Вакцины 2 тунгаа хийлгэсэн 4 хүний нэг халдвар авах эрсдэлтэй | News.MN

Вакцины 2 тунгаа хийлгэсэн 4 хүний нэг халдвар авах эрсдэлтэй

COVID-19

Вакцины 2 тунгаа хийлгэсэн 4 хүний нэг халдвар авах эрсдэлтэй

Вакцины 2 тунгаа хийлгэсэн 4 хүний нэг халдвар авах эрсдэлтэй

Улсын хэмжээнд өнгөрсөн долоо хоногт эрсдэлийн үнэлгээ хийж, “Маш өндөр” эрсдэлтэй гарчээ. Тэр тусмаа хөдөө орон нутагт халдварын эрсдэл маш өндөр гэж гарсан байна. Төвөөс алслагдсан байдал, эрүүл мэндийн үйлчилгээний чанар, хурд, хүртээмж, зардал зэргээс шалтгаалж цаашид нас баралт нэмэгдэх магадлалтай байгааг эрдэмтэн судлаачид анхааруулав. Энэ талаар УОК-ын төлөвлөлтийн багийн гишүүн, МУИС-ийн Физикийн тэнхимийн эрхлэгч, дэд профессор Д.Улам-Оргихтой ярилцлаа.


Вакцинжуулалт эрчимтэй үргэлжилж байгаа ч халдварын тоо улам нэмэгдэж байна. Covid-19 халдвараас болж 73 суманд хөл хорио тогтоолоо. Цаашид халдвар хумигдах янз байна уу?

-Бид өмнө нь зургадугаар сарын дундуур халдварын тархалт дахин оргил үедээ хүрч хүндэрнэ гэдгийг хэлж байсан. Яг  энэ байдал одоо анзаарагдаж байна. Гэвч хүлээлтээс илүү олон тооны халдвар бүртгэгдэж эхэллээ. Вакцины нөлөөгөөр халдварын тархалт буурахгүй байгаа нь дархлаажуулалт дуусаагүй байгаатай холбоотой.

Мөн Ерөнхийлөгчийн сонгуулийн үйл явц, иргэдийн аялал зугаалга, одон тэмдгийн баяр зэрэг нь  халдварын тархалтад ихээхэн нөлөөлж байгаа нь бүгдэд ойлгомжтой байна.

Түүнээс гадна, Монгол Улс бүх иргэнээ Covid-19 халдварын эсрэг вакцинжуулалтад хамруулж байгаа юм шиг тайвшруулсан яриа сурталчилгаа их хийх юм. Тиймээс иргэдийн дунд бүрэн тунд хамрагдсан хүмүүс 14 хоноод халдвар авахгүй, тараахгүй, өвдсөн ч огт хүндрэхгүй гэж андуурснаас өөрсдийгөө эрсдэлд оруулж байна.

Анх хүн амын 60-70 хувийг вакцинжуулалтад бүрэн хамруулснаар халдвар буурна гэж байсан бол одоо дэлхий нийтээрээ энэ шалгуурыг 80-85 хувь болгон өсгөж эхэллээ. Гэтэл бид нийт хүн амын 60 орчим хувийг дархлаажуулна шүү дээ.

Монголын хувьд насанд хүрэгчдийг вакцинжуулалтад хамруулахаар зорилтот бүлгийн тоог 2 сая 67 мянга гэж тогтоосон нь нийт хүн амын 62 орчим хувь бөгөөд үүнийхээ 90 хувьд нь хүрээд гацчихаад байна шүү дээ.

Хоёрдугаар тунд хамрагдсан хүн 49 хувь байгаа.  Тэгэхээр вакцины хоёр тунд хамрагдсан ч халдвар авах эрсдэлтэй 800 мянган хүн байгаа. Мөн дээр нь вакцины эсрэг заалттай, дархлаажуулалтад хамрагдаж чадаагүй хүмүүс маш өндөр эрсдэлтэй. Бас нийт хүн амын 1/3 хувийг эзлэх хүүхдүүдээ вакцинд хамруулаагүй учраас улс нийтээрээ тайвшрах огт болоогүй. Орон нутагт байдал их хүндэрч байна. Бодит байдал эмнэлгийн ачааллаас давж, гамшгийн хэмжээнд дөхлөө. Эмч эмнэлгийн ажилтнууд аргаа тасартал хичээж байна шүү дээ. Цаашид өдөрт бүртгэгдэх халдварын тоо бодит байдал дээрээ 2000-4000-д хүрч магадгүй. Долоо, наймдугаар сараас вакцины нөлөөгөөр халдварын тархалт буурна.

