"PCR-ийг төлбөртэй болгосноор халдварын тархалт буурахгүй" | News.MN

"PCR-ийг төлбөртэй болгосноор халдварын тархалт буурахгүй"

"PCR-ийг төлбөртэй болгосноор халдварын тархалт буурахгүй"

PCR шинжилгээг төлбөртэй болгосноор халдвартайгаа мэдэхгүй хүн олширно

PCR шинжилгээг төлбөртэй болгосноор халдвартайгаа мэдэхгүй хүн олширноhttps://news.mn/r/2441749

Posted by News.mn on Tuesday, June 15, 2021

Covid-19 илрүүлэх сайн дурын PCR шинжилгээг зургадугаар сарын 15-наас эхлэн үнэ төлбөртэй болгоно гэж албаныхан мэдээлсэн. Тандалтын болон хавьтлын шинжилгээг үнэ төлбөргүй авах юм. Энэ талаар албаны хүмүүсээс тодрууллаа.


ЭМЯНЫ ЭМНЭЛГИЙН ТУСЛАМЖИЙН БОДЛОГЫН ХЭРЭГЖИЛТИЙГ ЗОХИЦУУЛАХ ГАЗРЫН ДАРГА Б.БУЯНТОГТОХ:

-Сайн дурын PCR шинжилгээг төлбөртэй болгох талаар тодорхой шийдвэр гараагүй. Өнөөдрийн байдлаар шинжилгээний цэгүүд үргэлжлүүлэн хэвийн ажиллаж байна. Бид халдварын голомт дагасан ойрын хавьтлын шинжилгээг төлбөртэй болгохгүй. Хамгийн гол нь сайн дурын PCR шинжилгээ нь нөөцөд ихээр нөлөөлж байна. Сайн дурын шинжилгээний эерэг илэрц нь бага, PCR шинжилгээний нөөцөөс зарцуулагдаж байна. Энэ асуудлыг зохицуулах гэж байгаа юм. Энэ талаар эрт л ярьж эхэлсэн. Зөвхөн сайн дурын PCR шинжилгээг төлбөртэй болгоно гэдгийг л ойлгох хэрэгтэй.

Тандалтын шинжилгээ хийхдээ тархвар судлаач судалж, 100 хүнд сэжигтэй тохиолдол байгаа учраас PCR шинжилгээ хийх шаардлагатай гэдгийг тогтоодог. Тиймээс эдгээр хүмүүс шинжилгээ өгөхөд төлбөр мөнгөний асуудал яригдахгүй. Сайн дурын шинжилгээний үнэ төлбөрийн судалгаа хийж байна. Улсын хэмжээнд PCR шинжилгээний нөөцийн хомсдол бий. Одоогоор нөөцийн хомсдлоос шалтгаалан PCR шинжилгээг хумиагүй. Бид хоногт дунджаар 10 мянга гаруй PCR шинжилгээ хийж, ачаалалтай ажиллаж байна. Ойрын хавьтлаа дагаад шинжилгээ хийгээд ирэхээр сайн дурын шинжилгээ өгсөн иргэдийн хариу хурдан гарч эхэлнэ. Сайн дурын шинжилгээг өнөөдөр хувийн хэвшлийн эмнэлгүүд төлбөртэй хийж байгаа шүү дээ. Гэхдээ улсаас хувийн эмнэлгийн тогтоосон үнэ төлбөрөөс арай хямд тогтоох байх.

ХӨСҮТ-ИЙН ТАРХВАР СУДЛААЧ Э.ТЭМҮҮЛЭН:

-Мэргэжлийн үүднээс харахад цар тахлыг хумьж авах хамгийн эхний алхам бол PCR шинжилгээг маш өргөн хүрээтэйгээр хийх боломж олгох. Хэрэв иргэдэд шинж тэмдэг илэрч, ойрын хавьтал боллоо гэхэд хаана ч очоод шинжилгээ өгөх боломжийг хангах ёстой. Ингэснээр нийгэмд байгаа халдвартай хүмүүсээ тусгаарлаж, цаашид халдвар тараах эрсдэлийг хязгаарладаг. Цаашид PCR шинжилгээг үнэ төлбөртэй болгосноор тэр боломжуудыг тодорхой хэмжээгээр хязгаарлана гэсэн үг.

Цар тахалтай холбоотойгоор нийгэм, эдийн засгийн нөхцөл байдал доройтолд орсон. Энэ үед нийгмийн ихэнх хэсэг PCR шинжилгээ өгөх боломжгүй болж байна. Ингэснээр нийгэмд халдвартай гэдгээ мэдэхгүй хүн олширч, улам эрсдэл нэмэгдэнэ. Сүүлийн хэдэн сар вакцинжуулалтаа эрчимжүүлж, сайн дурын шинжилгээ авах цэгүүдийг багасгаж, хамгийн өндөр эрсдэлтэй голомт дагасан PCR шинжилгээ хийж буй. Нөгөө талдаа Монгол Улс хөгжиж буй орон. Эрүүл мэндийн салбар нь хязгаарлагдмал нөөц бололцоотой. Улсын хэмжээнд цар тахлын улмаас бүх салбар доройтолд орчихсон учраас хүссэн хүн болгонд PCR шинжилгээг үнэ төлбөргүй хийх боломж нь хязгаарлагдмал болж байна. Тэгэхээр аль аль талыг нь харж, энэ шийдвэрийг гаргах байх.

