"Тээвэрлэлтийн зардал Арбидол эмийн үнэ өсөхөд нөлөөлсөн" | News.MN

"Тээвэрлэлтийн зардал Арбидол эмийн үнэ өсөхөд нөлөөлсөн"

COVID-19

"Тээвэрлэлтийн зардал Арбидол эмийн үнэ өсөхөд нөлөөлсөн"

"Тээвэрлэлтийн зардал Арбидол эмийн үнэ өсөхөд нөлөөлсөн"

Эм, эмнэлгийн хэрэгслийн хяналт, зохицуулалтын газрын удирдлагууд вирусийн эсрэг эмийн асуудлаар өнөөдөр /2021.06.16/ мэдээлэл хийлээ. Өнөөдрийн байдлаар зах зээлд вирусийн эсрэг эмийн нөөц хангалттай байна гэдгийг мэдээлэв. Хэдийгээр Covid-19 халдварын эсрэг хэрэглэж буй Арбидол эмийг хилээр нэвтрүүлэхэд гаалийн татвараас чөлөөлсөн ч НӨАТ-аас чөлөөлөөгүй.  Мөн эмийн үнэ өсөхөд тээврийн зардал нөлөөлж байгаа" гэв.

Өнөөдрийн байдлаар 15 аж ахуйн нэгжийн 12 төрлийн эмийг импортдог гэдгийг Эм, эмнэлгийн хэрэгслийн хяналт, зохицуулалтын газраас мэдээлэв. Тус газрын дарга Б.Цэцэгсайханы хэлснээр Хүний эмийн зөвлөлийн гурван удаагийн хурлаар дээрх аж ахуйн нэгжүүдэд зөвшөөрөл олгожээ. Тэрбээр “Covid-19 халдварын тохиолдол нэмэгдсэнтэй холбоотой вирусийн эсрэг эмийн нөөц хангамжийн асуудал үүссэн. Эрүүл мэндийн сайдын 318 дугаар тушаалд заасны дагуу эмчилгээ оношилгооны удирдамжид орсон эмийн нөөц хангамжийг тасалдалгүй хангахын төлөө төрийн байгууллага, хувийн хэвшлүүдтэй хамтран ажиллаж байна. Үүний дотор, Арбидол, Ремдесвир зэрэг эмийн нөөц хангамжийн талаар хэлэлцэж байгаа юм” гэлээ.

Вирусийн эсрэг эмийн үнэтэй холбоотой асуудлаар Эм, эмнэлгийн хэрэгслийн хяналт, зохицуулалтын газрын өгсөн мэдээллээр Арбидол, Хавипиравир эмийн нөөц хангалттай байгаа ч Ремдесвирийн нөөц дэлхий дахинд хомсдолтой байгаа тул хангалт муу байгаа аж. Вирусийн эсрэг эмийн үнэ, нөөцтэй холбоотой асуудлаар албаныхан дараах тайлбарыг өгсөн юм

           "ААН-ҮҮД ҮНИЙН ХӨӨРӨГДӨЛ ГАРГАВАЛ ТУСГАЙ ЗӨВШӨӨРЛИЙГ НЬ ЦУЦАЛНА"

ЭМ, ЭМНЭЛГИЙН ХЭРЭГСЛИЙН ХЯНАЛТ, ЗОХИЦУУЛАЛТЫН ГАЗРЫН ДАРГА Б.ЦЭЦЭГСАЙХАН:

-Эм импортлох нэг удаагийн тусгай зөвшөөрөл олгосон 15 аж ахуйн нэгжээс зарим компаниуд төлөвлөсөн хэмжээгээр эмээ оруулж ирээгүй байна.  Энэ нь дэлхий нийтэд вирусийн эсрэг эмийн хомсдол үүссэнтэй холбоотой. Жишээ нь, Арбидол эмээс гурван сая ширхэгийг импортлох зөвшөөрөл авснаас 1.3 сая ширхэг нь ирсэн. Хавипиравир эмээс хоёр сая ширхэгийг оруулж ирэхээс 750 мянган ширхэг орж ирсэн. Ремдесвир эмээс 25700 ширхэгийг импортлохоос 12200 ширхэг оруулж ирсэн.  Хүний эмийн зөвлөлөөс нэг удаагийн эмийг импортлох зөвшөөрлийг аж ахуйн нэгжүүдэд өгөхдөө үнийн хөөрөгдөл бий болгохгүй байх заавар өгдөг. "Ач-Үр" компанийн тухайд, Эрүүл мэндийн яамнаас эм импортлох зөвшөөрлийг нь өгсөн. Үүсээд буй асуудалд тухайн компаниас тайлбар өгөхдөө, хил гаалийн улмаас нааш, цааш буцах асуудал үүсч , эм тээвэрлэх өртөг өссөн учир эмийн үнэ 3-4 дахин өсөх асуудал гарсан гэдгийг хэлсэн.

