Унадаг дугуйтай иргэдийн хөдөлгөөн ихэсч, хүүхдүүд гэмтэж байна | News.MN

Унадаг дугуйтай иргэдийн хөдөлгөөн ихэсч, хүүхдүүд гэмтэж байна

Унадаг дугуйтай иргэдийн хөдөлгөөн ихэсч, хүүхдүүд гэмтэж байна

Унадаг дугуйтай иргэдийн хөдөлгөөн ихэсч, хүүхдүүд гэмтэж байна

Унадаг дугуйтай иргэд зам тээврийн осолд өртөх болсныг Тээврийн цагдаагийн албанаас мэдээлэв. Энэ төрлийн осолд өртсөн хүмүүсийн дийлэнх нь хүүхдүүд болохыг цагдаагийн  алба хаагчид хэлж байгаа юм. Энэ талаар тус албаны Урьдчилан сэргийлэх хэлтсийн ахлах мэргэжилтэн, цагдаагийн ахмад Г.Отгонтамир “ Цагдаагийн байгууллагын дуудлага мэдээллийн утсанд энэ оны эхний таван сарын байдлаар унадаг дугуйтай хөдөлгөөнд оролцож байхдаа осолд өртсөн 78 тохиолдол улсын хэмжээнд бүртгэгдсэн. Сүүлийн үед унадаг дугуйтай замын хөдөлгөөнд оролцох иргэдийн хөдөлгөөн эрс нэмэгдсэн. Үүнийг дагаад  осол ч их гарч байна. Тэр тусмаа хүүхдүүд унадаг дугуйтай замын хөдөлгөөнд оролцохдоо осолд өртөж байна. Хүүхдүүд замын хөдөлгөөний дүрэм, ойлголт байхгүй. Харгалзах хүнгүй замын хөдөлгөөнд оролцож байгаа нь авто ослоор гэмтэх, амь насаа алдах шалтгаан болж байна. Хэдхэн хоногийн өмнө унадаг дугуйтай явж байсан долоон настай хүүхэд автомашинд мөргүүлж амь насаа алдсан. Өчигдөр гурван хүн унадаг дугуйтай замын хөдөлгөөнд оролцож байхдаа гэмтсэн” гэлээ.

Зам тээврийн ослоор энэ сарын 14-нд нийслэлд тав, орон нутагт хоёр хүн гэмтсэн бол нэг иргэн амь насаа алджээ. Тэгвэл хүүхэд өртсөн осол гэмтэл гурав бүртгэгджээ. Тодруулбал,

  • 2021.06.14 Баянгол дүүрэгт суудлын автомашины жолооч унадаг дугуйтай эрэгтэйг мөргөж гэмтээсэн осол 19.00 цагийн орчимд бүртгэгджээ.
  • 2021.06.14 Сонгинохайрхан дүүрэгт  суудлын автомашины жолооч нь унадаг дугуйтай хүүхэд  мөргөж гэмтээжээ.
  • 2021.06.14 Сүхбаатар дүүрэгт суудлын автомашины жолооч нь унадаг дугуйтай хүүхэд мөргөж гэмтээжээ.

Хүүхдээс гадна унадаг дугуйтай иргэд замын хөдөлгөөнд оролцохдоо автомашины замаар зорчиж байгаа нь осолд өртөж гэмтэх эрсдэлийг ч бас дагуулж байгааг цагдаагийн байгууллагаас анхааруулав.

Энэ мэдээнд өгөх таны сэтгэгдэл?
4
ХарамсалтайХарамсалтай
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-16 203.98.76.176

дугуйн ослууд их. цаашид анхаарах зүйл.
1. машин замаар явуулах
2. бага насны хүүхэд унуулж хөдөлгөөнд оруулахгүй байх
3. хүүхдийг тусгай зорилалтын газар асран хамгаалагчтай хамт унахыг зөвшөөрөх
4. одоогоор нарийн гудамж, олон хүмүүстэй тохиолдолд дугуйнаас бууж, хөтөлж хөдөлгөөнд оролцох
5. хурд хэтрүүлэхгүй явах
Хэрэв энэ журмыг мөрдөхгүй бол ЯВГАН ЗАМАА ДУГУЙЧДААС АВРАХ ХӨДӨЛГӨӨН өрнүүлж тэмцэх болноо

Avatar

Зочин 2021-06-16 203.98.76.176

Миний бодлоор дугуй бол тээврийн хэрэгсэл, иймээс явган хүний замаар явуулж болохгүй, тусгай замыг тээврийн хэрэгсэлийн хэсэгт гаргах ёстойв Хүүхдийг бол хөдөлгөөнд оролцуулж болохгүй, Дугуй унах дадал, соеол суулгах хэрэгтэй, бараг л жолооны үнэмлэх олгох нь дээр. Дугуй унахаас илүү явган зорчигч нар нь илүү эрүүл мэндээ анхаарч байгаа бус уу, явган хүний замаар салхи татуулж давхина, хоорондоо уралдана, сигналдана, мөргөнө, охидуудийг айлгаж цочооно. Бараг машинтай мөргөлдөж осолдсноос илүү

Avatar

Зочин 2021-06-16 202.21.107.67

Новшийн боржуруудаа налуу болгоочээ. Явган хүний замаар дугуйтай явахаар өндөр боржур нь байнга бууж суулгаад юун дугуй унах. Аргагүйн эрхэнд зам руу ордог.

Avatar

Зочин 2021-06-16 202.21.110.170

Зориулалтын дугуйн зам, зогсоолыг шийдмээр байна. Манайх шиг жижиг хотод хотын түгжээнд дугуй унах нь ашигтай. Дугуйн замд явган хүн явахыг бас болиулмаар. Хотод дугуйн түрээсийн үйлчилгээг нэвтрүүлмээр санагддаг.

Avatar

Битгий уна 2021-06-16 59.153.115.109

Дугуй унаж чадахгүй, хөдөлгөөнд оролцох соёлгүй бол битгий унаач ээ хүмүүсээ. Явган замд ч дайрчих гээд, мөргөчих гээд яваад байна.. Ямар ч хамгаалах хэрэгсэлгүй л явж байх юм

Avatar

Зочин 2021-06-16 202.179.24.149

Хуцаа чи.

NewsMN Гар утасны хувилбар Татах
NEWS.mn

Мэдээллийн эх сурвалж