"Наадмын тухай хуулийг долдугаар сарын 1-нээс өмнө батална" | News.MN

"Наадмын тухай хуулийг долдугаар сарын 1-нээс өмнө батална"

"Наадмын тухай хуулийг долдугаар сарын 1-нээс өмнө батална"

"Наадмын тухай хуулийг долдугаар сарын 1-нээс өмнө батална"

Ардын хувьсгалын түүхт 100 жилийн ойн баяр наадам хаяанд ирж, допинг, цолны маргаан, эрлийз, монгол морьдын асуудлаа шийдэж чадахгүй өдийг хүрлээ. Угтаа Үндэсний их баяр наадмын тухай хуульд шинэчилсэн найруулга хийх тухай хуулийн төслийг үндэсний спортын холбогдох холбоод нь боловсруулсан хэдий ч хэзээ УИХ-аар хэлэлцэх нь тодорхойгүй байгаа билээ. Үүнтэй холбогдуулан Монголын үндэсний бөхийн холбооны тэргүүн Ц.Магалжаваас хуулийн төслийг хэзээ УИХ-аар хэлэлцэх талаар тодруулахад “Долдугаар сарын 1-н гэхэд хаврын чуулган хаана гэсэн. Түүнээс өмнө хэлэлцэж батлахаар болсон” гэв. Ямартай ч наадмын өмнө хэл ам дагуулсан асуудлуудаа шийдэх товтой байна.

Монголын үндэсний бөхийн холбоо, бөхчүүд, бөхийн зүтгэлтэн болон бөх сонирхогчдын зүгээс дараах хэд хэдэн онцлох заалтуудыг өргөн бариад байна.

2 дугаар зүйл. Үндэсний их баяр наадам

  • 2.3. Үндэсний их баяр наадмын улс, аймаг, сумын баяр наадмыг долдугаар сарын 10-наас 12-ны өдрүүдэд тэмдэглэнэ.

6 дугаар зүйл. Бөх, хурдан морь, сурын харвааны цол, чимэг

  • 6.1. Баяр наадам зохион байгуулах хорооны саналыг үндэслэн бөх, уяач, харваачдад үндэсний спортын төрлөөр улсын цолны батламжийг Монгол Улсын Ерөнхийлөгч, аймгийн цолны батламжийг аймгийн Засаг дарга тус тус олгоно.
  • 6.2. Наадмын допингийн шинжилгээний хариу ирсэний дараа цолыг олгоно.