Арбидол эмийн тухайд, Эрүүл мэндийн яамны шилэн дансан дахь мэдээллээр нэг таблетк эм 890 гэж тооцоход тухайн эмийн хайрцаг дахь үнэ гардаг. Үүнд зарим төөрөгдлүүд гардаг. Жишээ нь, зарим эм нэг ширхэг нь 1050 төгрөг болбол хайрцгаараа 21 мянган төгрөг. Энэ мэтчилэн хайрцаг, тун хэмжээтэй холбоотой төөрөгдөл, үл ойлголцлууд гарсан байх магадлалтай. Бидэнд импортоор орж ирж буй эмийн үнүүд бий. Үүнд бид тухайн аж ахуйн нэгжүүдийн нэмэгдэл, хэрэглэгчдийн гарт хүрэх үнийн дээд хязгаарыг ярилцаж байна. Эмийн тухайд, үйлдвэрлэгч компаниас хамаарч тухайн эм тун хэмжээнээс хамаарч харилцан адилгүй үнэтэй байдаг. Иймд бид ААН болгонтой эмийн үнийг нэг бүрчлэн ярилцаж хэрэглэгчдийн гар дээр очих дээд үнийг хамтарч шийднэ. Хэрэв аж ахуйн нэгжүүд үнийг хөөрөгдөл гаргавал торгууль ногдуулж, тусгай зөвшөөрлийг нь хүчингүй болгоно.

"ИМПОРТЫН ҮНИЙН ЭМ НЭМЭГДЭХЭД ТЭЭВРИЙН ЗАРДАЛ НӨЛӨӨЛСӨН"

Импортын үнийн эм нэмэгдэхэд  үйлдвэрлэгч компаниудаас гадна татвар,  тээврийн зардал нөлөөлж байна. Covid-19 халдварын эсрэг хэрэглэж буй Арбидолыг Москвагаас Турк, Туркээс Солонгос, Солонгосоос Улаанбаатар гэсэн маршрутаар оруулж ирж байгаа учир тээврийн зардал нэмэгдэхэд нөлөөлжээ.  Мөн үйлдвэрлэгч компаниудын эмийн нөөцөөс хамаарч тухайн жилд нийлүүлэлттэй холбоотой эмийн үнэ нэмэгдэх шалтгаан болж байгаа аж.  Эмийн үнийн хяналтад Шударга өрсөлдөөн хэрэглэгчийн төлөө газар, Эм, эмнэлгийн хэрэгслийн хяналт, зохицуулалтын газартай хамтран ажлын хэсэг байгуулан ажиллаж байна. УИХ-ын  намрын чуулганаар  хэлэлцэх хуулиар эмийн үнийн хяналтын тухай хэлэлцэх юм байна.

Намрын чуулганаар хэлэлцэх хуулиар эмийн үнийн хяналтын тухай хэлэлцэх юм байна. Эм, эмнэлгийн хэрэгслийн хяналт, зохицуулалтын газрын тухайд, өнөөдрийн байдлаар эмийн үнийг тогтоох чиг үүрэг байхгүй ч Шударга өрсөлдөөн хэрэглэгчийн төлөө газартай хамтран Ажлын хэсэг байгуулж, эмийн үнийн нэмэгдэлд хяналт тавьж ажиллаж байгааг тус газрын удирдлагууд мэдээлсэн юм.

“ЭМ” ХОЛБООНЫ ТЭРГҮҮН ГҮЙЦЭТГЭХ ЗАХИРАЛ И.БАЛЖИННЯМ:

-Эмийн үнэ нэмэгдэхэд тээврийн зардал нөлөөлж байна. Замын-Үүдийн боомтоор нэвтэрч буй эм, эмнэлгийн хэрэгслийн тээврийн зардал  өмнө нь дунджаар 7000 орчим юань байсан бол өнөөдрийн байдлаар 34 мянга юань болж өсөөд байна. Өөрөөр хэлбэл, тээврийн зардал тав дахин өссөн. Өнөөдрийн нөхцөлд тээврийн асуудал хүндрэлтэй байна. Мөн эмийн сангууд маш эрсдэлтэй цэг болсон. Халдварт өртсөн болон бусад өвчний шалтгаантай хүмүүс эм худалдан авдаг тул халдвар хамгааллын дэглэмийг мөрдөх шаардлагатай болж байна. Халдвар хамгааллын дэглэмийг сахиулах, ариутгаж халдваргүйжүүлэх зэрэг зардал өссөн. Covid-19 халдварын эсрэг хэрэглэж буй Арбидол зэрэг эмийн үнэ борлуулалтын НӨАТ-аас чөлөөлөгдөөгүй. Бид эмийн нөөцийг тасалдуулахгүй  жигд хүртээмжтэй байлгах үүрэгтэй. Эм хангамжийн байгууллагууд эмийн тасалдал үүсэхээс урьдчилан сэргийлж хурдан хугацаанд эм татан авах шаардлага гардаг. Ийм үед бид хамгийн боломжтой хувилбаруудыг бид сонгон авч байгаа. Нөгөөтээгүүр, аж ахуйн нэгж байгууллагуудыг нөөц үүсгэ, эрсдэлээ даа гэдэг.

