Монгол, Унгар, Тайландын вакцины гэрчилгээтэй иргэдийг Казахстан улс руу нэвтрэхийг зөвшөөрсөн талаар тус улсын хэвлэлүүд мэдээлжээ. Уг журам Баасан гаригаас /2021.06.11/ хүчин төгөлдөр үйлчилж эхэлсэн байна.

Дээрх журмаар зөвшөөрөгдсөн вакцины гэрчилгээ, паспорт, тодорхойлолт бүхий Унгар, Тайланд, Монгол Улсын иргэдийг Казахстаны нутаг дэвсгэр рүү нэвтрүүлэхийг автозамын боомтууд дахь эрх бүхий байгууллага, хяналтын байгууллагуудад үүрэг болгожээ.

Казахстан улсын хувьд өнгөрсөн хоёрдугаар сарын 1-нээс хүн амаа Оросын “Sputnik V” вакцинаар дархлаажуулж эхэлсэн билээ. Харин дөрөвдүгээр сарын 26-наас дотооддоо үйлдвэрлэсэн “QazVac” нэртэй вакциныг иргэддээ тарьж эхэлсэн байна. Түүнчлэн Хятадын “Sinopharm” болон ”Sinovac” үйлдвэрийн вакцинуудыг ч хэрэглэж байгаа юм.

Эх сурвалж: https://kapital.kz/