7 дугаар зүйл. Үндэсний бөхийн барилдаан

  • 7.2.12. Улсын баяр наадамд 1024 бөх барилдсан тохиолдолд түрүүлсэн улсын арслан цолтон 9 давж үзүүрлэвэл улсын аварга;
  • 7.2.13. Улсын баяр наадамд 1024 бөх барилдсан тохиолдолд түрүүлсэн улсын арслан цолтон 10 давж түрүүлвэл улсын даян аварга;
  • 7.2.14. Улсын баяр наадамд 1024 бөх барилдсан тохиолдолд улсын аварга цолтон 9 давж үзүүрлэвэл улсын даян аварга;
  • 7.2.15. Улсын баяр наадамд 1024 бөх барилдсан тохиолдолд улсын аварга цолтон 10 давж түрүүлвэл улсын дархан аварга цол олгоно.
  • 7.4. Аймгийн баяр наадмын 10 жил тутам тохиох тэгш ойд 256 бөх барилдаж 5 давсан бөхөд аймгийн начин, 6 давсан бөхөд аймгийн харцага, 7 давсан бөхөд аймгийн заан, 8 давсан бөхөд аймгийн арслан цол олгоно.
  • 7.4.1. Аймгийн баяр наадмын тэгш ой тохиогоогүй жилүүдэд 128 бөх барилдах бөгөөд 5 давсан бөхөд аймгийн начин, 6 давж үзүүрлэсэн бөхөд аймгийн заан, 7 давж түрүүлсэн бөхөд аймгийн арслан цол олгоно.
  • 7.5. Сумын баяр наадамд 10 жил тутам тохиох тэгш ойд 128 бөх барилдах бөгөөд 5 давсан бөхөд сумын начин, 6 давсан бөхөд сумын харцага, 7 давсан бөхөд сумын заан цол олгоно.
  • 7.5.1. Сумын баяр наадмын тэгш ой тохиогоогүй жилүүдэд 64 бөх барилдах бөгөөд 5 давж үзүүрлэсэн бөхөд сумын начин, 6 давж түрүүлсэн бөхөд сумын заан цол олгоно.
  • 7.6. Аймаг, сумын баяр наадамд барилдах бөхчүүдийг бүртгэхдээ яс үндэс, харъяалал, төрсөн болон оршин суух хаягаар ялгаварлахыг хориглоно.
  • 7.9. Энэ хуулийн 7.8-д заасан цол амжилтаар эрэмбэлэх заалт нь дархан аварга цолтонд хамаарахгүй.
  • 7.9.1. Зөвхөн улсын аварга, даян аварга цолтонуудыг эрэмбэлэхдээ цол хүртсэн он дарааллаар нь эрэмбэлнэ.
  • 14 дүгээр зүйл.Хууль зөрчсөн этгээдэд хүлээлгэх хариуцлага
  • 14.3. Энэ хуулийн 10.2-т заасан шинжилгээгээр бөх, харваач допинг хэрэглэсэн нь тогтоогдвол тухайн баяр наадамд олгосон цол, байрыг хасч, бүх төрлийн барилдаанд барилдах эрхийг 4 жилээр хасна. Түүнд унасан бөхөд цол, чимгийг нөхөж олгоно.

Харин Монголын үндэсний морин уралдаан, уяачдын холбооны зүгээс хурдан морины уралдаантай холбоотой хэд хэдэн хуулийн заалтыг боловсруулжээ. Тодруулбал, морийг бүртгэлжүүлэх, уралдах морьдыг генетикийн түвшинд бүртгэлжүүлэх, баяр наадмаар монгол зургаан насны морьд уралдах, морьдыг үүлдвэрлэг байдлаар нь ялгах, унаач хүүхдүүдийг бүтэн жилээр нь даатгалд хамруулах гэх зэрэг заалтуудыг боловсруулжээ.

Энэ мэдээнд өгөх таны сэтгэгдэл?
4
ТэнэглэлТэнэглэл
2
ХарамсалтайХарамсалтай
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-14 202.126.89.45

Оюунболдын авсан тэр их шагналыг …мөнгө .байр ..машинийг ..нь бас хураах ёстое биздээ…авгайд нь өгсөн тэр машинаар гэсэн……

Ккк….. .

Avatar

Zochin 2021-06-14 202.126.89.80

Haadmaa tur orhiye.Tosov zardlaa hadgalchihval deer .Ovchnoos bolood olon hun ui gashuutai bna.

Avatar

Жирийн ажилтан. 2021-06-14 66.181.161.2

Татвар шимтгэл.хүнс барааны үнэ нэмэгдээд байна.Цалин нэмэгдэхгүй тийм л б.

Avatar

Иргэн 2021-06-14 66.181.161.2

Энэ жилдээ улс.аймаг сумын наадам өнжих хэрэгтэй Ковидын эсрэг тэмцье.

Avatar

Зочин 2021-06-14 203.91.115.55

Элэнцэгийн наадам боль Амь нас чинь хэрэгтэй

Avatar

Зочин 2021-06-14 103.57.92.53

НААДМАА БОЛИО ЯДАЖ ! СОНГУУЛЬ ТА БҮХЭНД ӨГӨӨЖӨӨ ӨГСӨН БОЛ МАНИЙХ НЬ ДУНД ӨВЧЛӨЛ НЭМЭГДСЭН ШҮҮ ДЭЭ… НААДМААР ЗАРАХ ЗАРДЛАА ВАКЦИНД НЭМРЭЛЭЭД ДЭГ ЖУРАМТАЙХАН ЗУНШИЦГААЯ !!!!!