Энэ мэдээнд өгөх таны сэтгэгдэл?
5
ТэнэглэлТэнэглэл
3
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-15 202.126.89.8

PSR шинжилгээгээ илүү хаанаас ч өгөх боломжтой болгож,хүртээмжтэй болгох хэрэгтэй.Үнэ төлбөртэй болговол тархалт буурахгүй.Хэн нэгэн өвдсөнөө мэдэхгүй явсаар хүндэрч буцаад эмч эмнэлгийн ажилчдад хүндрэлтэй,тэр хүндээ ч маш муу,амь нас эрүүл мэндээрээ хохирно.Наадмаа л цуцалж бүр мөсөн болих хэрэгтэй.Одоо хүн бүр хариуцлагатай байх ёстой цаг ирээд байна!
Холбогдох удирдлагууд нь мэдрэмж,ухаангүй шийдвэр гаргаад байж болохгүй!!

Avatar

zochin 2021-06-15 122.201.21.187

PCR шинжилгээ нь төлбөртэй болсон гэж ойлгож болохоор болжээ. Үнэгүй шинжилгээний цаг олдохгүй, хувийн эмнэлгүүд (бүгд биш) төлбөртэй PCR шинжилгээний сорьц аваад улсын лабораториуд руу өгч шинжлүүлдэг юм байна. Өрхийн ковид хариуцсан эмчтэй холбогдох гэж 2 хоног залгаж байна. Энэ янзаар бол хүмүүсийн эмчилгээ их оройтож эхэлдэг юм байна. Хэлэх үг алга даа.

Avatar

зочин 2021-06-15 103.229.120.229

шинжилгээ одоо ч үнэтэй байгаа ш дээ юун үнэтэй болгоно гэж яриад байгаан түргэвчилсэн шинжилгээ ч Эрдэнэтэд үнэтэй л байгаа шүү дээ т

Avatar

ХУУЛЬЧ 2021-06-15 192.82.64.190

ШИНШИЛГЭЭГ ТӨЛБӨРТЭЙ БОЛГОСНООР ӨВЧИН НУУГДМАЛ БАЙДЛААР ТАРХАЖ,,,, ЦААД УТГААРАА ҮХЭЛ ИХСЭХ БАЙХ ДАА ,,,,,, ТЭР ШИНЖИЛГЭЭНИЙ ТӨЛБӨРИЙГ ТӨЛӨХ ЧАДАЛТАЙ ХҮН БАЙХАД,,,,,, ШИНЖИЛГЭЭНИЙ ТӨЛБӨРӨӨ ТӨЛЖ ЧАДАХГҮЙ ИРГЭН БАЙХ Л ДАА ,,,,,,АМЬДРАЛ БАЯН ХОЙНО ,,,,МОНГОЛ УЛСЫН ЗАСГИЙН ГАЗРАА МОНГОЛЫН ҮНДСЭН ХУУЛЬД ЗААСАН ХҮМҮҮЛЭГ АРДЧИЛСАН НИЙГЭМ БАЙГУУЛЖ БАЙГАА ҮНЭТ ЗҮЙЛ, ЗАРЧИМАА ЗӨРЧИЖ ИРГЭДЭЭ ГУТААН ДОРОМЖИЛСОН ГЭЖ ҮНДСН ХУУЛИЙН ЦЭЦЭД ГОМДОЛ / МЭДЭЭЛЭЛ / ,ГАРГАХ ХҮН АЯНДАА ГАРНА ДАА ,,,,,,,
,,

Avatar

Зочин 2021-06-15 103.80.210.183

шинжилгээ өгөхөө л байчихна шүү дээ.

Avatar

ЗОЧИН 2021-06-15 185.9.19.149

ЭНЭ Б.БУЯНТОГТОХ СДАААК 15-ААС ХОЙШ ХАЛДВАР БУУРНА ГЭЖ ХУЦАЖ БАЙСАН, ХАА БАЙНА. ИЙМЭРХҮҮ ХУЛГАЙЧУУДЫГ ТӨРД ГАРГАЖ, ХУДАЛ ШААЛГУУЛЖ, ИРГЭД ӨВДӨЖ, ҮХЭЖ, ҮРЭГДСЭЭР БАЙХ УУ,

Avatar

НААДМАА ЦУЦАЛЯААА 2021-06-15 202.126.89.187

НААДМАА ЦУЦАЛЖ НААДМЫН ЗАРДАЛЫГ PCR ШИНЖИЛГЭЭ БОЛОН ЭРУУЛ МЭНДИЙН САЛБАРТАА ЗОРИУЛАЯ ОДОО АЛГУУРЛАХ НААДАМЛАХ ЦАГ БИШ НААДМАА ДАРАА ЖИЛ АЙВУУ ТАЙВАН ХИЙЕ

Avatar

Зочин 2021-06-15 202.131.225.197

Шүлсээр шинжилгээ авдаг болсон гэсэн, тэрийгээ ахиу үйлдвэрлээд хэрэглээч ээ.

Avatar

Төоөө 2021-06-15 202.9.46.114

Наадам хийх гээд байгаа 10 тэрбумаар PCR шинжилгээ хэдийг авах вэ?

Avatar

!!! 2021-06-15 66.181.169.116

Шинжилгээ хийж чадахгүй бол тахлын тархалтыг яаж хумих юм бэ? Ийм мухардмал байдалд хүргэсэн хүмүүст хариулага тооцож, ажил хийх, зохион байгуулах чадвартай хүмүүстийг ажиллуулаачээ!!!

Avatar

Zochin 2021-06-15 202.126.90.60

Uuchlaarai hangaltai shinjilgee Hiij chadahgui baigaagaas bolj haldbar nemegeed baigaashdee

NewsMN Гар утасны хувилбар Татах
NEWS.mn

Мэдээллийн эх сурвалж