Монгол Улс өрсөлдөх чадвараар 64 улсаас 60-д жагсав | News.MN

Монгол Улс өрсөлдөх чадвараар 64 улсаас 60-д жагсав

Монгол Улс өрсөлдөх чадвараар 64 улсаас 60-д жагсав

Монгол Улс өрсөлдөх чадвараар 64 улсаас 60-д жагсав

Дэлхийн даяар ихэнх улс орнууд мөн бүс нутгууд өрсөлдөх чадвараа ямар нэгэн байдлаар хэмжиж мөн өрсөлдөх чадвараа дээшлүүлэх бодлогууд хэрэгжүүлж байна. Улс орнуудын өрсөлдөх чадварыг тодорхойлсон тайланг дэлхийн хэмжээнд хоёр байгууллага жил бүр гаргадаг.

Дэлхийн эдийн засгийн чуулган 2004 оноос хойш 140 улсын өрсөлдөх чадварыг 12 үндсэн бүлэг бүхий 98 үзүүлэлтээр хэмжиж “Global Competitiveness Index”-ийг боловсруулдаг. Харин Швейцарт төвтэй “IMD Дэлхийн өрсөлдөх чадварын төв” нь 1988 оноос хойш “IMD World Competitiveness Report”-г гаргаж байна. Энэ жил 64 улсын өрсөлдөх чадварыг дөрвөн үндсэн бүлэг бүхий 261 үзүүлэлтээр хэмжжээ.

“IMD Дэлхийн өрсөлдөх чадварын төв”-өөс гаргасан “IMD World Competitiveness Report  2021” тайланг Эдийн засгийн бодлого, өрсөлдөх чадварын судалгааны төв өнөөдөр /2021.06.17/ олон нийтэд танилцууллаа.

Тайлангийн үр дүнгээс харахад өрсөлдөх чадвараараа Швейцарь, Нидерланд, Дани зэрэг улсууд тэргүүлж байгаа бол Венесуэл, Аргентин, Ботсвана, Монгол, Бразил, ӨАБНУ зэрэг улсууд сүүлийн байруудад орсон байна.  Монгол Улсын хувьд 64 улсаас 60-д жагсчээ. Өнгөрсөн 2020 онд 61-т бичигдэж байв.

Улс орнуудын өрсөлдөх чадварыг хэмжихдээ:

  • Эдийн засгийн тамир тэнхээ
  • Засаглалын үр ашиг
  • Бизнесийн байгууллагын ашигт ажиллагаа
  • Дэд бүтэц гэсэн дөрвөн үндсэн бүлгийн үзүүлэлтийг нь харьцуулдаг. Монгол Улсын хувьд дээрх дөрвөн үзүүлэлт бүгд буурсан байна.

Монгол Улсын хувьд ЕБС-ийн төгсөгчдийн тоогоороо, бичиг үсэгт тайлагдсан хувиараа тэргүүлж байгаа атлаа дээд боловсролын чанараараа дэлхийд сүүл мушгиж байгааг Эдийн засгийн бодлого, өрсөлдөх чадварын судалгааны төвийн мэргэжилтнүүд онцоллоо.

Баруун Европ болон Зүүн Азийн улсууд өрсөлдөх чадвар, эдийн засгийн үзүүлэлтээр ахисан байгаа бол Латин Америк, Өмнөд Африкийн улсуудын өрсөлдөх чадварын үзүүлэлтүүд буурчээ. Жагсаалтыг тэргүүлж буй улсуудын хувьд цар тахлын үед эрүүл мэнд, боловсрол, инноваци, технологийн салбартаа илүү анхаарсан байгаа нь ажиглагдаж байна.

Энэхүү судалгааны гуравны нэгийг статистик мэдээлэл дээр, үлдсэн хэсгийг удирдах ажилтнуудын санал асуулгууд дээр үндэслэн дүгнэсэн байна. Цар тахал гарсантай холбоотойгоор дэлхийн улс орнуудын өрсөлдөх чадвар ерөнхийдөө сулрах байдал ажиглагдаж байгааг тайланд дурджээ.

Монгол Улсын сайжирсан үзүүлэлтүүд:

  • Урсгал тэнцлийн алдагдал өнгөрсөн жил ДНБ-ний 15,6 байсан нь 4,3 болж буурсан
  • Инфляци 7,26 хувиас 3,72 болж буурсан
  • Интернет хэрэглэгчдийн тоо 1000 хүн тутамд 318 байснаас 479 болж нэмэгдсэн
  • Ажилгүйдлийн түвшин буурсан
  • Удирдлагын түвшинд эмэгтэйчүүдийн оролцоо 36 хувиас 43 хувь болж өссөн
  • Залуучуудын ажилгүйдлийн түвшин багассан

Монгол Улсын өрсөлдөх чадварт сөргөөр нөлөөлсөн хүчин зүйлс:

  • Төсвийн алдагдал илт нэмэгдсэн /өнгөрсөн жил төсвийн алдагдал ДНБ-ний 0,56 хувийн илүүдэлтэй байсан бол 2021 онд 9,74 хувь болж нэмэгдсэн/
  • Гадаад худалдаа, үйлчилгээний экспорт ДНБ-ний 10 хувиас 4,7 хувь болж буурсан
  • Бодит ДНБ-ний өсөлт 5,1-ээс -5,4 хувь болж буурсан
  • Нэг хүнд ногдох бодит ДНБ 3,17 хувиас -5,2 хувь болж буурсан

 

 

 

Энэ мэдээнд өгөх таны сэтгэгдэл?
7
ХахаХаха
2
ЗөвЗөв
2
ХарамсалтайХарамсалтай
2
БурууБуруу
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-17 202.9.47.50

Венесуэлиүдтэй л зэрэгцээд яваад байждээ.

Avatar

Иргэн 2021-06-17 103.212.116.248

Монгол Улсын өрсөлдөх чадварт сөргөөр нөлөөлсөн хүчин зүйлс:
1. Баялаг үл бүтээгч паразитуудыг тахин шүтэж толгой дээрээ залж, тахин шүтдэг. Бөхчүүд, хошин шог, нийтийн дуучид гэх мэт.
2. Боловсролыг бизнес болгосон, дээд боловсролтой ТҮЦ-ний худалдагч дээд боловсролтой болтлоо боловсролын утгыг алдагдуулсан.
3. Ардчилал, хүний эрх гэж харшигцсан Поп улс төрчдөөр засаг бариулсан. Улс төрчид нүдэн дээр баяжаад, ард түмэн нь тоодоггүй.
4. Чингис хаанаас өөр улс, орны нэгдсэн итгэл үнэмшил байхгүй

Avatar

gonshgonood bai 2021-06-17 202.21.108.21

Neg ulsiig guitsej turuuleh tiim amarhan uu. Ard tumeneeree sain hicheej zutgelee. Chamlahaar changa atgaj sur

Avatar

Зочин 2021-06-17 192.82.77.201

Тасархай л хурдтай явж байна даа

Avatar

Зочин 2021-06-17 124.158.67.215

Хоосон тоо хөөж яадын. Вакцинжуулалтаараа дэлхийд толгой цохилоо гээл гуцаад байсан маргааш нь коронагаараа Азидаа тасархай түрүүлээ биздээ.

Avatar

Зочин 2021-06-17 66.181.161.10

Манайхан мөнгөтэй баячууд шиг л аашилцгаагаад байгаа ш дээ. Яг үнэндээ өмдгүй л байгаа даа. Гэхдээ уужуу дотортой юманд гутаж гунидаггүй улсууддаа… Дэлхийд хэний өмнө хойно орох нь ямар хэрэгтэй юм бэ.. Харин махны үнэ нэмэгдэж байгаа нь тоогүй…

Avatar

Хөх монгол 2021-06-17 202.126.88.202

Чойбалсан Цэдэнбалыг тахин шүтдэг улс орон гуйлгачин явах н түмэн зөв эхэхээ

Avatar

иргэн 2021-06-17 192.82.78.132

Тиймээ энэ худал мэдээлэл. Бид 100 хүнд оногдох
элдэв гавъяат, баатар, одон медальтан, цол хэргэмтний тооны өрсөлдөх чадвараар дэлхийг байлдан дагуулж байхад хөгжлөөрөө сүүлийн байранд орж яасан ч таарахгүй. Өндөр хөгжилтэй арчилсан монголд атаархахдаа худал жагсаагт гаргажээ.

Avatar

Зочин 2021-06-17 66.181.161.102

Энэ мэдээлэл худлаа байхаа. Манайхан өдөр болгон гавъяа шагнал, одон медаль хүртэцгээгээд л бөөн бөөн найр наадам болоод байна ш дээ.

Avatar

Зочин 2021-06-17 192.82.75.115

Afrikiin yduu buurai ornuudaas dor orchihson gedgee manaihan oilgoj uhaaraasai. Mungunii hansh n delhiid dooroosoo 13t ordog shuudee huurhii.

Avatar

Зочин 2021-06-17 192.82.74.171

амар амар 64-д орчмоор юм байна сүүлээсээ тэргүүлсэн гээд бахархана биз угаасаа нэгд орох дуртай биз дээ

Avatar

Зочин 2021-06-17 202.179.25.25

айрагдчихсаааааааааааааааааааааааааааааан

Avatar

Зочин 2021-06-17 192.82.77.201

тийм ш дээ нэг мөсөн баян ходоод болбол бас ч гэж ганзага хоосонгүй байдаг даа

Avatar

Зочин 2021-06-17 66.181.161.56

Та бидний шүтэн биширч толгой дээрээ залсан Хүрэлсүхийн засаглалын үр дүн ийм л байгаа юм байна даа?!?!

Avatar

ичгүүргүй монгол 2021-06-17 66.181.161.71

хүрэлсүхиин 825 Р АРМИ удахгүй бүгдииг сайжруулна тараасан мөнгөө буцаан хоёр нугалж өгнө ВЕНЕСУЭЛЬТЭЙ хаяа буусных жаахан өлсөнө биз үмбүү монгол удахгүй ДАЛАЙЛАМЫГ зална КИМ ЧЕН УНЫГ урина

Avatar

Зочин 2021-06-17 103.26.193.251

64 оос 60 -д биш, 200 орноос л 60-д орж байгаа гэсэн үг шүү. БРАЗИЛ, ӨАБНУ -аас дээгүүр гардаг болжээ гэж дүгнэж болно

Avatar

Зочин 2021-06-17 64.119.23.1

100 жил засгийн удирдлагад байнга байгаа биднийгээ удирдан чиглүүлдэг энхрий хайрт монголын ардын намдаа дэлхийн өрсөлдөх чадвараар баян ходоод болгосонд талархах уу, болих уу.

Avatar

Зочин 2021-06-17 142.116.187.249

64 t l baix estoidoo

NewsMN Гар утасны хувилбар Татах
NEWS.mn

Мэдээллийн эх сурвалж