Банк залилсан сэжигтнүүд луйвардсан мөнгөө буцааж өгсөн үү? | News.MN

Банк залилсан сэжигтнүүд луйвардсан мөнгөө буцааж өгсөн үү?

Банк залилсан сэжигтнүүд луйвардсан мөнгөө буцааж өгсөн үү?

Банк залилсан сэжигтнүүд луйвардсан мөнгөө буцааж өгсөн үү?

Худалдаа хөгжлийн банкны “Шангрила” дахь салбараас тавдугаар сарын 25-ны өдөр 50 орчим насны эмэгтэй 13 хүнтэй бүлэглэн хуурамч бичиг баримтаар үйлчлүүлж, хоёр сая ам.доллар залилсан хэрэг гарсан. Тухайн үед хэвлэл мэдээллийн хэрэгслүүдийн гол бай болж, Цагдаагийн ерөнхий газраас ч эрэн хайх ажиллагааг идэвхтэй явуулсан. Үүний үр дүнд сэжигтнүүдийг зургадугаар сарын 03-ны өдөр баривчилж, мөрдөн шалгах ажиллагааг явуулж байгаа. Тэгвэл тус хэрэгт холбогдсон нэр бүхий хүмүүс баривчлагдсан бол банкнаас залилж авсан хоёр сая ам.долларын учиг хэрхэн тайлагдсан гэдэг нь анхаарал татаж байгаа юм.

Залилагч эмэгтэй нь барилгын чиглэлээр үйл ажиллагаа явуулдаг БНХАУ-ын хөрөнгө оруулалттай компанийн баримт бичгийг хуурамчаар үйлдсэн байжээ. Сэжигтнүүд мэдүүлэгтээ болсон үйл явдлын талаар мэдээлсэн ч мөрдөн шалгах үйл ажиллагааны хугацаанд мэдүүлгийг задлах боломжгүй аж.

ХОЁР САЯ АМ.ДОЛЛАРЫН ШИЛЖҮҮЛЭГ ТУС БАНК РУУ ХИЙГДЭЭГҮЙ

Банкнаас их хэмжээний мөнгө залилсан тус хэрэгт цагдаагийн байгууллагаас 13 хүнийг сэжигтнээр тооцож, мөрдөн шалгаж байгаа юм. Тэгвэл шалгалтын явцад сэжигтнүүд ямар шалтгаанаас болж залилан үйлдэх болсон, банкнаас гаргасан их хэмжээний мөнгийг бүрэн олсон эсэх талаар Цагдаагийн ерөнхий газраас тодруулахад:

-Сэжигтнүүдээс мэдүүлэг авч, мөрдөн шалгах ажил үргэлжилж байна. Нийт хоёр сая ам.доллар залилсан гэх хэрэгт холбогдох материал болон албаны эх сурвалж, сэжигтнүүдээс байцаалт бүрэн авч дууссаны дараа гэм буруутай эсэх нь тогтоогдоно. Одоогоор нийт мөнгийг олсон эсэх талаар хэлэх боломжгүй.

Худалдаа хөгжлийн банк руу ямар нэгэн мөнгөн шилжүүлэг хийгдээгүй байгаа. Машинаас олдсон их хэмжээний мөнгө энэ хэрэгтэй холбоотой эсэхийг мөн л мөрдөн шалгах ажиллагааны явцад тодорхойлно. Одоогоор хэн нэгэн сэжигтэнд ял оноосон зүйл байхгүй байна.

Гэм буруутай нь тогтоогдвол хуулийн дагуу холбогдох хариуцлагыг хүлээх үүрэгтэй. Эрэн сурвалжлагдаж байгаад баригдсан сэжигтнүүдийн тухайд залилсан бүх мөнгөө биедээ авч явж байсан гэдэг мэдээлэл худал. Хэрэв машинаас олдсон 1.1 сая ам.доллар энэ хэрэгтэй холбоотой нь тогтоогдвол үлдсэн мөнгийг нь хаана, хэрхэн зарцуулсан зэрэг асуудал үүснэ. Тиймээс бид мөрдөн байцаах явцын талаар дэлгэрэнгүй хэлэх боломжгүй. Өнөөдрийн байдлаар тус хэргийг мөрдөн шалгах ажиллагаа үргэлжилж байгаа бөгөөд хэн нэгэн нь мэдүүлгээс татгалзсан, зугтсан асуудал гараагүй.

Гол сэжигтнүүдийн нэг Б.Бямбадорж өмнө нь залилангийн хэргүүдэд холбогдож байсан талаар хэвлэлүүд нийтэлсэн байсан. Тухайн этгээдийг 2019 онд итгэмжлэх ашиглан нэг банкны харилцагч БНХАУ-ын иргэний данснаас нэг тэрбум гаруй төгрөг залилсан. Батлан даалтад байх хугацаандаа дахин хэрэг үйлдсэн нь үнэн бол ямар шийтгэл ногдуулах талаар иргэд сонирхож байна. Хэдийгээр сэжигтэн ч гэсэн бидэнд хувь хүний нууцад хамаарах мэдээлэл болох ял шийтгэл эдэлж байсан үгүйг хэлэх боломжгүй. Буруутай нь тогтоогдсон тохиолдолд хуулийн дагуу л зохих ял шийтгэлээ авна гэсэн юм.