"ВАКЦИНЫ НӨЛӨӨ ИРЭХ 7,8 ДУГААР САРД МЭДЭГДЭЖ ЭХЭЛНЭ"

-Эдийн засагчид дахин хөл хорио тогтоох боломжгүй гэдгийг хэлж буй. Энэ удаа хөл хорио тогтоовол үр дүн гарах болов уу?

-Хөл хорионы нөлөөнөөс вакцины нөлөө нь илүү болсон.  Ирэх долоо, наймдугаар сард л вакцины нөлөө бүгдэд мэдэгдэж эхэлнэ. Бүр онцгой тохиолдол үүсэхгүй бол  бүх нийтийн хатуу хөл хорио тогтоох шаардлага одоо байхгүй. Харин халдвар гараагүй байгаа сумдад орох хөдөлгөөнд маш хатуу хяналт тавих шаардлагатай. Мөн халдварын том голомтуудад хэсэгчлэн хөл хориог чангаруулах шаардлагатай.  Өнгөрсөн өвөл, хавар биднийг “Хөл хорио тогтооё. Хүнд байдалд орно” гэж анхааруулаад байхад “Цар тахалтай хамт амьдаръя, эдийн засгаа бодъё” гэcээр одоо яг тэр байдалдаа хүссэн, хүсээгүй хүрчихлээ.

Түргэн өөрчлөгддөг эрсдэлтэй нөхцөлд яах вэ гэдгийг хэлэхэд хүндрэлтэй. Сүүлийн хөл хориог арай өмнө буюу өдөрт бүртгэгдэх халдварын тоо 100-200 байхад тогтоосон бол өнөөдөр тэр тоотойгоо л явж байх байлаа. Гэсэн хэдий ч  өмнө нь тогтоосон хөл хорио, вакцины үр дүн бий. Хэрэв ямар ч үр нөлөөгүй байсан бол өдөрт халдварын тоо өдөрт 10-20 мянгаар тоологдох байсан.

Та бүхэн зургадугаар сарын дундуур халдварын тархалт оргил үедээ хүрч хүндэрнэ гэдгийг анхааруулсан гэлээ. Эрдэмтэн судлаачдын үгийг сонсохгүй байна уу, мэргэжлийн хүмүүс нь зоригтой дугарч чадахгүй байна уу?

-Урьдчилсан тооцоо судалгааг янз бүрийн хувилбартайгаар гаргаж өгч байгаа. Хэрэв хоёрдугаар тунд зургадугаарр сарын 1 гэхэд бүрэн хамрагдаад дуусах юм бол энэ сарын 15-аас вакцины нөлөөгөөр багасах нь ойлгомжтой байсан. Гэтэл өнөөдөр вакцинжуулалт бүрэн дуусаагүй байна. Жишээлбэл, ОХУ-ын “Спутник V” вакцины хоёр дахь тун нь хэзээ ирэх нь тодорхойгүй, хүлээлттэй байх шиг байна.

Эгзэгтэй цаг мөчид иргэд нэг дор олноор цугларах нь хэрээс хэтэрч байна. Үүний хор уршиг өнөөдөр гарч байна шүү дээ. Тэгэхлээр байдал зургадугаар сарын сүүлч хүртэл хүндэрсэн хэвээр байна.

Анх халдварын тархалтын тоог маш өндөр хувьтай бүртгэж байсан. Нэг, хоёрдугаар хавьтал гээд нэг бүрчлэн бүртгэнэ. Өөрөөр хэлбэл, бодитоор өвчилсөн хүний тоог үнэн зөв мэддэг учраас прогнозыг сайн хийдэг байсан. Гэтэл өнөөдөр халдвар авсан хүний цаана хэчнээн хүн өвчилснийг хэлэхэд маш төвөгтэй байдал үүслээ.

-Тэгэхээр Монгол Улс цар тахлын оргил үеийг бодитоор зураглаж, эрсдэлийг бүрэн тооцоолж чадахгүй байна гэсэн үг үү? 

-Өнөөдөр халдвартай нэг хүний ард 3-4 хүн байгаа гэж бодоход 1000-2000 шинэ тохиолдлын цаана 5000-6000 хүн өвдчихсөн халдвар тараагаад явж байх магадлалтай л даа. Тэгсэн ч гэсэн бид албан ёсны тоон дээр л анализ хийхээс өөр аргагүй, бодит байдал дээр эрсдэл 2-3 дахин өндөр байна.

