"Цагаан хаданд хатуу хөл хорио тогтоомоор байна" | News.MN

"Цагаан хаданд хатуу хөл хорио тогтоомоор байна"

"Цагаан хаданд хатуу хөл хорио тогтоомоор байна"

Цагаан хадны ногоон бүст халдвар тархаж, Гашуунсухайт боомтын тээвэр тэг зогсолт хийхэд хүрсэн талаар Баянзам тээвэрчдийн холбооноос өнөөдөр/2021.06.16/ мэдээлэл хийлээ.

“БАЯН ЗАМ ТЭЭВЭРЧДИЙН ХОЛБОО” УДИРДАХ ЗӨВЛӨЛИЙН ДАРГА П.БАЯРХҮҮ:

-Цагаан хад гаалийн хяналтын бүс, Гашуунсухайт боомтын бүс нутагт халдварын сэжигтэй тохиолдлууд илэрч, хил боомтын асуудал, тээвэрчдийн эрүүл мэнд, нийгмийн байдал хүндэрсэн. Гэвч сүүлийн нэг сарын хугацаанд Гашуунсухайт боомтоор гардаг нүүрсний таталтын хувьд 350 машин хүрч ирээд буцаад 50 машин гардаг болсон. Шалтгаан нь Хятадад өгсөн манай жолооч нарын шинжилгээний хариу эерэг гарсан. Эерэг шинжилгээ бүртгэгдээд ирэхээр Хятадын талаас нүүрсний автомашины тоог хязгаарлачихсан. Сүүлийн эерэг гарсан тохиолдлоос хойш гурван хоног Хятад улс хилээрээ нэг ч машин нэвтрүүлээгүй. Сүүлийн долоо хоногт дараалан эерэг гарсан учир Хятадын талаас ердөө 50 машин нүүрс  хүлээн авна гэдгээ мэдэгдсэн. Одоо Цагаан хад бүс дотор 4000-5000 гаруй машин байна. Үүнээс 1900 нь нүүрсээ аччихсан хилээр гарахад бэлэн байна. Өдөрт дөрвөн автобусанд суугаад жолооч нар Хятадын талд шинжилгээ өгөөд хариу нь сөрөг гарсан нь нүүрсээ ачаад хилээр нэвтэрдэг. Зарим жолооч нар маань гурван сар, хагас жил хилийн бүст амьдарч, тээвэр хийж байна. Сая гаалийн талбайгаас нэмж нүүрс ачихгүй гээд хязгаарлалтыг хийсэн. Нүүрсээ ачих гээд 2000 жолооч машиндаа хийх ажилгүй хүлээж байна. Харин нүүрсээ аччихсан 1900 машин өдөрт 50, 50-иараа цувж гарахаар ээлжээ хүлээж байна.

Тээвэр хийдэг ногоон бүсийн жолооч нар бүгд вакцины хоёр тундаа хамрагдсан. Гэтэл шинжилгээ өгөхөөр Хятадын талд эерэг, Монголын талд түргэвчилсэн өгөхөөр сөрөг гараад байдаг.

-Нүүрсний экспортыг голлон явуулж буй Цагаан хад ногоон бүс биш улаан бүс болсон. Цагаан хад бүс нутагт нэг сумын дайны хөдөлгөөн өрнөж байна. Энэ хүмүүсийг хянаж байгаа боловч сэжигтэй тохиолдлуудаа алдаад байна. Тэнд хариуцлагагүй, зохион байгуулалтгүй, халдвар хамгааллын дэглэм алдагдчихсан. Цагаан хаданд хатуу хөл хорио тогтоож, цэгцлэхгүй бол Хятадын талаас үнэхээр муу дүн тавьж байна. Улсын онцгой комисс яаралтай Цагаан хадыг улаан бүс болгон зарлаж, хязгаарлалт тогтоон, ачаа ачихгүй байгаа 2000 жолоочийг орон гэрт нь хариулах хэрэгтэй. Нийт жолоочийн 80 хувь нь Цагаан хадаа түр хаагаад эмх цэгцтэй болгох саналтай байгаа. Ингэж байж Хятадын талд монголчууд халдвар хамгааллын дэглэмээ чанд сахиж, хилээр нэвтрүүлэхэд асуудалгүй болно. Цагаан хад бол хүн тусгаарлаад байх таатай орчин биш. Хэдхэн сендвичэн байшинтай. Ус, цахилгаан байхгүй энэ газар 50, 100-гаар нь хүмүүсийг тусгаарлаад байна.

Баяжмал л ерөөсөө зогсохгүй хилээр гараад байгаа. Үүнийг бид гайхаж байна. Хил хаагдах үед баяжмал л гарч байсан. Хэзээ ч зогсч байгаагүй. Харин Монголын нүүрсний жолооч нарыг хилээр гаргахгүй. Өдөрт 50 машин нүүрс гаргаж байгаа нэртэй хажуугаар нь Оюутолгойн баяжмалаа гаргаад байна гэж бид хардаж байна.