БАНКНЫ ЗҮГЭЭС МӨРДӨН ШАЛГАХ АЖИЛЛАГААНЫ ЯВЦАД ОРОЛЦОХГҮЙ

Худалдаа хөгжлийн банкны салбарууд хэвийн ажиллаж байгаа бөгөөд олон нийттэй харилцах албанаас тус хэргийн талаар асуухад “Бид мэдээлэл өгөх боломжгүй. Ямартай ч сэжигтнүүд баригдсан учраас цагдаагийн байгууллагаас хууль ёсны дагуу шалгаж өгнө гэж бодож байгаа. Тухайн салбарт хэрэг гарах үеэр ажиллаж байсан ажилтнуудын талаар мэдээлэл өгөхгүй. Банкны зүгээс мөрдөн байцаалтын үйл ажиллагаанд мэдээж оролцох боломжгүй.” гэдэг тайлбарыг хэлэв.

Эдгээр албан тушаалтнуудыг өгч буй мэдээллээр одоогоор тус банкны хохирлыг барагдуулаагүй байгаа аж. Хоёр сая ам.долларыг олсон ч мөрдөн шалгах ажиллагааны үр дүн хэрхэн гарахаас асуудал шийдэгдэх юм. Гэхдээ мөрдөн шалгалтын үйл явц хэдий хугацаанд ч үргэлжлэх боломжтой юм байна.

Машинаас олдсон 1.1 сая ам.доллар хэний, ямар мөнгө болохыг цагдаагийн байгууллага шалгалтын явцад л тодорхой болгоно гэсэн. Харин иргэдийн зүгээс их хэмжээний мөнгийг сонгуулийн өмнө залилсан байх магадлалтай гэж хардаж байгаа. Иргэдийн таамаг зөв эсэхийг мөрдөн шалгалтын ажил дууссан хойно л мэдэх боломжтой юм. Учир нь цагдаагийн байгууллагаас мэдүүлэг задлах, сэжигтнүүдийн хувийн мэдээллийг олон нийтэд мэдээлэхгүй байх ёстой. Өнөөдрийн байдлаар нэг сая гаруй ам.доллар олдсон. Гэхдээ тэр мөнгө банк залилсан хэргийн сэжүүр мөн эсэхийг мөн л тогтоогоогүй байгаа аж. Нотлогдоогүй учраас Худалдаа хөгжлийн банкинд шилжүүлээгүй гэдэг мэдээллийг бид албаны эх сурвалжуудаас авлаа.

Энэ мэдээнд өгөх таны сэтгэгдэл?
4
ГайхмаарГайхмаар
3
ХарамсалтайХарамсалтай
3
БурууБуруу
2
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-23 192.82.67.94

Банкны эзэдын колоничлолыг эсэргүүцэн тэмцсэн жинхэнэ Ард Аюушийн үр сад бн! Улсын Баатар цолоор шагнавал зохино.

Avatar

Зочин 2021-06-23 192.82.71.42

За тэгээд энэ мөнгө ингээд шалгалт хийж байна гэж байгаад замхраад, алгаболох юм байна доо. Найзан дундаа авна хуваацгаанадаа.

Avatar

Зочин 2021-06-23 202.21.107.101

Нөгөө мөнгө угаана гэдэг нь юм байлгүй дээ.

Avatar

Банк нэртэй луйварчдаас луйвардсан юм бна 2021-06-23 64.119.25.21

Хохинэээ хохин банк бол ёстой хохьчин

Avatar

Төр нуугдсан улсын мөнгө идсэн новшнуудаа бариачээ 2021-06-23 64.119.25.21

Ил тод зүйлийг хараагүй сонсоогүй юм шиг л явдаг ийм л нийгэмд амьдарч бна. Идэж ууж авилгал авсан нь үнэн бхад мэдээгүй юм шиг л явна

Avatar

Зочин 2021-06-23 66.181.189.207

ТИЙМ ШҮҮ ҮҮНЭЭС ИХ МӨНГӨНИЙ ТОО ГАРНА ДААНЧ ТӨР ХУЛГАЙЧ НАРААР ДҮҮРСЭН ТЭД АЛБАН ЁСНИЙ ХУУЛИАС ГАДУУР ЭРХ МЭДЭЛТЭЙ ХУЛГАЙЧ НАР ШҮҮ

Avatar

Зочин 2021-06-23 202.131.233.214

Энэ хэд ч яахав баригдсан. Зохих шийтгэлээ хүлээнэ. Харин нөгөө Ундармаа авгай бол зүв зүгээр явж байгаа. Бүүр луйвардсан мөнгөө ч төлөөгүй.

