УИХ-ын чуулганы хуралдаанаар Соёлын тухай хуулийн төслийг хэлэлцэж буйтай холбогдуулан УИХ-ын гишүүн Б.Пүрэвдорж байр сууриа илэрхийллээ. Тэрбээр, УИХ  ард түмний амьдралд хэрэг болохуйц чухал хуулийн төслүүдийг хэлэлцэхгүй байна гэдгийг шүүмжилсэн юм. Хуулийн шинэчилсэн найруулгын төсөл дээр 78 зарчмын зарчмын зөрүүтэй санал гаргана гэдэг байж болохгүй зүйл шүү гэдгийг анхааруулав.

УИХ-ын гишүүн Б.ПҮРЭВДОРЖ:

-78 зарчмын зөрүүтэй саналтай хууль Монгол соёлыг аврах уу. Гишүүд анхааралтай байгаарай. Яам нь маш хариуцлагагүй хандаж энэ хуулийг өргөн барьсан. Байнгын хорооны хуралд хэлэлцэхдээ 30 гаруй удаа зарчмын зөрүүтэй санал нь унахад хэсэг найзууд босгоод дэмжсэн байсан. Зарим зарчмын зөрүүтэй саналуудыг Ё.Баатарбилэг, Л.Энх-Амгалан нарын салбарт нь байсан юмаа мэддэг хүмүүс эсэргүүцэж байна лээ. Хэд хэдэн ноцтой заалтууд байгааг ч дурдаж байсан. Иймд гишүүд санал хураалтад оролцохдоо анхааралтай байгаарай. Соёлоо хамгаалах гээд ноцтой байдалд оруулах шийдвэр гаргачих вий.