Өнгөрсөн долоо хоногт эрсдэлийн үнэлгээ хийгдсэн бөгөөд улсын хэмжээнд “Маш өндөр” гарсан. Тэр тусмаа хөдөө орон нутагт халдварын эрсдэл маш өндөр гэж гарсан. Үүний улмаас алслагдсан байдал, эрүүл мэндийн үйлчилгээний чанар, хурд, хүртээмж, зардлын асуудал сөхөгдөж, цаашид нас баралт нэмэгдэх магадлалтай байгаа.

Халдварын өсөлтөөс нэлээд хэд хоногийн дараа нас баралт дагаж өсдөг. Эрүүл мэндийн яамны өдөр тутмын мэдээллээр хэдэн тоо хэлэхээс гадна ямар ч анализ хийх аргагүй байна.

Нөхцөл байдал ээдрээтэй, хурдан өөрчлөгдөж байна. Салбарын дарга цэрэг нь гарч ирж бодит байдлыг ярихгүй байна.

"ШИНЖИЛГЭЭГЭЭР СӨРӨГ ХАРИУ ГАРСАН Ч  ХАЛДВАР АВСАН БАЙХ МАГАДЛАЛ 30-40 ХУВЬТАЙ БАЙДАГ"

-Иргэдийн хувьд PCR болон түргэвчилсэн шинжилгээний хариунд эргэлзэх тохиолдол гарч байна. Ер нь Монголд шинжилгээг ямар түвшинд хийж байна вэ?

-Шинжилгээний талаар эмч мэргэжилтнүүд маш тодорхой хэлсэн. Хэрвээ түргэвчилсэн оношлуураар шинжилгээний хариу эерэг гарвал өндөр халдвартай гэсэн үг. Харин PCR шинжилгээгээр эерэг гарвал гарцаагүй халдвартай гэсэн үг. Шинжилгээгээр сөрөг хариу гарсан ч  бодитоор бол эерэг буюу халдвар авсан байх магадлал 30-40 хувьтай байдгийг анхаарах хэрэгтэй. Тэр бол тайвшруулдаг, маш аюултай. Өнөөдөр хүссэн хүн бүрээс шинжилгээ авах боломжгүй байна, шинжилгээгүй бол эмнэлэгт хэвтүүлэхгүй гээд хүмүүсийг гэрээр нь хүндрүүлэх тохиолдол гарч байна. Цаашид энэ тал дээр анхаарч ажиллах байх.

-Вакцинжуулалтад иргэдээ бүрэн хамруулснаар халдварын тархалт буурах хүлээлтэй байгаа. Гэтэл сүүлийн үед вакцины хоёр тунд хамрагдсан иргэд ч халдвар авч байна. Энэ тал дээр хийж буй судалгаа бий юу?

-Ер нь вакцины хоёр тунгаа хийлгэсэн дөрвөн хүний нэг нь халдвар авах магадлалтай. Гурав нь хамгаалагдаж байгаа буюу вакцины нөлөө 75 хувь нь гэсэн үг. Бидний хийсэн тоон анализаар 74 хувь гэж гарсан. Хэрэв хоёр тун хийлгэсний дараагаар халдварын хүндрэлийн улмаас нас барж байгаа хүн бол үнэхээр харамсалтай. Эдгээр хүмүүс ихэнх нь өөрсдийгөө бүрэн вакцинаа хийлгэсэн гээд тайвширч анхаарал болгоомжоо алдах, хууч өвчин хөдөлсөн гэж андуурч  хүндрүүлчихээд байна. Үүнийг хаана хаанаа анхаараасай.

Эмнэлгийн ачааллаас давсан учраас л халдвартай иргэдийг гэрээр эмчилж байгаа. Тэрнээс биш ямар ч өвчтэй хүн эмнэлэгт хандаж, үйлчилгээ авах ёстой.

Энэ бол Үндсэн хуулиар олгогдсон эрх шүү дээ. Халдварын тархалт аж ахуй нэгж, байгууллагууд дээр гарч, тэндээсээ гэр бүлдээ халдвар тарааж байна. Гэрт нэг хүн халдвар авахад вакцин хийлгэсэн гишүүн нь ч хамт өвдөнө шүү дээ. Энэ цаг үед байгууллага, аж ахуйн нэгжийн хариуцлага маш чухал болоод байна.

-Ард иргэдэд эрдэмтэн судлаач хүний зөвлөгөө маш чухал. Та иргэдэд ямар зөвлөгөөг өгөх вэ?

-Иргэд маань эрүүл мэндийн байгууллагын мэргэжилтнүүдийн үгийг сонсч, дагаарай. Энэ цаг үед шинжлэх ухаанд итгэх нь чухал. Олон нийтийн сүлжээ, улс төржсөн мэдээллээс аль болох сэрэмжилж, эмч нарынхаа үгийг сонсооч ээ гэж хэлье.

