Хотын дарга Улиастайн 12 км замыг шинэчлэх ажилд дэмжлэг үзүүлнэ | News.MN

Хотын дарга Улиастайн 12 км замыг шинэчлэх ажилд дэмжлэг үзүүлнэ

Хотын дарга Улиастайн 12 км замыг шинэчлэх ажилд дэмжлэг үзүүлнэ

Нийслэлийн засаг дарга бөгөөд Улаанбаатар хотын захирагч Д.Сумъяабазар Баянзүрх дүүргийн ЗДТГ-ын удирдлага, ажилтан албан хаагчидтай уулзлаа. Энэ үеэр тэрбээр зөв зохион байгуулалтад орж, шуурхай арга хэмжээ авч  ажиллаж байгааг онцлоод, Covid-19 цар тахлын тархалтыг бууруулах арга хэмжээг улам эрчимжүүлж, иргэн, ААН, үйлчилгээний байгууллагуудын мөрдөх стандарт, цагийн хуваарь халдвар хамгааллын дэглэмийг сахиулж, холбогдох арга хэмжээ авах чиг үүрэг өгөв.

Энэ ажлын хүрээнд Баянзүрх дүүргийн Онцгой комисс ор дэлгэхтэй холбогдуулан шуурхай хуралдлаа. Баянзүрх дүүргийн Засаг дарга Н.Баярмөнх "Дүүрэг, орон нутаг бие дааж Covid-19-ийн эсрэг бүх нөөц бололцоогоо дайчлан ажиллах хэрэгтэй. Бид дарга гээд буруу харж суугаад байлгүйгээр иргэдтэйгээ хамтарч цар тахлын эсрэг яаралтай арга хэмжээ авах шаардлагатай. Цаашлаад ариутгал, халдваргүйтгэлийн ажлыг эрчимжүүлж, шаардлагатай газар ор дэлгэх ажил хийх хэрэгтэй. Нөхцөл байдал хүндэрсэн тохиолдолд Тамгын газрын байрыг халдвар авсан иргэдийг эмчлэх зорилгоор ор дэлгэж, түр эмнэлэг болгоно" гэсэн юм.

Баянзүрх дүүргийн Онцгой комиссын хувьд дүүргийн нутаг дэвсгэрийг таван бүсэд хуваан ажиллаж буй бөгөөд бүс тус бүрийг уялдаа холбоотой ажиллаж, ариутгал халдваргүйтгэл хийж, хоггүй болгохоос эхлээд иргэд рүү чиглэсэн ажлыг үе шаттай хийнэ.

Нийслэлийн засаг дарга бөгөөд Улаанбаатар хотын захирагч Д.Сумъяабазар, дүүргийн удирдлагууд 2024 он гэхэд 9 сургууль, 7 цэцэрлэг ашилалтад оруулах ажлыг хотоос бодлогоор дэмжиж ажиллана хэмээн онцолсон юм.

Мөн дүүргийн хэмжээнд  IGM буюу Олон Улсын цэцэрлэгт хүрээлэн байгуулах төсөл боловсруулаад, бүтээн байгуулалтаа хийхэд бэлэн болсон. Энэ ажилд нийслэлээс дэмжлэг үзүүлэхийн зэрэгцээ Улиастайд 12 км зам шинэчлэхэд шаардлагатай төсөв дээр онцгой анхаарч ажиллахаар шийдвэрлэлээ.

Энэ мэдээнд өгөх таны сэтгэгдэл?
1
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ХОТын даргаа? 2021-06-21 64.119.19.179

Найрамдалын замын нүхнүүдийг бөглүүлээд өгөөч. ХОТын даргаа? БИД бас татвараа төлдөг шүү. Сүүлийн жилүүдэд орбит, найрамдалын замд арчилгаа хийсэнгүй.

Avatar

Зочин 2021-06-21 202.55.188.34

Шархад улиастай холбогддог тэр хэсэг 2.3 км газраа холбож чадахгүй байж бас юун 12 км бэ.

Avatar

Ae 2021-06-21 66.181.179.92

Yurni hiih l yum bna hurdan hiigeesei dee !

Avatar

Зочин 2021-06-21 202.21.104.2

ЗӨВ. УЛИАСТАЙГААС ХОЙШОО ХОЖУУЛЫН АМ ХҮРТЭЛ ШИНЭЭР ХАТУУ ХУЧИЛТТАЙ ЗАМ ТАВИМААР БАЙНА. АМЖИЛТ ХҮСЬЕ.

Avatar

Зочин 2021-06-21 95.118.14.98

Бөөн бэлэн амнууд, хуралдахаас өөр юм мэдэхгүй. Жил болгон л зам тавина, сургууль цэцэрлэг барьна. Тавьсан зам нь хэд насалдаг, хэд наслах стандарттай бх ёстойг ч ялгаж мэдэхгүй. Сүржигнээд л байна, суудалдаа наалдан пад….

Avatar

Зочин 2021-06-21 107.117.172.53

Социалиүмын үеийн хурган шүдлэн дарга нарын сонгомол дүр төрх харагдаж байна шд…нэг их сүртэй том контор,нүсэр хүнд мебель,урт гээчийн хурлын ширээ,албаны мулгуу царай нэмэгдсэн нь нэг компьютер….үзүүлэн болгоод өөрөөсөө тээр хол тавьчихсан,асааж унтрааж мэддэг юм болов уу даа чааваас

NewsMN Гар утасны хувилбар Татах
NEWS.mn

Мэдээллийн эх сурвалж