Avatar

Зочин 2021-06-14 66.181.176.98

Энэ жил наадам хийхгүй байж, тэрэнд зардаг хөрөнгө мөнгөө тахлын эсрэг үйл хэрэгт зориулаачээ!!! Тэгэхдээ ариутгалын бодисуудын үнийг бууруулаач?! Гар ариутгагч л гэхэд дэндүү үнэтэй байна. Гэр, өрөө тасалгааг мананцраар ариутгах төхөөрөмж оруулж ирж олон түмэн ардад хямд үнээр түгээгээч! Энэ дэлгүүр, захууд гар ариутгагч тавихаа ч бараг больчихоод байна шүү!!!

Avatar

Бөххүү 2021-06-14 66.181.160.67

Эн бол шудрага бус хууль байна. Тэгш ой гэдгээр бөхчүүдийг ялгаварлан гадуурхаж болохгүй. Төлөв түвшин шудрага баоиллдаг бөх тэгш ой таараагүйгээс болэ амжилтаараа хохирох уу?
Энэ бол мэргэжлийн спорт биш зүгээр л дарга нарын үзэмжийн шоу болж байна

Avatar

БӨӨ БАТАА 2021-06-14 115.84.87.251

ДЭЛХИЙД ИЙТ УТГА УЧИРГҮЙ ХУУЛЬ ГЭЖ БАЙХГҮЙ, ЖИЛ БҮР УЛСЫН ХЭМЖЭЭНИЙ ӨНДӨР ЧАНСААТАЙ 512 БӨХ Л БАРИЛДАЖ ТҮРҮҮЛСЭН БҮРТ АВАРГА 1Р БАЙР АЛТАН МЕДАЛЬ ҮЗҮҮРЛСЭН БҮРТ АРСЛАНЦОЛ МӨНГӨН МЕДАЛЬ 2-Р БАЙР ,4Т ҮЛДЭЖ ШӨВГӨРСӨН 2БҮРТ ХҮРЭЛ МЕДАЛЬ ЗААН ЦОЛ 8Д ҮЛДЭЖ УНАСАН 4БӨХД ХАРЦАГА ЦОЛ ШАГНАЛТ 8Р БАЙР 16Д ҮЛДЭЖ УНАСАН БҮРТ НАЧИН ЦОЛ ШИГШЭЭД ҮЛДСЭН ШАГНАЛ ЖИЛ БҮР ДАВТАН ӨГӨӨЛ ЯВБАЛ НАЙРАА АРИЛНА, 10УДААГИЙН АВАРГА БАЯНМӨНХ МЭТЭЭР

Avatar

Зочин 2021-06-14 66.181.190.227

NAADMAA BOLIOCHEEEEEEEE HEND HERGTEI YM BEE OVCHIN ZOVLONTOI BHAD.YAARALTAI TSUTSLAACHEEEE.

Avatar

зочин 2021-06-14 203.91.114.244

Битгий тэнэгтээрэй

Avatar

Зочин 2021-06-14 122.201.21.233

Бүх жилийн наадмуудад барилдах бөхийн тоог адилхан байвал амжилтын эрэмбэд шударга, ойлгомжтой байх юм. Барилдах бөхийн тоо 512, юм уу 1024 байх нь чухал биш. Тэгш ой гэж ялгалгүй бүх л жилүүдэд адил тооны бөх барилдах хэрэгтэй.

Avatar

erka 2021-06-14 103.111.68.3

Энэ жилийн наадмыг цуцлах шаардлагатай байна. Халдварт өвчин газар авсан энэ хэцүү үед наадмаа тэвчээд өнжчих хэрэгтэй ш дээ. Энэ хавар хөл хорионд байсан хугацаагаа нөхөж авьяа

NewsMN Гар утасны хувилбар Татах
NEWS.mn

Мэдээллийн эх сурвалж