Сошиалыг тандах биш тодорхой шийдвэр гаргана уу, УОК-оо! | News.MN

Сошиалыг тандах биш тодорхой шийдвэр гаргана уу, УОК-оо!

Сошиалыг тандах биш тодорхой шийдвэр гаргана уу, УОК-оо!

Сошиалыг тандах биш тодорхой шийдвэр гаргана уу, УОК-оо!

Covid-19 халдварын улмаас зөвхөн зургадугаар сард 164 хүн, нийт нас баралт 447 хүрсэн муу мэдээтэй, айдастай өдрүүд үргэлжилж байна.  Цар тахал гамшигт хүрсэнд эрх мэдэлтнүүдийн бодлого, шийдвэр шууд буруутай юм.  Товчхондоо, шагнал, сонгуулиас болж Монгол Улс эдийн засаг, эрүүл мэндийн хувьд маш хүнд  үеийг даван туулж байна. Халдварын тоо  дотоодод бүртгэгдээгүй байхад хөл хорио тогтоож, баяр наадмаа цуцлаж байсан хэрнээ хоногтоо хоёр мянга давж халдвараа барьж чадахгүйд хүрсэн өнөөдрийн нөхцөлд өнөөх л хөл хорино, хорихгүй гэсэн хэрүүл дээрээ ч доороо ч үргэлжилж байна.

 Эмч, мэргэжилтнүүдийн зүгээс эрүүл мэндээ аврахын тулд хөл хорихыг, эсрэгээрээ эдийн засагчид хөл хорих хэрэггүйг сануулсаар.  Шадар сайд С.Амарсайхан өчигдөр /2021.06.21/ “Засгийн газар хатуу хөл хорио тогтоохгүй гэж шийдсэн ч халдварын улмаас эмнэлэг ачааллаа дийлэхгүй байна. Хэрэв халдварын тоо буурахгүй бол хөл хорио тогтоохоос өөр аргагүй байдалд орно. Ингэж байж л халдвар хамгааллын дэглэм сахихаас гадна эмнэлгийн ачааллаа бууруулна” хэмээн мэдэгдсэн.

Тиймээс  монголчууд ойрын хэд хоногт хатуу хөл хорио тогтоох үгүй нь тодорхойгүй эргэлзээн дунд ажил, амьдралаа  ч зохицуулж чадахгүй нөхцөл үүсэв.  Өөрөөр хэлбэл, УОК, Засгийн газар тодорхой нэг шийдэлд хүрч, иргэдийн эргэлзээг тайлах шаардлагатай байна. Хөл хоривол хориод, үгүй бол түүнийгээ тодорхой мэдээллэх ёстой. Ямар шийдвэр гаргах тодорхойгүй нөхцөл өөрөө бухимдал, эрсдэл дагуулдаг. 

Эх сурвалжийн мэдээлснээр долдугаар сарын 2-оос эхлэн 21-ний хооронд хөл хорио тогтоох санал гарсан ч Засгийн газар эцсийн шийдвэр гаргаагүй, шийдэлд хүрч чадахгүй байгаа аж.

Ирэх намар сургууль, цэцэрлэг, ажил амьдралаа хэвийн горимд шилжүүлэхийн тулд өнөөдрийн нөхцөлд Улсын онцгой комиссын дарга С.Амарсайханы хэлсэнчлэн нөхцөл байдал хүндэрвэл хатуу хөл хорио тогтоох нь зөв гэдгийг эрдэмтэн судлаачид ч хэлж буй. Тиймээс Монгол Улсын Ерөнхийлөгчийн тангараг өргөх ёслолын дараа дахин хатуу хөл хорио тогтоох нь зүйтэй гэж үзэж байгаа юм байна. Гэхдээ Ерөнхий сайд, зарим сайд нарын зүгээс хэрэв хатуу хөл хорио тогтоовол эдийн засаг тэг зогсолт хийх, олон аж ахуй нэгжүүд хаалгаа барих, улсын данс улайх ч эрсдэл ч үүсч болзошгүй байгаа учраас хөл хорио тогтоох дээр нэгдсэн байр сууринд хүрэхгүй байгаа аж. Монгол Улсын Ерөнхий сайд Л.Оюун-Эрдэнэ өмнө нь “Хатуу хөл хориог  үргэлжлүүлэх нь эдийн засагт асар их хохиролтой. Тиймээс хатуу  хөл хорио тогтоохгүйгээр шаардлагатай бол хэсэгчилсэн хөл хорио тогтооно” гэж мэдээлж байсан.