Бид хаа сайгүй халдвар дунд амьдарч байна. Тийм учраас хүн болгоны хувийн хамгаалалт, сонор сэрэмж, маш чухал. Нэг талаас айж түгшихгүйгээр, нөгөө талаас тайвширч сэрэмж алдахгүйгээр хувийн хамгаалалт болон бусдад тавих шаардлагаа үнэхээр сайжруулах хэрэгтэй байна.

Ямар ч тохиолдолд бие өвдөх, шинж тэмдэг илэрч байгаа бол Covid-19-ийн халдвар гэж урьдчилсан сэргийлэх арга хэмжээг шуурхай авах хэрэгтэй. Хүндрүүлж, цаг алдаж болохгүй. “Хашраас унаж үхдэггүй” гэж үг бий шүү дээ. Хэрэв эрүүл бол сайн л биз. Зуны дэлгэр цаг ирлээ. Аливаа зүйлд өөдрөг, ухаалаг хандаж эрүүл саруул байхыг хүсэн ерөөе.

 

Энэ мэдээнд өгөх таны сэтгэгдэл?
30
ЗөвЗөв
26
ТэнэглэлТэнэглэл
2
ХахаХаха
2
БурууБуруу
1
ГайхмаарГайхмаар
1
ХарамсалтайХарамсалтай
0
ХөөрхөнХөөрхөн
Баярлалаа!

Холбоотой мэдээ

70 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-14 90.35.124.75

Хятад вагцин тарьсан улсууд бүгд халдвар буурахгүй байгаа,ихэнх нь вагцинаа өөрчилж энэ гамшигаас гарч байна жишээ нь турк,манайх үүнийг анхааралдаа авах хэрэгтэй!

Avatar

Зочин 2021-06-14 103.57.93.90

АН өвчнийг хүртэл улстөржүүлж нийгмийг зохиомлоор талцуулаад үнэхээр буг босоо ороолонгууд юмаа. Хэрэв шаарууд засагт гарсан бол Монгол бараг бүгдээрээ короновирусдэх байсан нь гашуун үнэн. Түүнчлэн Сонгуулийг хойшлуулаад үймүүмээнд турхираад, талцуулаад байж байх сонирхолтой байсан нь нууц бишээ. Бас АН-ын өлсгөлөн, удаа дараагийн жагсаал цуглаан, хязгааргүй шагналын бужигнаан халдварыг зориуд гэмээр тараасан, үүнээсээ бас бултах санаатай

Avatar

иргэн 2021-06-14 202.179.24.83

одоо яая гэхэв дээ Бурхан мэдсэн л хэрэнг болж дээ, Засаг төр Төрийн байгууллагынхан МАН, ЗГ, ЭМЯ, УОК Иргэд дэ Үнэн бодит байдлыг хэлэхгүй Нууж байгаа нь Үнэн шүү дээ, Дарга нар Төр засаг, МАН өнөөдөр зөвхөн Баяр наадам Одон медаль, Ерөнхийлөгчийн Тангараг ёслолын арга хэмжээ энэ гэж Найр наадамд Татавар төлөгч Бидний мөнгөөр тоглож эхэлж байна шүү дээ,

Avatar

Зочин 2021-06-14 202.126.89.129

Шинжилгээ нь халдвартай эерэг гарчихсан байхад эм ийн газрууд нь арга хэмжээ авахгүй халдвартайн хүн өөрөө аптек орж эмээ авч бна гэхийн ингээд халдвар тараад байгаан бишүү

Avatar

Зочин 2021-06-14 103.57.94.235

Иймэрхүү тэнэг нохойнууд МАН-ны нохойнуудад зөвлөж, тэнэг МАНгар "тооцоо судалгаа" гээчийг хийж Монголчуудыг маань хорлодог байх нь. Ард түмэн ээ гадны биологын дайралтын нээлттэй талбар болгож хорлосон та муусайн нохойнууд гэмт хэргийнхээ ялаас хаашаа зугтааж чадах вэ….

Avatar

sdgdf 2021-06-14 202.21.108.244

анагаах ухааны а ч байхгүй юмаар вакцины тухай асуухаа болиоч. УОК тай ямар ч хамаагүй

Avatar

Зочин 2021-06-14 69.47.29.7

shaaltuurtai fizikch ve yadag?

Avatar

Зочин 2021-06-14 202.9.46.29

СОНГУУЛЬ ШАГНАЛ ХОЁРООС БОЛЖ УЛС ДАЯАР ТАРХЛАА.УРАГШГҮЙ УЛС ТӨРЧДӨӨС ГАНЦ БОЛЛОО. ЯМАР Ч УЛС ТӨРЧИД БҮҮ ИТГЭ.