Avatar

ӨӨР ХҮН 2021-06-23 66.181.189.207

УНАДАРАА БОЛ АЛБАН ЁСООР ХУУЛИАС ГАДУУР ХУЛГАЙ ХИЙХ ЭРХЭЭН ИХ ХУРАЛЫН ТАНХИМААС АНГИЙХАНААСААН АВСАН НАМ ХЭМЭЭХ ОВОГТОЙ ХУЛГАЙЧ ЭД БОЛ МӨНӨӨЧ ТӨЛӨХГҮЙ ШОРОНД Ч СУУХГҮЙ ТӨРД ДАНСТАЙ ХУЛГАЙЧ ШҮҮ ДЭЭ

Avatar

Зочин 2021-06-23 192.82.77.109

Хэргийг хуулийн байгууллага шалгаж шүүх шийдэнэ.Зохих газрын шийд гараагүй байхад хүн гөрдөж болохгүй. Хүн гүтгэвэл зохих хариуцлага хүлээх хуультай..Энэ үндэслэлгүй хүмүүс гүтгээд байгаа, мөн хэвлэлээр хүмүүс гүтгүүлэх боломж олгоод байгаа явдлыг мөн мөрдөж шалгаж,хариуцлага оноох хэрэгтэй Монгол орон хуультай л юм бол түүнийг хэрэгжүүлэх хэрэгтэй..

Avatar

Зочин 2021-06-23 103.80.210.183

өгөөгүй байхаа шүүгчид нь 100 сач өглөө 5саяар торгууллаа. тэгээд үлдсэн мөнгөө дараад мөнгө угаах ажилд гаргаа.

Avatar

Зочин 2021-06-23 64.119.20.9

Сонин шүү. Хэдэн доллар авах гэж урьд өдөр нь захиалга өгч зөвшөөрөл авдаг. Ингэж шууд мөнгө олгодоггүй. Тэгтэл 2 сая долларыг очиод цагийн дотор авч байдаг. Сонин л байна даа

Avatar

Зочин 2021-06-23 202.55.188.85

Banknii tom garuudtai holbootoi baij l ter ih hemjeegeer avna shuu dee … Tom gariin l zalilagch baina.

Avatar

Энэ банк ч өөрөө 2021-06-23 192.82.68.68

Энэ банк ч өөрөө улсыг зальддаг. Жишээ нь, Эрдэнэт үйлдвэрийг. Одоо хэдэн хүн энэ банкийг зальдаж дээ. Зальдагчийг зальдсан юм биш үү.

Avatar

Зочин 2021-06-23 202.5.205.34

Өгөр Америкийн худал ардчилал гэвэл илүү үнэнд ойртох байх, улс орнуудыг тогтворгүй болгож, эд баялгийг нь дээрэмддэг. Хамгийн том дээрэм нь Оюутолгой, төсөл хэрэгжүүлээд Монгол улс өртэй үлдэнэ ч гэх шиг

Avatar

Зочин 2021-06-23 66.181.176.75

Цагдаагийнхан нээх худлаа ярилцлага өгнө. Яг үнэндээ юу ч хэлэхгүй, хаха. Хэргийг шалгаж байгаа мэдээлэл өгөх боломжгүй гээд хэдэн жил амаа үдчмхэнэ.

Avatar

!!!!!!!!! 2021-06-23 202.21.108.42

Золбин ардчиллын сүүдэр гэж энэ дээ. Өгөр ардчилсан намын хятадын эрлийзүүд ийм золбин ардчилал гаргаагүй байсан бол өмхий хятадууд ингэж оодорч Монголд хаа сайгүй компани байгуулахгүй байсан. Үхээрийн хятад компани байхгүй байсан бол энэ хулгайчуудын үхээрийн хятадын нэрээр банк залилахгүй байх байсан. Тиймээс бүх муу муухайн эх үүсвэр болсон золбин ардчиллыг ардчилсан намтай нь булшлах ёстой.

Avatar

Зочин 2021-06-23 103.229.123.183

хүн төрөлхтнийг бичнээс гаралтай гэж үздэг бол харин чи үхэрнээс гаралтай нь тодорхой боллоо

Avatar

Зочин 2021-06-23 66.181.189.207

АН Ардчил хэмээх луйвараарМОНГОЛЫН АРДЧИЛЫГ БУЛШАЛСАН шүү Ардчилсан намаас энэ хулгайч нарын хоёр ТОМ БҮЛЭГЛЭЛИЙГ ХОЁЛАНГИЙ НЬ ЗАЙЛУУЛАХ ХЭРЭГТЭЙ Даанч АН өөрийн толгойгүй бөхс долоогч гэшүүдээр дүүрсэн нам засархад хэцүү

Avatar

Иргэн 2021-06-23 66.181.185.31

Бусад үндэстнийг харааж зүхээд хэрэггүй. Монголчууд бид өөрсдийгээ хичээж амьдрая.

NewsMN Гар утасны хувилбар Татах
NEWS.mn

Мэдээллийн эх сурвалж