ТЭЭВЭРЧДИЙН ЗӨВЛӨЛИЙН ТЭРГҮҮН, ЖОЛООЧ Н.ЯЛАГДАШГҮЙ:

-Хэдэн мянган жолооч нарыг хаях гэж байна. Тээвэрчний хүү Монгол Улсын Ерөнхийлөгч болсон болохоор нь дуугүй тэвчиж хүлээсэн. Ажлын хэсгийнхэн ирж  байдаг асуудал шийддэггүй, алга болдог. Цагаан хадыг ногоон бүс гэж жолооч нар бодоод маскаа зүүхгүй, гараа ариутгахгүй яваад  байдаг. Гэтэл аль хэдийнэ улаан бүс болчихсон. Үүнийг нь ил тод зарлахгүй, нуугаад байдаг. Дарга нар нүүрс, экспорт л яриад байна. Гэтэл үүний цаана хүний эрүүл мэнд, амь нас яригдаж байна шүү дээ.

🔴 ШУУД | #NewsMN #NewsAgency

🔴 ШУУД | Цагаан хадны Ногоон бүсэд халдвар тархаж, Гашуун сухайт боомтын тээвэр тэг зогсолт хийхэд хүрсэн талаар "Баянзам тээвэрчдийн холбоо"-ноос мэдээлэл хийж байна.#NewsMN #NewsAgency

Posted by News.mn on Tuesday, June 15, 2021

Энэ мэдээнд өгөх таны сэтгэгдэл?
7
ХарамсалтайХарамсалтай
2
ХахаХаха
2
ГайхмаарГайхмаар
1
ХөөрхөнХөөрхөн
0
ЗөвЗөв
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-16 64.119.25.13

Хаагаачээ.замбараа муутай баахан хүн цуглаж өвчин даамжирч биё биенээсээ өрсөж хятад руу орох гэж дайрч замбараагүй үед ёс журам хуулиа ягштал биелүүлдэг хятадууд юу гэж оруулах вэ?гэр гэртээ харьж өвчин буурал битгий ажилуулаач.баахан халдвартай хүмүүс яармагт ирж хэвтсэн гэсэн.уб хүнээ дийлэхгүй ядарч бхад хөдөөнөөс өвчин чирж ирж эмнэлгийн ачаалал нэмэгдүүлж бна.болиочээ.цагаан хадаа хааж цэгцлээч урд юу хийгээд бнаа.

Avatar

Зочин 2021-06-16 24.17.94.42

Khurelsukhee hurdan yoslolooo hiigeed ene uls orniig samragchdiig hatuu hariutslagatai changahan udirdaachee

Avatar

ҮНЭН 2021-06-16 139.5.218.177

энэ хогийн тээврээ зогсоо

Avatar

Зочин 2021-06-16 122.201.22.66

ТӨМӨР ЗАМАА ТАВЬ ЖЕНКОДОО ЯЛЫГ НЬ ӨГ.НҮҮРСИЙГ БАЯЛАГ ГЭЖ ЯРЬДАГАА БОЛЬ.АМЖИЖ АХИУХАН ЗАР.

Avatar

зочин 2021-06-16 103.26.194.153

вакцины бүрэн тунгаа хийлгээгүй үхэрнүүдийг төрийн болон үйлчтлгээний бүх байгууллагаар үйлчлүүлэх, ажилдаа явахыг хатуу хориглох хэрэгтэй байна

Avatar

У 2021-06-16 66.181.161.102

Хошного царайлж кабиндаа бхаар гэртээ очиж амраад авцгаа

Avatar

зочин 2021-06-16 66.181.191.199

Та нарын гэдэс ээ илж, гэртээ тэр хошного оо дулаацуулж байхад, та нарын халамжийн мөнгө энэ нүүрс борлуулалтаас ихэнх хувь нь бүрддэг юм, тэнэг минь. Хэний барааг харж, яаж амьдарч байгааг ойлгох цаг чинь өнгөрчихсөн байна. Худлаа цээжээ дэлссэн хоосонцорууд

Avatar

зочин 2021-06-16 202.131.244.210

гаргахгүй л байгаа юмбол гэр гэртээ ирж болдоггүй юм уу? жолооч нарт ч бас учир байгаа л байх.

Avatar

Жолооч 2021-06-16 85.203.44.145

Зам тээврийн сайд нь хаана явна аа

Avatar

Сок 2021-06-16 202.126.89.14

Баялаг монголдоо үлдэг дэ

NewsMN Гар утасны хувилбар Татах
NEWS.mn

Мэдээллийн эх сурвалж