Avatar

Зочин 2021-06-14 202.21.124.130

Өдөр болгон 10 хүн алсаар байх юм уу ? Карантилаад зоригтой арга хэмжээгээ аваач

Avatar

Зочин 2021-06-14 64.119.18.128

Аль хэдийн УЛААН ТҮВШИНД хүрчихсэн юм бишүү. Яагаад ямар ч арга хэмжээ аваргүй байгаа юм бэ энэ Засгийн газар. Огцроочээ. Явах хүнээр ачаа бүү татуул гэдэг л болоод байгаа юм бишүү энэ одоо.

Avatar

АРД 2021-06-14 202.9.46.162

Цагаа тулахлээр хэн ч хариуцлага хүлээхгүй, хэний ч буруу биш гэнэ дараа нь эзэнгүйдсэн эх орнд минь хэн эзэн болох вэ?

Avatar

Зочин 2021-06-14 193.176.84.190

epidemiologist гэдэг мэргэжилтэн байна уу.

Avatar

NEW YORK TIMES 2021-06-14 193.176.84.190

Хятадын вакциныг биднээс өмнө хүн амынхаа ихэнх хэсэгт тарьсан Бахрейн, Сейшелийн арлууд, АНЭ зэрэг орнуудад халдвар тархалт буурсангүй. Израйль Pfizer-ийн хүчээр 2 сар хагасын дотор өдрийн 8000 тохиолдолыг 8 болтол нь буулгаж чаджээ. Хятадын вакцин халдвар авахаас хамгаалж чадахгүй ч хүндрэхээс хамгаалдаг гэж тархвар судлаач Бен Коулинг дүгнэжээ. Тариулаагүй 200000 хүн, 1 сая гаруй хүүхдүүд, бүрэн тариулсан ч халдвар авах хүмүүс гэхээр ковидгүй зун байтугай ковидгүй намар, өвлийг ч үзэж чадахг

Avatar

Зочин 2021-06-14 203.91.115.55

Сонгууль шагнал хоёроос болж өргөн тарлаа Дээр нь хятад вакцин хүчээр хийгээд хамгаалахгүй харин ч улам өвчин ихсээд байна ш дээ

Avatar

Зочин 2021-06-14 66.181.164.175

Вакцины 2 тун хийлгэсэний дараах халдвар авах эрсдэлийг энэ физиоч гаргахгүй болиоч олон судалгаа тухайлбал хүн амын өвчлөлийн бүтэц нас ажил мэргэжил олон юмнаас тооцон гаргадаг тоогоор гаргадаг юм биш Ийм мэдээлэл хийдэг өөрөө боль

Avatar

Зочин 2021-06-14 66.181.190.210

Энэ хүн ерөөсөө буруу зүйл яриагүй харин анхаарах шаардлагатай хамгийн чухал зүйлсийг гаргаж тавьжээ Бүү бухимд.

Avatar

Зочин 2021-06-14 139.5.218.209

Тархвар судлаачид чинь яагаад дуугарахгүй байнаа??

Avatar

Zochin 2021-06-14 87.66.142.201

Vaccin hiilgesen murtuu 4 hunii 1 ni haldwar awah bolomjtoi… Mash muu vaccun bna heden % darhlaa togtoono gesen ug we, barag 56% yum bishuu. 3 say hunteu baij oligtoi vaccun hudsldaad awchih setgelgui, unendee 3 say hurehuu barag 1 say ni gadaadad baigaa bailgui. Getel songuuli gej zawaarsan yum hiij terniig ni demjeed hural tsuglaand oroltsood songuulia uguud bsan mongolchuuda gaihla. Ternii orond heden 100,1000 hun bugd niileed unenii tuluu, uursdiinhuu amidral eruul mendiin tuluu ugee hel..

Avatar

Зочин 2021-06-14 202.9.46.233

Gadnii hevlel medeelleer yr dyngyi chanar standart hanahgyi bn,ter byy hel yyniig ni hyatduud uursduu hyleen zuvshuuruud bhd mnaih muiharlaj shahaj ulairch bgaag oilgohgyi bna!esergyytsej bna.vac iim undur huvitai yavj bhd sain vac bsn bol udiid arai ch iim bhgyi l bsn bh shy

Avatar

Зочин 2021-06-14 193.176.84.190

Германы вакцин тарих байсан юм.

