АНУ-ын шилдэг арван их сургуулийг Кэмбриж, Принстон эсвэл Вест Пойнтийн сургуулиуд тэргүүлдэг байсан цаг өнгөрч байгаа бололтой.  Хамгийн сүүлийн судалгаагаар бол АНУ-ын хамгийн шилдэг их сургуулиар Беркшир Моунтайнс дэх 217 жилийн түүхтэй Уилльямсийн Их сургуулийг нэрлэж байна. Энэ сургууль нь хувийн сургууль бөгөөд үндсэндээ урлагийн чиглэлээр сургадаг  АНУ-ын шилдэг их сургуулиадын жагсаалтыг гуравдахь удаагаа манлайлж байгаа нэр хүндтэй сургууль ажээ. Энэ сургууль АНУ-ын 20 дахь Ерөнхийлөгч Гарфильдээс эхлээд Оскарын шагналт хоёр ч киноны уран бүтээлчид зэрэг олон нэр хүндтэй төгсөгчдөөрөө бахархаж байдаг аж. Хэдийгээр сургуулийн жилийн төлбөр 37 мянган ам.доллар болж байдаг ч сургуулийн нэр хүнд хэвээр хадгалагдсааар байна.

Харин өнгөрсөн жил АНУ-ын хамгийн шилдэг их сургуулиар шалгарч байсан Вэст Пойнтийн цэргийн их сургууль хэдийгээр төлбөргүй сургадаг ч энэ жил гурван байраар ухарсан байна. Шилдэг их сургуулиудын жагсаалтын дэд байранд Принстоны Их сургууль, гуравт нь Эмхэрстийн Коллеж,  харин айргийн тавд Массачусетсийн Технолгийн их сургууль орсон байна. Олонд нэр алдартай Стэнфордын их сургууль 6-д, Харвардын Их сургууль 8-д, харин Йелийн их сургууль 10-т багтжээ. Эдгээр шилдэг сургуулиудыг өндөр төвшний сургалттай гэгдэх 610 их сургуулиас шалгаруулсан байна. АНУ-ын шилэг сургуулиудын жагсаалтыг англи хэлээр хэвлэгдсэнээр нь жагсаавал:    

1.  Williams College 2.  Princeton University 3.  Amherst College
4.  United States Military Academy 5.  Massachusetts Institute of Technology
6.  Stanford University 7.  Swarthmore College 8.  Harvard University
9.  Claremont McKenna 10. Yale University гэсэн дараалал болж байна       

     М.Наст