгээр хүмүүсийг Япон, Өмнөд Солонгос зэрэг улс орнуудад шинжлэхэд ямар нэгэн мутацид орсон вирус илрээгүй.

Одоохондоо манай улс дельта вирусийг судлаагүй байна. Энэ дельта хувилбар нь өмнөх хувилбаруудаа бодвол халдварлах чадвар өндөртэй, илүү хүндрэх аюултай. Вирус үргэлж хувирч өөрчлөгдөж байдаг. Гурав дахь тунгийн тухайд Дэлхийн эрүүл мэндийн байгууллага судалж байгаа. Одоогоор ямар нэгэн зөвлөмж, зөвлөгөө, шийдвэр гаргаагүй байна. Манай улс тус байгууллагын зөвлөмжийг л дагана.

Гурав дахь тун нь өмнөх хоёр тунтайгаа ижил байх уу? эсвэл өөр үйлдвэрийн вакцин нэмж хийлгэх болох эсэх нь мөн шийдэгдээгүй байгаа. Магадгүй тухайн хүнд сонголтыг нь үлдээж болох юм. Нэг вакцинаараа дагнах уу эсвэл нэмж өөр вакцин хийлгэх үү гэдэг сонголт шүү дээ. Ер нь төлөвлөгөө гаргаж байгаа.

Дельта вирусийн гол тохиолдлууд манай хөрш ОХУ-д илэрч байна. Тэгэхээр аюул бидний хажууд л байна гэж ойлгох хэрэгтэй. Иргэд маань ч үүнийг ухамсарлаж, халдвар хамгааллын дэглэмээ сайн баримталж, зай бариарай. Монгол Улсын хувьд иргэддээ вакцины гуравдугаар тунг хийнэ гэхээсээ илүүтэйгээр хүн амын тодорхой хэсгүүдэд хоёр тун вакцин бүрэн хийх тал дээр анхаарах хэрэгтэй. Саяхан л гэхэд нэг айлын хүүхэд халдвар авч тухайн айлын хамаатан садны 36 хүн халдвар аваад байна” гэв.

"Файзер" компанийн захирал Алберт Бурла хэлэхдээ “Вакцины гурав дахь тун шаардлагатай болж магадгүй. Хоёр тундаа бүрэн хамрагдсанаас 6-12 сарын хугацаанд дахин вакцинд хамрагдах цаашлаад жил бүр Covid-19-ийн вакцинд хамрагдаж болзошгүй. Гэхдээ гол нь энэ бүхнийг судалгаа шинжилгээгээр батлах хэрэгтэй. Мөн вирусийн хувилбаруудаас их зүйл шалтгаална” гэжээ.

Их Британид вакцины гурав дахь тунгийн талаарх судалгаа шинжилгээ эрчимтэй хийгдэж байгаа бөгөөд одоогоор дэлхий даяар түгээмэл хэрэглэгдэж буй долоон вакцинаас аль үр дүнтэйг нь гурав дахь тун болгон ирэх намраас иргэддээ санал болгох төлөвлөгөөтэй байгаа аж. Английн нийгмийн эрүүл мэндийн газраас өнгөрсөн Даваа гаригт "Файзер БиоНтек" болон "АстраЗенека" вакцинуудын хоёр тун мутацилагдсан дельта вирусийн эсрэг үр дүнтэй байгааг олж тогтоожээ.

Энэ мэдээнд өгөх таны сэтгэгдэл?
4
ТэнэглэлТэнэглэл
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Read before you die 2021-06-23 91.193.4.120

https://www.openvaers.com/covid-data/covid-full-data

Avatar

Зочин 2021-06-23 209.173.2.80

delta variant bgaa bolohoor l ingej ih tarhaj bna shd Hariutslagagyi medegdel hiih yum

Avatar

zochin 2021-06-23 66.181.187.12

Gadnaas ter huvilbariig ni ail hediinee imporlood oruulaad irsen biz bodvol. Yu ch hiigeed bgain, yostoi heleh ug alga. odo bur zund hayad oorsdoo medee, tusaad uhvel uh, edgevel edge gej bhad.kkk

Avatar

Зочин 2021-06-23 192.82.71.42

Үхсэнээрээ шинжлэхвэ дээ? Шинжлэх ухаан гэхээр толгойтой үс нь арзайгаад босоод ирдэг байхаа манайхан. Доогуураа бол ангайгаад, архидах, дээгүүрээ улсын мөнгө хусаад л тэрийгээ морин “спорт” гэдэг мөрийтэй тоглоом шиг ашиггүй юмандаа зараадл.

Avatar

Зочин 2021-06-23 202.179.25.212

Mongol uhsen baaasa shinjlehevdee

Avatar

Зочин 2021-06-23 202.21.107.101

За за Монголд задлан хийж үзэхгүй байгаа юм чинь ямар судалгаа шинжилгээ байдаг юм. Бусдыг л даган баясаад гүйгээд байхаас өөр зам алга.

Avatar

Зочин 2021-06-23 192.82.64.248

манайд өөр хувилбарууд шинжлэх лабораторийн боломж байдаггүй бол тэрийгээ хэлэх хэрэгтэй биздээ, хүмүүсийн мэддэг юмыг л
нэг их чухал цариалж байгаад л яриад байхын, өмнөөс нь ичмээр, худлаа ярих чадварыг нь шалгаж байгаад дарга болгодог болсон юм шиг л харагдаж байна, ганц энэ хүн ч биш, сайд нь хүртэл,

Avatar

Зочин 2021-06-23 192.82.71.42

Амны фигур сайтай нь, аль зоригтой худлаа ярьдгийг нь бас анхаарч үзнэбайхаа

Avatar

Зочин 2021-06-23 203.91.115.51

ЭНХСАЙХАН ГЭДЭГ АВГАЙ ТӨРЙН АЛБАН ХААГЧ ЮМ БОЛ МОНГОЛООР АЯТАЙХАН ЯРИ Л ДАА. ШИНЖИЛСЭН ЗҮЙЛ АЛГА Ч ГЭХ ШИГ .ТЭЭМС ЮМ УУ? ШИНЖИЛЭЭГҮЙ БАЙГАА ГЭЖ ЯРЬДАГ БИЗ ДЭЭ.

NewsMN Гар утасны хувилбар Татах
NEWS.mn

Мэдээллийн эх сурвалж