Avatar

Иргэн 2021-06-14 66.181.182.101

Өөрсдийнхөө мэддэг юмаа л яривал зүгээрсэн. Физикч хүн вирусийн халдвар яриад байхаар сонин л санагдаж байна. Хэрвээр КОВИД-г мэдж байгаа юм бол эмчлэх эмийг нь гаргачихаач амар зүгээр

Avatar

Зочин 2021-06-14 202.21.108.183

CТАТИТИК СУДАЛГААР

Avatar

Зочин 2021-06-14 139.5.218.209

Тархвар гэдэг чинь тоо шүү дээ бөх өө

Avatar

zochin 2021-06-14 202.179.21.247

harin tiin,balai yum,fizik ch gej bna sh dee

Avatar

Зочин 2021-06-14 202.55.188.45

Harin thh mongoliin erdemted zugeer l toonii pitsik mongolhniibagsh bh jisheenii yag turshlagatai erdemted bhgui

Avatar

Ok 2021-06-14 192.82.86.211

Hytad uls mongold korona taraalaadaa

Avatar

Зочин 2021-06-14 172.58.60.10

Tiim

Avatar

эмч 2021-06-14 112.72.15.210

Зовлон ихсэхээр ЛАМ олширдог. Гамшигаар далимдуулж мэдэхгүй хүмүүсийн толгой эргүүлдэг СУДЛААЧ-ЭРДЭМТЭН нэртэнгүүдээс болгоомжил. Тэр Оном сангийн нөхөр бол мөнгөний үнэр авчихсан залилан хийдэг луйварчин санагдаад байгаа шүү. Элэг бүтэн Монгол төслөөр хичнээн их мөнгө туусныг ил болго

Avatar

Зочин 2021-06-14 139.5.218.209

Өөрөө тооцоо хийх нь битгий хэл тоо нэмж хасаж чадах уу эмч гуай??? Зүгээр л хүнээ эмчил

Avatar

Зочин 2021-06-14 66.181.188.138

Магадлал ярьсаар амьдралд аз үзсээр суух уу? Больж үз. Оновчтой халдвартай тэмц. Шоо хаяж 6 буувал халдвар тусахгүй гээд магадлал ярьсаар байх уу? Хүнд аз турших биш, итгэл үнэмшил дүүрэн амьдарч байх орон зай хэрэгтэй.

Avatar

00 2021-06-14 223.62.216.29

Хятад ын талд хүсэлтээ тавьж болдоггүй юмуу Хятадын элчин сайдын дуудаад яагаад ийм нөхцөл үүссэнийг тодруулах хэрэгтэй Дэлхийд зарлах хэрэгтэй яагаад таг дуугүй байна вэ Хятад вакцин хийлгээд сонгол улс сүйрч байгааг бүх дэлхий д зарлаад өгөх хэрэгтэй

Avatar

Зочин 2021-06-14 66.181.161.11

ene neg erdemted geed bga pyazdaa nar ymar pyazdaa nar bdiimbee gulugnuud chij

Avatar

Зочин 2021-06-14 66.181.186.141

1. Хорио цээрээ нэн хурдан 28 хоногоор зарлах 2. Спутник болон бусад дэлхийн шилдэг вакциныг нэн яаралтай гэрээ, хэлэлцээ хийж Монголд оруулж ирэх, иргэдэд тарих 3. УОК, НОК-ийн бүрэлдэхүүнийг туршлагатай, чадварлага хүмүүсээр солих. Улс төрч Популистууд улсыг сүйрүүлж байна. 4. Иргэд гэрээсээ гарахгүй байх, ариун цэврийн бүх арга хэмжээг авах

Avatar

Зочин 2021-06-14 122.201.31.190

вакцин 75 хувийн үйлчлэлтэй гэж байгаа юм уу?

Avatar

Зочин 2021-06-14 89.38.97.132

Вакцин бүхэн үр дүн нь өөр

Avatar

УОК, ЭМЯ, НЭМГ ОГЦОР 2021-06-14 192.82.75.243

УОК ЭМЯ мэргэжлийн газрууд нь сонгуулийг 1 жилээр хойшлуулах санал тавьж сонгуулийг хойшлуулаагүй. Эрсдлээс хамгаалаагүй. Харин ч өөгшүүлэн дэмжиж, анхааруулаагүй, нуун дарагдуулж, пялдагадаж сонгуульд уухайлан оролцсноос болж цөөхөн иргэдээ өндөр мэрсдэлд оруулж банйа. Халдварт цар тахал, үхэл хагацал иргэдийг улам туйлдуулж байна. Та нар бүгд огцор.