Дэлхий нийтээр цар тахлын эсрэг авах хамгийн гол арга хэмжээ бол вакцинаас гадна хөл хорио гэж үзэж байгаа ч бүхий л салбар хямарсан энэ үед уг шийдвэр хүчтэй эсэргүүцэлтэй тулгарах нь тодорхой. Гэвч хөл хорио тогтооно, тогтоохгүй гэж маргаж, тодорхой шийдэл, шийдвэрт хүрэхгүй байгаа ч олон хүний ажил, амьдралаа төлөвлөхөд нөлөөлж буйг иргэд хэлж байна.  

Халдварыг дотооддоо алдаагүй байх хугацаандаа хангалттай хэмжээнд бэлтгэл базааж, хариу арга хэмжээ авах бололцоогоо дээшлүүлж чадаагүй учраас одоо хүндхэн нөхцөлтэй тулгарсан нь яахын аргагүй үнэн. Ийм байтал  эрх баригчид иргэдийнхээ эрүүл мэндээс илүүтэй наадмыг чухалчлав бололтой. Өөрөөр хэлбэл, аймаг сумдад баяр наадмыг зохион байгуулахгүй зөвхөн нийслэлд хийх шийдвэрийг Засгийн газраас гаргасан. Чухамдаа одоогийн нөхцөл байдалд баяр наадмыг зохион байгуулах нь чухал уу иргэдийн амь нас илүү үнэтэй юу гэдэг сонголттой нүүр тулаад байна. Уг нь энэ үед улсын хэмжээнд баяр наадмыг тэмдэглэхийг хориглож цар тахлыг хохирол багатай даван туулахад бүх анхаарлаа хандуулах ёстойсон.

“Өнгөрсөн өвөл, хавар биднийг “Хөл хорио тогтооё. Хүнд байдалд орно” гэж анхааруулаад байхад “Цар тахалтай хамт амьдаръя, эдийн засгаа бодъё” гэcээр одоо яг тэр байдалдаа хүссэн, хүсээгүй хүрчихлээ.Түргэн өөрчлөгддөг эрсдэлтэй нөхцөлд яах вэ гэдгийг хэлэхэд хүндрэлтэй. Сүүлийн хөл хориог арай өмнө буюу өдөрт бүртгэгдэх халдварын тоо 100-200 байхад тогтоосон бол өнөөдөр тэр тоотойгоо л явж байх байлаа. Гэсэн хэдий ч  өмнө нь тогтоосон хөл хорио, вакцины үр дүн бий. Хэрэв ямар ч үр нөлөөгүй байсан бол өдөрт халдварын тоо өдөрт 10-20 мянгаар тоологдох байсан” гэдгийг УОК-ын төлөвлөлтийн багийн гишүүн, МУИС-ийн Физикийн тэнхимийн эрхлэгч, дэд профессор Д.Улам-Оргих онцолсон удаатай.  

 

Энэ мэдээнд өгөх таны сэтгэгдэл?
9
ЗөвЗөв
2
ХахаХаха
2
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн. 2021-06-22 202.126.89.223

өвчин дельта вирус гаднаас орж ирсэн. гэтэл гаднаас ирэгсдийн шүүлтүүр яагаад ийм сул байв. яагаад гаднаас ирсэн хүмүүс зөөвөрлөгдсөн вирус одоо хүртэл гарахгүй байна. Амарсайханы попор ийм байдалд хүргэлээ. дараа орон нутаг руу бас л шүүлтүүргүй алдсан. УОК маш муу ажилласан. ер нь карантиныг ч зөв номоор нь хийгээгүй. Маш олон иргэн гэртээ төрийн гаргасан шийдвэрийг дагаж байсан Харин аль ч нийгэмд байдаг новшнууд гадуур сэлгүүцсэн. Уг нь төрийн цагдаа тэдэнд хүчээ үзүүлэх байсан боло

