Хан-Уул дүүргийн нутаг дэвсгэр, гэр хороолол дунд шинээр 3.1 км хатуу хучилттай авто зам тавигдаж байна. Энэ жил ашиглалтад оруулахаар төлөвлөж буй авто замын гүйцэтгэл 30 хувьтай үргэлжилж байгаа аж. Мөн дүүргийн 4, 5 дугаар хорооны нутаг дэвсгэрийг дамнасан 800 м урт авто зам баригдаж байгаа юм.

Авто замыг тус дүүргийн хөрөнгө оруулалтаар тавьж буй бөгөөд энэ оны гуравдугаар улиралд ашиглалтад оруулахаар төлөвлөжээ. Түүнчлэн 16 дугаар хорооны гэр хороолол дунд 1400 м авто зам, 21 дүгээр хорооны орон сууц хорооллын дунд 900 м хатуу хучилттай авто зам тус тус ашиглалтад орно. Гэр хорооллын дундах энэхүү хатуу хучилттай замын өргөн 7 метр ба хоёр талаараа 1.5 метр өргөн, явган хүний зорчих хэсэгтэй байхаар зураг төсөл нь хийгджээ.