Avatar

Зочин 2021-06-14 66.181.190.210

Ийм улс төржсөн,хор цацаж нийгмийг бухимдуулсан мэдээллээс сэрэмжил биеэ хамгаал.Могойн хор гэж үз.Эрүүл мэндийн байгууллагын мэрэгжилтнүүдийн зөвлөлгөөнийг дагаж хэрэгжүүлэхийг хичээ.

Avatar

Зочин 2021-06-14 103.229.123.188

4000 ыг давчихсан байх аа Авсан шинжилгээгээр ийм харагдаад байгаа болохоос.

Avatar

Зочин 2021-06-14 150.129.141.78

ЭНЭ НЭГ БИД НАР ИЙМ АРГА ХЭМЖЭЭ АВААГҮЙ БОЛ ИНГЭХ БАЙСАН ГЭДЭГ ЗАВААН ХАРИУЦЛАГАГҮЙ ЯРИАГ БҮРМӨСӨН БОЛИУЛАХ ХЭРЭГТЭЙ БАЙНА. ӨӨРСДИЙН ХАРИУЦЛАГАГҮЙ ҮЙЛДЭЛЭЭ ЗӨВТГӨХ ГЭСЭН ОЙ ГУТМААР ОРОЛДЛОГО.

Avatar

Зочин 2021-06-14 192.82.70.51

Одоо 4000 хүрчихсэн юм биш үү

Avatar

хүн 2021-06-14 103.212.118.127

Одоо хүн бүр л хамгаалалтын дэглэм барихад л өвчин аяндаа буурна. Даанч зарим эргүү нь хэнэггүйтээд өвчин тараагаад бна

Avatar

Зочин 2021-06-14 150.129.141.78

ФИЗИКЧ ЮМ УУ ВИРУС СУДЛААЧ ЮМ УУ

Avatar

Бод 2021-06-14 192.82.90.202

Фикик МАТЕМАТИКЧид магадлалын онолоор тооцоолдог юм. Вируслогичид тооцоо хийдэггүй юм. ( Теорий вероятности).

Avatar

Зочин 2021-06-14 66.181.188.138

Оновчлол байхгүй хогнууд яаж удирдах вэ дээ.

Avatar

Зочин 2021-06-14 66.181.161.33

ЯАЛАА 15 НААС БУУРНА ГЭЭД БАЙСАН ОДОО ГАНЦ ХОНОГ ҮЛДЛЭЭ ДЭНДҮҮ ДАМПУУ ЮМАА . НААД ХЯТАД ВАКЦИНЫ ХАР ГАЙ ЯАХ АРГАГҮЙ МӨНӨӨС МӨН

Avatar

Зочин 2021-06-14 139.5.218.209

Хүүк-ээ сонгоод сайхан байгаа биздээ

Avatar

зочин 2021-06-14 66.181.180.100

Хүн бүр хариуцлагатай байж халдвар хамгааллын дэглэм сахих хэрэгтэй.
Наад зах нь зай барих, гараа угаах, агаар сэлгэх гээд хэдэн сар маань мэгзэм шиг
хэлж анхааруулав даа. Харин манайхан сайхан гөлгөр хүмүүс шүү дээ.

Avatar

Зочин 2021-06-14 202.21.103.158

Халдварын тоо өдөрт 10-20 мянгаар тоологдох байсан харин бид сайн ажилласан тул 2000 байгаа гээд байгаа юм уу

Avatar

Зочин 2021-06-14 202.21.103.158

Халдварын тоо өдөрт 10-20 мянгаар тоологдох байсан бид сайн ажлаад 2000 байгаа гэх гээ байгаа юм уу хайшаа юм.

Avatar

Зочин 2021-06-14 202.21.113.146

ковидгүй зун гээд байсан яалаа

Avatar

Зочин 2021-06-14 202.126.90.102

Орон нутагт,өвчлөл огцом нэмэгдсэн аймагт байрны найр хийгээд баахан хүнд өвчин тарсан.Найр хийсэн,найранд гудрах гэж очсонууд нь ч хохь нь.Нэг нь үхсэн ч нөгөөдүүл нь тоосон юмгүй байх малнууд.

Avatar

Зочин 2021-06-14 202.126.90.102

Вакцинжуулалт 95% орон нутагт 88 гэж шоудаад байсан худлаа байна.Нийт иргэдийн 65% хамрагдана.Тэрний 72% л хамрагдсан бол ийм байх нь аргагүй.

Avatar

Huuhee 2021-06-14 66.181.161.55

6 sariin 15-aas ogtsom buurna gesen shuu dee. Jaahan huleechih.

Avatar

Зочин 2021-06-14 202.131.245.243

1 л хоног хүлээнэ шүү.