Avatar

Дүр эсгэгч 2021-06-22 64.119.25.32

Биднийг удирдаад зөв залаад аваад яваач гэсэн хүмүүс бас л сэтгэлд хүрдэггүй,танил тал,ах дүү,амраг саднаа л бодох,эсвэл үхэн хатан мөнгөний төлөө зүтгэсэн хүмүүс нь хүний төлөө гэсэн сэтгэлгүй байдаг юм уу гэж бодогдоно бас яалт ч үгүй оюуны чадвар нь хүрэхгүй бнаа, хэн нэгэнд таалагдах гэж шийдвэр гаргадаг, аа бас нээрээ сая СОРОНЗ сэтгүүлээс С Амарсайхан даргын амьдардаг ахынх нь газар бас л хууль зөрчсөн зөвшөөрөлгүй газар юм билээ,күэ нээрээ ТЭМЦЭЛГҮЙ ард түмэн мөхдөг гэж ямар үнэн үг вэ.

Avatar

Ард түмэн 2021-06-22 66.181.161.13

УОК ЯАГААД 3000 БОЛЖ БАЙХАД ХӨЛ ХОРИО ТОГТООХГҮЙ БАЙГАА ЮМ БЭ? ГАЙХААД ГАЙХААД БАРАХГҮЙ ЮМ. ИРГЭН БҮРТ 500.000 ӨГӨӨД 1 САР ХӨЛ ХОРИО ТАВЬ. 14 ХОНОГ ХӨЛ ХОРИО ТОГТООГООД ЯМАР Ч ҮР ДҮН ГАРАХГҮЙ.

Avatar

ХӨЛ ХОРИОД ҮЗ Л ДЭ, СОНГУУЛИАРАА ХӨЛӨӨ ХОРИХГҮЙ ЯАСАН ЮМ 2021-06-22 202.131.230.251

Хорих дуртайгаараа вакцингүй хүмүүсээ хорь, хорьж байхдаа харин вакцин аа хий, насанд хүрсэн нь ажлаа хийж амьдарлаа залгах минь, ТА НАР ТЭГЭЖ АЖИЛЛАХ ЧАДВАРГҮЙ Л ДЭ

Avatar

Зочин 2021-06-22 122.201.21.103

Болиооо гэхэд наад том зах зам амралт зугаалгын газрууд томоохон хэмжээний газруудаа хааагаач бүгд болы гэхэд

Avatar

Ч 2021-06-22 103.26.193.250

Мөнгө олдоно, амь нас олдохгүй! УОК бүрэлдэхүүн уялдаа, холбоогоо сайжруулах, зоригтой шийдвэр гаргах шаардлагтай байна. 2 туулай хөөгөөд ганц ч үгүй. 1) ковид -хорио цээр заарлах, иргэдээ бүрэн хамгаалах 2) эдийн засаг – ждү хамгаалах, экспортоо нэмэх, ЗГ нэмэлт орлого бий болгох, futures.

Avatar

то 2021-06-22 202.55.188.37

Битгий муу амлаад бай халдвар бага багаар буурч байна.

Avatar

Зочин 2021-06-22 202.131.230.198

Яаж 10, 20мянга хүргэх гээв хүсээд ч чадахгүй. Өдөрт 10мянган сорььц авч байж.

Avatar

ЗГ-т огцрохоос өөр сонголт үлдсэнгүй. 2021-06-22 202.21.108.11

ЗГ одоо болноо, юу ч хийж чадсангүй, цаашид юу ч хийж чадахгүйг ард иргэд амь нас, ажил хөдөлмөр, амьдрал ахуйгаараа яс махандаа шингэтэл ойлголоо шд. МАН, ОЭ ийн ЗГ -т ажиллах чадвар даанч алга.

