Монголын олимпийн баг Япон руу асуудалгүй зорчих уу? | News.MN

Монголын олимпийн баг Япон руу асуудалгүй зорчих уу?

Монголын олимпийн баг Япон руу асуудалгүй зорчих уу?

Монголын олимпийн баг Япон руу асуудалгүй зорчих уу?

Монгол Улс зургадугаар сарын 1-ний өдөр агаарын хилээ албан ёсоор нээсэн ч дэлхийн 78 улс монголчуудад хөл хорио тавьсан. Тэдгээр улсын нэг нь Япон.  Тиймээс Монголын олимпийн баг, тамирчид Токиог зорьж, олимпод оролцож чадах уу гэх асуулт тавигдаж байна. Учир нь Монголыг Covid-19-ийн өндөр эрсдэлтэй бүс хэмээн үзэж, манай улсаас жуулчин авахгүй гэдгээ Япон улс аль хэдийнэ зарласан.

Энэ талаар Биеийн тамир, спортын улсын хорооны дэд дарга Ц.Одонбаяраас тодруулахад “Олимпод оролцох баг, тамирчдад зохион байгуулагч орноос ID карт олгох учир асуудалгүй Япон руу нэвтэрнэ. Зөвхөн олимпийн ID карттай хүмүүс тус улс руу нэвтэрнэ. Харин эхний ээлжийн тамирчид хэзээ Японыг зорихыг шийдээгүй байна. Удахгүй Монголын баг тамирчдын бэлтгэл ажлыг хангах ажлын хэсэг хуралдана. УОК-ын зөвшөөрөл болон МИАТ-ын долдугаар сарын нислэгийн хуваарь гараагүй байна” гэв.

Токио-2020 зуны XXXII удаагийн олимпийн наадам ирэх долдугаар сарын 23-ны өдөр нээлтээ хийнэ. Одоогоор Монголын олимпийн баг тамирчид спортын 12 төрөлд, 30 эрх аваад байна.

Саяхан олимпийн зохион байгуулагчдын зүгээс наадмын үеэр мөрдөгдөх гарын авлага, зөвлөмжийн гурав дахь хувилбарыг гаргажээ. Тус гарын авлагад бичсэнээр тамирчид өдөр бүр Covid-19-ийн халдварыг илрүүлэх шүлсний шинжилгээ өгөх аж. Харин шүлсний шинжилгээ эерэг гарвал баталгаажуулж PCR шинжилгээ хийх гэнэ. Мөн Covid-19-ийн үед мөрдөх дүрэм журмыг зөрчсөн тамирчдыг Япон улсаас шууд албадан гаргах болсныг анхааруулжээ.

Энэ мэдээнд өгөх таны сэтгэгдэл?
3
ХарамсалтайХарамсалтай
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-17 202.9.40.200

Монгол хүн корона инкубатор болсон гэдгийг япончууд мэдэхгүй байна

Avatar

Олимпын 23 эрх байна. 2021-06-17 192.82.73.237

Олимпын 23 эрх байна.
Паралимпын-7 эрх тусдаа

Avatar

Зочин 2021-06-17 103.229.123.200

Жүдо нэмэгдэнэ

NewsMN Гар утасны хувилбар Татах
NEWS.mn

Мэдээллийн эх сурвалж