Муу удирдагчийн гай цар тахлаас ч илүү хөнөөлтэй байна | News.MN

Муу удирдагчийн гай цар тахлаас ч илүү хөнөөлтэй байна

COVID-19

Муу удирдагчийн гай цар тахлаас ч илүү хөнөөлтэй байна

Муу удирдагчийн гай цар тахлаас ч илүү хөнөөлтэй байна

Covid-19 цар тахал олон талаар улс орнуудад сорилт болж байна. Өнгөрсөн хоёр жилийн хугацаанд олон улсын эрдэмтэд бүх хурдаараа цар тахлын үүслийг тодорхойлж, өвчнийг эмчлэх, урьдчилан сэргийлэх аргыг эрэлхийлсэн. Шинжлэх ухаан технологийн үсрэнгүй хөгжлийн ачаар эрдэмтэд богино хугацаанд Covid-19-ийн эсрэг вакцин, урьдчилан сэргийлэх арга хэмжээ, эмчлэх аргыг оллоо. Үүний ачаар олон оронд цар тахлын тархалт саарч, олон сая хүнийг эндэхээс аварч байна.

Гэвч зарим оронд олон мянган хүн цар тахлаар биш, муу удирдагчийн буруу шийдвэрээс болж амь насаараа хохирч байна. Тухайлбал, Бразилын Ерөнхийлөгч цар тахлыг энгийн ханиадтай адилтгаж, Дэлхийн эрүүл мэндийн байгууллага (ДЭМБ)-аас гаргасан амны хаалт зүүх, зай барих, гараа ариутгах зэрэг халдвараас сэргийлэх наад захын заавар зөвлөмжийг үл тоож, ард иргэддээ ч буруу мэдээлэл өгч байна. Цар тахлаар нас барсан иргэдээ оршуулах газаргүй болтлоо өвчинд нэрвэгдсэн Бразилд өдгөө ойр дотны хүнээ Covid-19-өөр алдаагүй хүн үлдээгүй аж. Өмнөд Америк тивийн нийт хүн амын бараг тал хувь нь амьдардаг Бразилд өнөөдөр хагас сая гаруй хүн Covid-19 ийн улмаас нас барж, 17 сая гаруй хүн өвчлөөд байна. Тус улсад халдварын тархалт энэ хэвээр үргэлжилбэл удахгүй нийт тоогоороо Энэтхэг, АНУ-ыг гүйцэж түрүүлэх шинжтэй. Бразилд нас баралт зургаан сарын өмнөхөөс хоёр дахин нэмэгдсэнийг мэргэжилтэнүүд мэдэгджээ.

Бразилд вакцинжуулалт удаашралтай байгаа бөгөөд Ерөнхийлөгч Жаир Болсонарогийн Засгийн газрын авч хэрэгжүүлж буй арга хэмжээ нь цар тахлын эсрэг тэмцэлд нэмэр болох бус нэрмээс болж байна. Тус улсад цар тахлын халдвараас сэргийлэх бүх нийтийн хөл хорио тогтоогүй бөгөөд хүн амын дөнгөж 11.4 хувь нь вакцины бүрэн тунд хамрагджээ. Улмаар Бразилын эсрэг дэлхийн 100 гаруй орон хилээ хааж, хязгаарлалт тогтоосон нь тус улсыг гадаад ертөнцөөс бүрэн тусгаарлаж байгааг Гадаад хэргийн сайд нь мэдээлжээ.

Ерөнхийлөгч Болсонарог эсэргүүцсэн ард түмний жагсаал цуглаан Бямба гаригаас Сао-Пауло, Рио-де-Жанейро, Бразилиа, Сальвадор, Ресифе зэрэг олон хотод өрнөж эхэлжээ. Жагсагчид халдвар авах эрсдэлээс үл эмээн, вирусээс ч илүү аюул заналхийлэл болсон Засгийн газрынхаа эсрэг тэмцэж буйгаа олон улсын сурвалжлагч нарт учирлажээ. Ерөнхийлөгч Болсонаро Covid-19-ийн шалтгаант нас баралт 500 мянга давсан өдөр ард түмэндээ хандан эмгэнэлийн ганц өгүүлбэр хэлээгүй атлаа олон нийтийн сүлжээнд жагсаалын эсрэг ажиллаж буй цагдаа нарт урам өгөх пост оруулсан аж. Бразилын 26 хотын 22-т нь эсэргүүцлийн жагсаал өрнөж байна.