Avatar

ЗОЧИН 2021-06-22 192.82.64.158

Ер нь Монголын төр сошиалаар ажлаа явуулдаг болоод удаж байгаашд . Төрийн бодлого гэж байхүй болсон сошиалыг л хардаг болсон . Төрт улс гэхэд хэцүүхэн л болчихоод бна шүү.

Avatar

Зочин 2021-06-22 202.131.225.197

Энэ өвчин манайхаас ч тэр, дэлхий дахинд ч тэр амар салахгүй нь тодорхой байхад бүх нийтийг албадан дархлаажуулалтанд хамрагдуулах хэрэгтэй. Ядаж байхад хэдэн эргүү гарууд нь хүүхдэдээ вакцин хийлгэхгүй гээд байх юм. Тийм л вакцинд итгэдэггүй юм бол төрснөөс хойш хийдэг товлолт вакцинуудыг хийлгэхгүй байх чинь яасан юм. Нэгэнтээ л танай хүүхэд манай хүүхэдтэй 1 орчинд өснө хамт дархлаажсан нь аюулгүй шүү дээ. Хөл хориод тоог багасгахаас 0лэж чадахгүй. Одоо утгаа алдсан шиг байна.

Avatar

Зочин 2021-06-22 66.181.191.12

Амарсайхан гэдэг мал УОК-н дарга болсоноос хойш цар тахал улам ихсэж Монгол улсыг бүрхлээ. Энэ ТЭНЭГИЙГ ҮТЭР ТҮРГЭН ЗАЙЛУУЛ

Avatar

Зочин 2021-06-22 202.179.17.209

Өмнө ямар ч утгагүй, үр ашиггүй хөл хорио хийгээгүй байсан бол одоо хөл хориход болох байлаа. Сонгуульдаа бэлдэж баахан хөл хорьж мөнгө тараасан хүмүүс одоо хөл хорьвол данс нь улайж, олон бизнесүүд дампуурна гэдгийг мэдэж байгаа байлгүй дээ. Усан оргилуур барьж, зээл тэглэж, халамж тарааж, хүмүүс бөөгнөрүүлсэн нь буруутай. Бид дахиад ажил амьдралаараа хохирмооргүй байна. ӨӨР ОНОВЧТОЙ ШИЙДЭЛ ОЛ МАНГАРУУДАА. ЭСВЭЛ ХҮН БҮРТ 1 САЯ ТӨГ ӨГӨӨД 14 ХОНОГ ХОРЬ

Avatar

Зочин 2021-06-22 203.91.115.56

Бусдаас давуу эрхтэй амарсайхан зайл

Avatar

Зочин 2021-06-22 103.80.210.183

амарсайхан малыг зайлуул гэж олон хүн өвөлжингөө хэллээ .

Avatar

Иргэн 2021-06-22 202.9.47.9

Амарсайханы буруу биш байхаа, ЕС гуай л хөл хорио тогтоохоос байнга цааргалсаар ирсэн, үр дүн нь одоо ийм байдал, ЕС үгээ хэлж, шийдвэрээ гарга, эгзэгтэй үед та Хүрэлсүх шиг гарч ирээд үгээ хэлж баймаар даа.

Avatar

суугч 2021-06-22 202.21.107.100

Амарсайхан хэрэг алга хоривол хорь эсвэл огцор

Avatar

Хамхуул 2021-06-22 66.181.161.51

Хөдөөгийнхнөө наадуулахгүй хотод цахим ч бай наадана гэхээр яах ч аргагүй Дарга нарийн наадам цэнгээн болоод байна даа. Ажил бизнэс эрхэлдэг хэдэд минь ядаж л төлөвлөж болох боломж өгөж, шийдвэртэйхэн байгаач Эрх Мэдэлтнүүдээ, бид чинь Хамхуул шиг л " хаашаа явахыг салхи мэднэ, хаана тогтохыг бут мэднэ" гэдэг болоод байна шүү дээ

Avatar

Зочин 2021-06-22 103.229.121.202

зассс тэнэгт.