Avatar

Зочин 2021-06-14 202.9.46.48

Ene bas s*****g gar baina. 7 ,8 saraas vaktsinii nuluu garah ni haha. 75 huvi hamgaalna genuu. Arduudaasaa dor medlegtei erdemten

Avatar

Зочин 2021-06-14 202.131.245.243

Ардын нам, Ардын засаг Ард түмнээ хятад вакцины туршилтанд оруулсны хар гай. Сонгууль явуулах гэж л яарсан нь тэр шүү дээ. Хүрэлсүхийн оруулж ирсэн Сүнээбарам хятад вакцины туршилт дуусаагүй л байгаа юм байна.

Avatar

зочин 2021-06-14 124.158.74.120

Харж л байя

Avatar

Зочин 2021-06-14 66.181.188.138

Буурахгүй улам нэмэгдэнэ.

Avatar

Зочин 2021-06-14 202.126.89.75

Муу хоолны савнууд юугаа төлөвлөдөг юм бэ та нарын хийж гийгүүлжбайгаа юм юу ч алга урсгалаараа л явж байна зүгээр зайлж үз

Avatar

Зочин 2021-06-14 66.181.161.49

ХЯТАД ВАКЦИН ТААРУУ МОНГОЛ ХҮН АРХИЧИН АСУУДАЛ ҮҮНД Л БНА . ВАКЦИН ХИЙЛГЭЭД ЯАХАВ ХЭД ХОНОГ ТЭСЛЭЭ ТЭГЭЭД ХЭД САВЧИХДАГ НӨХЦӨЛД ЕР НЬ ДАРХЛАА ТОГТОХ ЮУ Л БОЛ.

Avatar

Зочин 2021-06-14 202.9.46.21

Балдуушных нь эрдэмтэн байдаг юм, хаагдах дөхсөн физикийн хөтөлбөрийн тэнхмийн эрхлэгч, МУИС-н 1р байрны 4 давхарыг нил тамхины утаагаар утаад сууж байдаг нөхөрдөө

Avatar

тт 2021-06-14 202.9.40.18

ш****г п***а бодит байдал дээр шинжилгээнд хамрагдаагүй халдвар авсан хүмүүс хэдэн арван мянгаараа байгаа

Avatar

Зочин 2021-06-14 66.181.164.175

Статистикч халдвар судлаач гаргадаг тооцоог матетатикч гаргаад УОК ЭМЯ яаманд нөлөөлөхгүй хүн айлгасан мэдээгээр чинь яах юм Мэдээж юм яриад хүүхдүүдэдээ ёургааль айлдаж буй юм шиг өвчлөл гаргаад байгаа юа чинь нас барах агадлалыг гаргаад ирээч

Avatar

orgoi 2021-06-14 124.158.68.132

шинжлэх ухаанд итгэж байгаарай энэ судлаач эрдэмтэн мэдээж бус шинжлэх ухааны бодит дүгнэлтийг
хэлжээ шинжлэх ухааныг үгүсгүйсгэн үл тоомсорлосоноос ковид улам тархлаа

Avatar

норов 2021-06-14 192.82.87.55

хоххорхорхорхорхо

Avatar

норов 2021-06-14 192.82.87.55

дархлаажуулалт дуусаагүйдээ биш хятад вакцин ямар ч хэрэггүй гэдэг нь л харагдаж байна цаашид яах гэж байна бас хятад вакцинаа магтан дуулж 3,4,5,6 тун гээд л хийсээр байх уу

Avatar

Зочин. 2021-06-14 202.126.88.237

1.2 сарын өмнө та нар 6.7 сард халдвар 90% буурах болно. Эрдэмтэд ингэж тооцлоо л гэж байсан. Ямар эрдэмтэд яаж тооцож хэлээд байсан болж байна аа. Ямар ч барижаагүй ш*** юм.

Avatar

Зочин 2021-06-14 103.26.194.216

8-р сард гэсэн мэдээ бол байсан.

Avatar

Зочин 2021-06-14 202.126.90.109

Харин тийм. Одоо 90 хувь өснө гэнэ. Андуурсан юм болов уу зайлуул эрдэмтэн. Энэ Эрдэмтэн гэдэг нэрийг өөр үгээр солимоор байнаа

Avatar

зочин 2021-06-14 124.158.74.120

Иргэдийн ухамсар, хариуцлага. Нэгдүгээр тунгаа хийлгэчээд Би эрүүл боллоо гээд цээжээ дэлгээд явж байгаа хүмүүсийг яаан вээ? УХАМСАРТАЙ БАЙГААЧ ! ! !

NewsMN Гар утасны хувилбар Татах
NEWS.mn

Мэдээллийн эх сурвалж