БРАЗИЛЫН АЛДАА

Пелотас холбооны их сургуулийн (UFPel) тархвар судлаач, профессор Педро Халлаллын мэдээлснээр Засгийн газраас хөл хорио тогтоох зэрэг халдварын тархалтыг хязгаарлахад шаардлагатай арга хэмжээг аваагүй нь нас баралт өсөхөд хүргэжээ. ДЭМБ-аас вирусийн халдварыг “Covid-19” цар тахал гэж зарласнаас хойш Бразилын Ерөнхийлөгч Болсонаро 84 удаа олон нийтийг бөөгнөрүүлсэн арга хэмжээ зохион байгуулж, өөрөө олонх тохиолдолд амны хаалт ч зүүлгүй оролцжээ. Түүнчлэн орон даяар халдварыг оношлох, маршрут гаргах, тусгаарлах зэрэг дагаж мөрдөх протоколыг маш хангалтгүй хэрэгжүүлсэн аж. Наад захын заавар зөвлөмж, протоколыг дагаж мөрдсөн бол Бразилд таван нас баралт тутмын дөрвийг нь урьдчилан сэргийлэх боломжтой байсан гэж Педро үзэж байна.

Өдгөө Бразилын парламентын хяналтын хорооноос Болсонарогийн Засгийн газар санаатайгаар вакцинжуулалтыг саатуулж, хойрго хандсан эсэхийг шалгахаар ажиллаж эхэлсэн байна. Харин Болсонаро болон түүнийг дэмжигчид Сенатын мөрдөн шалгах ажиллагааг Засгийн газрын үйл ажиллагааг сулруулахад чиглэсэн хэмээн буруутгажээ. Парламентын хяналтын хорооны эхний шалгалтаар Бразилын Засгийн газар Covid-19-ийн эсрэг үр дүнтэй вакцин гаргаж авсан "Файзер" компаниас ирүүлсэн 81 е-мэйлийг үл тоосон нь илэрсэн байна. "Файзер" компани өнгөрсөн оны наймдугаар сард АНУ-ын Засгийн газарт тавьснаас хоёр дахин хямд үнээр Бразилд вакцин нийлүүлэх санал тавьсан байжээ. Түүнчлэн Болсонарогийн Засгийн газар олон улсад халдварын эсрэг үр дүнтэй нь батлагдсан эм, эмчилгээний аргыг бус баталгаагүй эмийг баталж, сурталчилж байгааг ч мөн шалгаж байна.

Үүний зэрэгцээ Бразил нь нийгмийн эрүүл мэндийн онц ноцтой нөхцөл байдалд орсон атлаа Өмнөд Америкийн хөлбөмбөгийн “Копа Америка” тэмцээнийг зохион байгуулах санал гаргажээ. Тус тэмцээнийг Аргентин, Колумб улсууд зохион байгуулахаас татгалзсан аж. Үндэсний хөлбөмбөгийн багууд нь хүртэл тус тэмцээнийг бойкотлож байхад Болсонаро л зохион байгуулахаар зөрүүдэлжээ. Хөлбөмбөгийн тэмцээнд оролцохоор олон улсаас тамирчид, холбогдох хүмүүс ирснээр вирусийн мутациуд Бразилд тархаж байгааг тус улсын шинжлэх ухаанчид халаглан ярьжээ.

Халдварын давлагаа бүр хоорондоо адилгүй. Халдварын гурав дахь давлагаа эхэлснээр нийслэл хотод эрчимт эмчилгээний орны 80 хувь нь дүүрчээ. Хөл хорио, хязгаарлалтын арга хэмжээ авахгүйгээр Бразилд хүн амын 40 хувийг вакцинжуулах хүртэл нас баралт энэ хэвээр үргэлжилнэ гэдгийг эрдэмтэд тооцоолсон байна. Гэтэл Бразилийн хамгийн олон хүн амтай Сао-Паолу мужид Лхагва гаригаас сургуулиудыг нээхээ зарлажээ.

Энэ мэдээнд өгөх таны сэтгэгдэл?
6
ХарамсалтайХарамсалтай
5
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2021-06-21 192.82.82.10

200 сая гаруй хүн амаас нийгмийн халамж тэтгэмж багагүй авдаг ажил мэргэжилгүй ядуу бүлгээ цөөлөх гэсэн санаа байсан байх өө..

Avatar

Зочин 2021-06-21 216.200.84.189

t

Avatar

xuuxduuded galzuuchuuddaa vaktsind xiilgesen GEREE ZUBSHUURUL xuusen yamd,shiidbert GARIIN yseg ZURSAN xyniig XORIG 2021-06-21 216.200.84.189

ta nariig guilagchdiin dureer xiij,endexiin tumur zamiig shurshij zevruulj,xyrdnii zamiin xagasiig nuraaj,.xet davragch erunxiilugch programmaar.xaluun cool.

Avatar

Ард түмэн 2021-06-21 66.181.161.13

Энэ яг л ОЮУН-ЭРДЭНЭ, СуМЪЯАБАЗАР 2-Н ТУХАЙ БИЧЧИХСЭН ЮМ ШИГ САНАГДАЖ БАЙНА. ХҮН ӨДӨР БҮР 10, 10-Р ГАРЧ БАЙХАД КОВИДООР ӨВЧИЛСӨН ХҮН 3000 ХҮРЭХ ГЭЭД БАЙХАД ЮУ Ч ХИЙХГҮЙ БАЙГАА НЬ АРД ТҮМНИЙ ДУРГҮЙЦЛИЙГ ИХЭЭР ХҮРГЭ БАЙНА!@!

Avatar

Зочин 2021-06-21 202.9.40.202

Монгол энэ замаар явж байна!!! 3 сая хүнээ хамгаалж чаддаггүй харанхуй хүмүүсээр удирдуулсан эмгэнэлтэй Монгол!!

Avatar

ҮНЭН 2021-06-21 103.26.195.153

МАН-ЫН ӨГӨРҮҮДИЙГ ҮХҮҮЛДЭГ ВИРУС ДААНЧ БАЙХГҮЙ ЮМ

Avatar

Зочин 2021-06-21 95.118.14.98

Харь улсын алдаа тоочих яахав, өөрсдөө яг л ингэж ухнатаад байгаагаа олж харахгүй, том ярьж сүржин ёсолсон хүмүүс…. Үхэр монгол….

Avatar

Зочин 2021-06-21 202.21.108.138

БҮГДИЙГ ХАМААРУУЛЖ БАЙНА

Avatar

Зочин 2021-06-21 103.229.121.65

Mongoliin udirdagchid mash chadvar muutai ur chadvaraaraa delhiid suul mushgij baigaa ,oligtoi udirdagchid turuhgui bn uchir ni bidnii hamgiin chadvarlag hesgiig MANiinhan orosuudtai niileed tuugeed ustgachihsan ahin sain udirdagchid turuhiin tuld urtaas urt hugatsaa heregtei tun ih emgeneltei

Avatar

Зочин 2021-06-21 202.21.108.138

ЯДАРСАН МЭДЛЭГГҮЙ БАЙДАГ ЮМ БАЙНА

Avatar

Зочин 2021-06-21 202.55.188.45

Yag MANgas baina daa

Avatar

Зочин 2021-06-21 66.181.161.72

Тэнэмэл ядуусаа цөөлөх гэсэн далд санаатай бодлого явуулж байгаа юм аа . Гэр орондоо тайван сууж чаддаггүй тэнэх дуртай баагий нууд л энэ өвчинд хамгын түрүүнд нь нэрвэгдэж байгаа шдээ.

Avatar

Зочин 2021-06-21 192.82.66.172

тэнэг мангар, тэнэмэл ядуу ч бай, ухаантай цэцэн ч бай халдвар ялгахгүй өвчлүүлнэ

Avatar

Зочин 2021-06-21 23.106.249.35

bolsonary jenconaru hoyor yag taarsan taar shuudainiid

Avatar

Зочин 2021-06-21 124.158.96.233

Манай Жэнко ковидыг гааруулсан, ямар ч олигтой бодлого явуулаагүй.

Avatar

ҮНЭН 2021-06-21 103.26.195.153

ЭНЭ АРЬСЫГ а**х ГЭЖ ОРОЛДСОН ХҮНИЙ ЗӨВ БАЙЖ ТЭР ҮЕД ЭНЭ АРЬСЫГ АЛЦАН БОЛ ОЛОН ХҮНИЙ АМЬ АВРАХ БАЙЖ

Avatar

Зочин 2021-06-21 202.126.94.99

Сайн удирдагч цар тахлыг зогсоож чадна. Ялангуяа манайд

Avatar

Зочин 2021-06-21 192.82.74.206

өөрийн алдаагаа бичээч

Avatar

Зочин 2021-06-21 66.181.161.79

Bidnees omno manatai adil vakzin hiisen ulsuudiin neg dee. Chili bas manatai adil vakzin bidnees omno hun amiinhaa 90% hiisen ch gesen bas hezuu bgaa gej bnlee. Manaihan oroitoigui bol tednees surgamj awaasai daa

Avatar

Монгол Улсын иргэн 2021-06-21 202.55.191.130

Энэ ковидоор эндэж байгаа хүний тоогоор, төр засгаас нь эхлүүлээд, МАН.гарын гишүүн л бол адилхан тоогоор нь чад хийлгээд байх хэрэгтэй юм байна даа.

Avatar

Зочин 2021-06-21 202.179.21.195

mongolchuud barag l adilhan baina daa.

Avatar

Зочин 2021-06-21 66.181.178.171

Барзил улсыг барайлгасан Болсоннару чи нь байгалийн шалгаралыг чухалд үздэг гар уу гүй юу.

NewsMN Гар утасны хувилбар Татах
NEWS.mn

Мэдээллийн эх сурвалж