Avatar

Хамхуул 2021-06-22 66.181.161.51

Төлөвлөж чадахгүй байдал чинь л хэцүү хорио юмаа, хөдөлж ч болдоггүй сууж ч болдоггүй. Ард түмнийг бодолгүй сонгуулиа бодоод хорио цээрээнд алдаа гаргасан, одоо 100 гаа бодоод бас. Наадам чинь урулдаан тэмцээндээ ч биш, ихэнхийнх нь хувьд хамтаагаа хөөрж баярлахдаа л байдаг шүүдээ.морь уясан залуу түрүүлэх гэж биш оролцох гэж л хөөрдөг. Ийм л наадам. Хөдөөгийн наадам үүгээрээ улам гоё. Д. Нацагдорж, Д. Пүрэвдорж нарынхаа наадмын тухай гайхалтай дүрслэлийг боддоо!

Avatar

Zochin 2021-06-22 66.181.165.171

Hul horiogo togtoohgui bol arai dendlee shde uls oron dayaraa hetsuu bna shde udurt nemegdej bga too ni herees heterleee bayar naadam agaar salhind garah eruul uwchingui bhad boloh bailgui uhej iregdej bga too ch gesen arai bhad hul horihgui bgan

Avatar

УХААНТАЙ БАЙНА ШҮҮ МОНГОЧУУДАА 2021-06-22 202.70.33.242

14ХОНОГ ХАТУУ ХӨЛ ХОРИОГ УЛС ОРОН ДАЯР ТОГТОО,ӨӨР АРГА АЛГА МОНГОЛ ХҮН ДАВРУУ ХҮНИЙ ҮГ ТООХГҮЙ ӨӨРИЙНХӨӨРӨӨ ЗАНТАЙ ШҮҮ ДЭЭ,ТӨР ЖААХАН УХААЛАГ БАЙЛ ДАА ЯГ НАРИЙНДАА ЯРИВАЛ 5 ТОЛГОЙН НҮҮРС ЭРДЭНЭТИЙН ЗЭ:С Л МОНГОЛЫГ ТЭЖЭЭЖ БАЙНА.ОДОО НҮҮРС ТЭГ ЗОГСОЛТ ХИЙЛЭЭ,ӨМНӨГОВЬД НААД КОРОНАТАЙ ХҮМҮҮС ЧИН ОЧООД ТАРААГААД УЛСАА ХОХИРООЛОО, МЭДЭЭЖ БИ ӨВЧТЭЙ ҮҮНИЙГ ТАРААЯ ГЭЖ ХЭН ХЭЛЭХЭВ,ОДООЛ САЙН ДАРЖ АВАХГҮЙ БОЛ НАМАР СУРГУУЛЬ ЭХЭЛХЭД ХЭЦҮҮ БОЛНО ШҮҮ

Avatar

Вакцин сайн дурын үндсэн дээр хийлгэнэ гэдгээ л анхаараачээ 2021-06-22 202.55.188.102

Вакцинд нь албан журмаар хамруулах шийдвэр гаргаачээ. Хаашдаа л бүгд хийлгэнэ. Төр засаггүй юм шиг л байх юм. Заримдаа олонхийн эрх ашгийг бодоод цөөнхийг албадаж болно шүү дээ. Нэг л их вакциныг хүртэл Хятад ба бусад гээд л ялгхсан мундаг хүмүүс. Дэлхий тэр чигээрээ олдсоноо л хийлгэж байна. Хамгийн сайн вакцин бол олдож буй вакцин. Вакцин хийлгэхгүй өвчин тараагаад байх юм. Хийлгээгүй хүмүүс өвдөхөөр нь хариуцлага тооцоочээ.

Avatar

Зочин 2021-06-22 203.23.49.55

Одоо яана даа. Тогтоогоод ч хэрэг байна уу. Ажил хэцүүдлээ

Avatar

хммм 2021-06-22 103.229.121.202

Хүмүүсийн амь, эрүүл мэнд хэцүүдлээ гэж хэлэх гэсэн байлгүй

NewsMN Гар утасны хувилбар Татах
NEWS.mn

Мэдээллийн эх сурвалж