Дүүргийн хэмжээнд 600 ор дэлгэх боломжтой боллоо | News.MN

Дүүргийн хэмжээнд 600 ор дэлгэх боломжтой боллоо

Дүүргийн хэмжээнд 600 ор дэлгэх боломжтой боллоо

Дүүргийн хэмжээнд 600 ор дэлгэх боломжтой боллоо

Өнөөдөр Баянзүрх дүүргийн Онцгой комиссын ээлжит хурал боллоо. Нийслэлийн хэмжээнд Короновирус цар тахлын нөхцөл байдал хүндэрч байгаатай холбогдуулан Баянзүрх дүүргийн Онцгой комиссын дарга буюу дүүргийн Засаг дарга Н.Баярмөнх холбогдох хэлтэс албадад цар тахалтай тэмцэх, эрсдэлийг бууруулах чиглэлээр үүрэг даалгавар өглөө.

Дүүргийн хэмжээнд хэвтэн эмчлүүлэх иргэдийн тоо хурдацтай нэмэгдэж байгаатай холбогдуулан дүүргийн Засаг даргын шийдвэрээр онцгой нөхцөл байдлын үед тандалтын багийн хүчин чадлыг сайжруулж, орны тоог нэмэгдүүлэхэд шаардлагатай зардлыг гаргаж холбогдох ажлуудыг зохион байгуулахаар боллоо. 

Хурлын эхэнд дүүргийн Онцгой байдлын хэлтсийн дарга Б.Эрдэнэбат өнгөрсөн хурлаас өгсөн үүрэг даалгаваруудын биелэлтийг танилцуулсан юм. Үүнд: Олон улсын Улаанбаатар их сургууль, Энэрэл эмнэлэгийн харъяа сувилал, Өргөө-2 оюутны байр, Филошип эмнэлэгтэй хамтран дүүргийн хэмжээнд нийт 600 ор дэлгэх боломжтой болсон байна. Мөн тандалтын багийн автомашины тоог 10-аар нэмэгдүүлэн сайн дураар ажиллах дунд оврын автомашинтай иргэдтэй хамтран ажиллахаар болсон нь ирсэн дуудлагад цаг алдалгүй очих боломжтой болж байгаа юм. Мөн эмнэлэгийн ажилчдын хүний нөөцийн хомсдлыг нөхөх сайн дурын ажилтнуудыг татан оролцуулахаар болсон.

Хурлын үеэр дүүргийн Засаг дарга Н.Баярмөнх “Иргэдээс ирж байгаа санал хүсэлтийг яаралтай шийдвэрлэж, өвдсөн иргэдэд эмнэлэгийн тусламж үзүүлэх ажлыг цаг алдалгүй зохион байгуулж ажиллахыг анхааруулсан бөгөөд цаг үеийн нөхцөл байдал, үер усны эрсдэлтэй байгаа үед цар тахалтай тэмцэх ажилд гол анхаарлаа хандуулан ажиллахыг дүүргийн Онцгой байдлын хэлтэст үүрэг болгов.

Энэ мэдээнд өгөх таны сэтгэгдэл?
3
ЗөвЗөв
1
ХарамсалтайХарамсалтай
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-19 202.9.47.34

Ямар ч эмнэлгийн тоног төхөөрөмжгүй газарт ор дэлгэхээ больчих.

Avatar

ЗОЧИН 2021-06-19 192.82.87.94

АРГАЦААСАН ШИЙДВЭР ГАРГАЖ БАЙНА ДА. 7 ХОНОХОД Л ЭНЭ ОР ДҮҮРНЭ. ГЭРЭЭР ӨВДӨЖ БАЙГАА ХҮМҮҮС УЛАМ ЭРСДЭЛТЭЙ БОЛНО.

Avatar

Зочин 2021-06-19 192.82.68.159

гудамжинд ор засаад унтуулж байгаатай агаар нэгэн болой. эхнээсээ юундаа өвчинөө багасгахгүй үлийгээ хийж бөөгнөрүүлсэн бэ? хүүрсэгсүгээ

NewsMN Гар утасны хувилбар Татах
NEWS.mn

Мэдээллийн эх сурвалж