Гэтэл эм нөөцөлдөг, халдвар намжсан үед хэрэггүй болж устгалд оруулахаас өөр аргагүй нөхцөл 2012 онд SARS өвчний үед гарч байсан. Үүнтэй адил өнөөдрийн нөхцөлд вирусийн эсрэг эм нөөцөлдөг, өвчний тархалт зогсвол цаашид хэрэглэх боломжгүй, устгалд оруулахаас өөр аргагүй болно. Ийм эрсдэлийг бид эмийн өртөгт тооцож шингээдэг. Өнөөдрийн байдлаар 15 аж ахуй нэгжээс долоо нь импортын эм оруулаад байна. Үнийн тухайд, ОХУ-аас импортолж буй Арбидол эмийг үнэ, үйл ажиллагааны зардлыг  шингээж 20 ширхэгтэй нэг хайрцаг нь 26 мянган төгрөг, эм хангамжийн байгууллагууд дунджаар 30 мянган төгрөгийг бөөний үнээр тогтоож байна. Үүн дээр эмийн сангууд 20-30 хувь нэмж зарж байна. Эмийн сангийн өөрийн үйл ажиллагааны зардал нь 24 хувьтай байдаг. Ерөнхийдөө 6000 төгрөг гэдэг нь дэлхийд хаана ч байхгүй үнэ. Энэ бол 2012 онд SARS өвчний үед гаалийн татвараас чөлөөлсөн эмийн үнэ юм. Эмийн үнийг тендерт нэг таблеткын үнээр  тооцож байна.

🔴 ШУУД | #NewsMN #NewsAgency

🔴 ШУУД | Хүний эмийн зөвлөлөөс Арбидол эмийн үнийн өсөлтийн талаар мэдээлэл хийж байнаа.#NewsMN #NewsAgency

Posted by News.mn on Wednesday, June 16, 2021

Энэ мэдээнд өгөх таны сэтгэгдэл?
10
ТэнэглэлТэнэглэл
5
БурууБуруу
2
ЗөвЗөв
1
ХөөрхөнХөөрхөн
1
ХарамсалтайХарамсалтай
0
ХахаХаха
0
ГайхмаарГайхмаар
Баярлалаа!

Холбоотой мэдээ

23 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-16 202.21.108.18

Энэ Засаг, Төрийн байгаа царайг. Даанч яав даа. Зовлон дээр зоолсон хулгайчууд арай даварлаа. ЗГ огцорч хариуцлагаа хүлээ.

Avatar

далай 2021-06-16 124.158.120.30

1 ш аридол 1 тн

Avatar

Зочин 2021-06-16 192.82.67.174

Piizduunuud. Zovlongoor zoolj bn daa

Avatar

Зочин 2021-06-16 202.126.90.132

Битгий элийр

Avatar

Зочин 2021-06-16 103.212.118.66

Zalitai zalijin hvmvvs dainaar hurungujidug uu gej yutai unen vg ve deer yun s****m chutgur 2 zogsood yun busarmagaar hudal chalichina ve alchihiimsaan ene 2 guldiisun hulgaichiig

Avatar

Зочин 2021-06-16 64.119.21.102

Мал оргисон ЗГ. Тайлбар хэрэггүй. Иргэдэд амь нас, эрүүл мэнд, үр дүнд хэрэгтэй!

Avatar

Зочин 2021-06-16 203.91.115.48

Худлаа хуцаж байхаар наад эмний үнэ хөөрөгдсөн бузар компаниудыг ил болгож хариуцлага тооцох тухай л ярь. Яахаараа өвчнөөр дөрөөлж үнэ өсгөөд байгаа юм бэ. Энэ бол ҮАБ-ын асуудал шүү. Эмний бизнесээ цэгцэл гэхээр ард түмэнд эм өгөхгүй элдэв тотгор тавина. Яачихсан хүмүүс эрүүл мэндийг эм зүйн салбарт ажиллаад байгаа юм бол доо.

Avatar

ман огцор 2021-06-16 202.179.24.132

Бух юм нэмэгднэ

Avatar

Zochin 2021-06-16 139.5.217.223

shunal shunal shunal gej aimaar yum daa

Avatar

Zochn 2021-06-16 139.5.217.223

ashgaasaa aldchix geed mun xudalaa zalj baina daa

Avatar

Зочин 2021-06-16 122.201.31.231

Ийм тэнэг юм яриад Төрийн албан хаагч гээд зогсож байгаа нь үнэхээр гутамшиг. Ийм юм хэлсэнийхээ төлөө харицлага хүлээж ажлаа сайн дураараа өгөх хэрэгтэй.

Avatar

Зочин 2021-06-16 66.181.191.134

Ямарч барааны тээврийн зардал 10 дахин өсдөггүй юм. Битгий Т1-т дээ. Идсэн уусан залилиан хийснээ шалгуулаа

Avatar

роо 2021-06-16 192.82.67.86

1050 аар авчихсан эмэнд юуун тээвэр. эд нар хяналт тавиагүй асуудалд орох гээд нийлж идсэн нь илрэх гээд худлаа хуцацгааж бна доооо Санаатай өвчин төрөөгчдаас ялгаагүй новшнуууд

Avatar

зочин 2021-06-16 64.119.19.1

битгий ш**,Арбидол эмийг Хятадаас оруулж ирж байгаа биз дээ, үнэн бол тээвэрлэлтийн баримтаа, гарал шшслийн гэрчилгээ, үйлдвэрлэгчтэй байгуулсан гэрээ нтр гээд маш их баримт байх ёстой тэрийгээ харуулаач

Avatar

иргэн 2021-06-16 202.126.89.35

ард түмнийг ч гахай адил үзэж дооглож байна даа. тэр жижиг эмийг зөөхөд тээврийн зардал өслөө юу

Avatar

иргэн 2021-06-16 66.181.177.205

Зах зээлд байх нь яахав дээ. ЭМЯ-ны Эм, эмнэлгийн хэрэгслийн хяналт, зохицуулалтын газар ажлаа хийгүй. үнэ хөөрөгдөөд байгаа эм ханган нийлүүлэх байгуллага, эминй сангууддаа арга хэмжээ вахгүй байна . ард түмэн чинь эмийн үнийг дийлэхгүй болоод байна шүү дээ.

Avatar

зочин 2021-06-16 66.181.177.205

Ковидоор өвдөөд хэвтэж эмчлүүлж байгаа хүний эмчилгээний чанарын хяналт гэж байна уу. Байхгүй. юухан хээхнээр хэд хоног аргалаад даатгалаас мөнгөө авахын төлөө л ажиллаж байна. ЭМЯ-ны Чанарын алба, Нийслэлийн Чанарын алба, МХЕГ, НМХГ ажлаа хийгээд хяналтаа тавьж ажилламаар байна.

МХЕГ, Нийслэлийн ммэргэжлийн хяналтын газар, ЭМЯ-ны Чанарын зөвлөл алба маш муу ажиллаж байна шүү дээ. Засгийн газар арга хэмжээ авах хэрэгтэй байна.

Avatar

Ковидоор өвдсөн хүн 2021-06-16 66.181.177.205

Монос эмийн санд Арбидол 38 000 төгрөгөөр зарж байна. Үнээ схөөрөгдсөн эмийн компани, эмийн сангуудад арга хэмжээ вавах хэрэгтэй. МХЕГ болон ЭМЯ-ны Эм, эмнэлгийн хэрэгслийн хяналт, зохицуулалтын газар ажлаа хийхгүй байна. Дарга нарыг огцруулах хэрэгтэй. Тусдаа ийм газар байгууллаа гээд ямар ахиц өөрчлөлт гарсан юм бэ. Сахил хүртээд шал дордсон л байна ш дээ. Засги йн газар, ЭМЯ энэ албадуудаа ажиллуулаа чээ.
айл өрх бүр хамаатан саднаараа өвчилж огт өвчингүй айл өрх байхгүй боллоо.

Avatar

Зочин 2021-06-16 66.181.187.164

Monosoos 4 hairtsagiig avsan. Barimt ni bgaa. Zoruu mongoo butsaaj avmaar bn

Avatar

Зочин 2021-06-16 202.126.89.170

Чоно борооноор гэдэг л энэ дээ. Тээврийн зардал өсч гэнэ. Эм мөн ч хүнд эд дээ.тэгээд бас Заавал тойруу замаар авдаг нь юу вэ.

Avatar

зочин 2021-06-16 202.126.90.65

Олон ширхэгтэй жижиг бараанд тээврийн зардал тийм их нөлөөлөхгй

Avatar

Зочин 2021-06-16 14.13.131.97

Худлаа яриад байх юм .Өрхийн эмнэлгүүд чинь эмгүй хангамж дууссан гээд байхад.ажлын байраа шалгаж үзээд мэдээлж баймаар юм

Avatar

Зочин 2021-06-16 122.201.19.99

Эмийн Компаниуд бол шуналын туламнууд, ийм үед вирусын эсрэг эмээр бизнес хийвэл торгууль тавих хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж