"Нийтийн тээврийн орлого 55 хувиар буурсан” | News.MN

"Нийтийн тээврийн орлого 55 хувиар буурсан”

"Нийтийн тээврийн орлого 55 хувиар буурсан”

"Нийтийн тээврийн орлого 55 хувиар буурсан”

Нийслэлийн иргэдийн 39.3 хувь нь нийтийн тээврээр үйлчлүүлдэг гэх судалгаа бий. Ингэхдээ ахмад настай болон хөгжлийн бэрхшээлтэй иргэд нийтийн тээврээр хөнгөлөлттэй зорчих картаар үйлчлүүлэх боломжтой байдаг. Гэвч орон нутгийн харьяалалтай, нийслэлд түр оршин сууж буй ахмад настан, хөгжлийн бэрхшээлтэй иргэд тухайн хөнгөлөлттэй зорчих картыг хэрхэн авах талаар мэдээлэл дутмаг. Тэгвэл орон нутгийн ахмад настай иргэд тухайн картыг хэрхэн авах талаар “Улаанбаатар Смарт карт” ХХК-иас тодрууллаа.


-Нийслэлийн хэмжээнд ахмад настан, хөгжлийн бэрхшээлтэй хэчнээн иргэн нийтийн тээврээр үйлчлүүлэхдээ хөнгөлөлттэй зорчих картыг ашиглаж байна вэ?

-Одоогийн байдлаар нийслэлийн хэмжээнд 111,961 ахмад настан, 23 мянга орчим хөгжлийн бэрхшээлтэй иргэн нийтийн тээвэрт хөнгөлөлттэй зорчих картаар үйлчлүүлж байна.

-Нийслэлд түр хугацаагаанд оршин сууж буй хөдөө, орон нутгийн харьяалалтай өндөр настан тухайн хөнгөлөлттэй зорчих картыг авах боломжтой байдаг уу? 

-Хөдөө, орон нутгийн өндөр настай иргэд нийслэлд түр хугацаагаар оршин сууж байх хугацаандаа нийтийн тээврээр хөнгөлөлттэй зорчих картыг авах боломжтой. Ингэхдээ нийслэлийн зургаан дүүрэг дэх Нийслэлийн үйлчилгээний нэгдсэн төвийн Халамж үйлчилгээний газарт хандах хэрэгтэй. Тодруулбал, Улаанбаатар хотод түр оршин сууж буй тухайн хорооны Засаг даргын тодорхойлолт, иргэний үнэмлэхийн хуулбар мөн картын төлбөр болох 3,600 төгрөгийг тушаасан байх шаардлагатай.

-Улиралд дунджаар хэчнээн иргэн нийтийн тээврээр хөнгөлөлттэй зорчих хүсэлтээ өгдөг вэ?

-Нийслэлийн халамж үйлчилгээний газарт улиралд дунджаар дөрвөн мянган ахмад настан, 800 орчим хөгжлийн бэрхшээлтэй иргэний хүсэлтийг хүлээн авч шийдвэрлэдэг гэсэн судалгаа бий.

-Өнгөрсөн онтой харьцуулахад нийтийн тээврийн орлого төвлөрөлтийн өсөлт бууралтын төвшин ямар байна вэ?

-Цар тахалтай холбоотойгоор нийслэлд олон удаагийн хөл хорио тогтоож, нийтийн тээврээр үйлчлүүлэх иргэдийн тоо буурсан. Үүнээс шалтгаалан нийтийн тээврийн үйлчилгээний орлого  2019  оны нэгдүгээр улиралтай  харьцуулахад 55 хувиар буурсан үзүүлэлттэй байна.

-Нэг үеэ бодоход иргэд нийтийн тээвэрт үйлчлүүлэхдээ бэлэн мөнгөөр бус картаар үйлчлүүлж сурсан. Нийтийн тээврээр үйлчлүүлэхтэй холбоотой зөрчил хэр их гардаг вэ. Нийтийн тээврээр үйлчлүүлж буй иргэдэд хяналт тавих шалгагч нар ажиллаж байгаа харагддаг. Тогтмол хяналт тавьж чадаж байгаа юу?

-Нийтийн тээврийн үйлчилгээ картын хэрэглээнд бүрэн шилжээд дөрвөн жил болж байна. 2017 онтой харьцуулахад цахим картын гэрээт борлуулагчийн тоо гурав дахин нэмэгдэж,  иргэд өөрт ойр цэгүүдээр U money картаа цэнэглүүлэх боломжтой болсон. Түүнчлэн мобайл nfc цэнэглэлтийн үйлчилгээг ч нэвтрүүлээд байна.

Гэсэн хэдий ч иргэд нийтийн тээврээр үйлчлүүлэхдээ бэлэн мөнгө жолоочид өгөх зөрчил их гарсаар байна. Үүнээс шалтгаалан нийтийн тээврийн үйлчилгээний орлогод 25-30 хувийн алдагдал хүлээж байна гэх тооцоо бий.

Зорчигчийн хөлс төлөлтөнд “Нийслэлийн нийтийн тээврийн үйлчилгээний газар”, “Зорчигч тээврийн нэгтэл” ОНӨААТҮГ, “Зорчигч тээвэр-3” ОНӨААТҮГ,  “Сити баз консалтинг” ХХК-ийн нийт 300 гаруй шалгагч, улсын байцаагч нар өдөр бүр хяналт шалгалт хийж ажиллажбайгаа.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хүннү 2021-06-11 202.179.27.196

Одоо бүгд мөнгөө төлөөд явдаг болго. Наад халамжаа боль. Өглөө 7 цагт эхний автобусан суусан 5 хүний 2 нь "ахмад настан", 1 нь "хөнгөлттэй зорчигч" 2 нь "баярллаа" гэсэн зорчигчид явхаар яаж нийтийн тээвэр сайжрах юм. Улсаас өгдөг татаасаа боль. Нийтийн тээвэр эртхэн явуулж болохгүй юу? ядаж 6,30-д. Дэндүү орой явж байна. Өглөө эрт автобуснууд цагаа хүлээгээд энд тэнд бөөгнөрөөд зогсож байх юм, гэтэл буудал дээр хүмүүс автобус хүлээгээд л… Ийм байхад яаж орлоготой байх юм.

Avatar

Зочин 2021-06-11 202.9.46.22

Мөнгөө төлөөд явдаг зорчигчдоо магтаж сураач. Бүгд л төлөхгүй байгаа юм шиг эргүүтэх юм.

Avatar

з 2021-06-11 202.126.92.60

Зорчигч бүр зүгээр л ухамсраараа 500 төгрөгийн хөлсөө картаараа төлөөд л явчаач дээ, төрийн бодлого барьдаг газар нь бодит судалгаагаа хийгээд үнээ зах зээлийн зарчмаар нь нэмэх хэрэгтэй, манайх шиг нийтийн тээврийн үнээ нэмж чаддаггүй улс орон хаана ч байхгүй шүү, үнээ нэмж чадахгүй байхад иргэд үүргээ ухамсарлаад ядаж 500₮-өө төлөөд картаараа төлөөд л явчих, картаа цэнэглэх бүх л боломж бүрдсэн, гар утсаараа хаана ч хэзээ ч цэнэглэх боломжтой болчоод байгаа шүү

Avatar

Зочин 2021-06-11 139.5.216.47

Joloochtoigoo ehleed temtseh heregtei yumdaa. Companiadaa bayan jolooch nar baidag baih shuu. Durem juram medehgui. Tamhia baagiulaad niitiin duugaa sonsood heruul hiigeed mungu tsohiod l.

Avatar

ZOCHIN 2021-06-11 103.111.68.3

YG UNENDEE AVTOBUSNIIHAA UNIIG NEMEED YDAJ 1000 BOLGOHGUI BOL DAMPUURNAA. MAHNII UNE HEDEN MYNGAARAA NEMEGDEHED TOOHGUI AVDAG MORTLOO AVTOBUSAND JAAHAN MONGO NEMEHED YAGAAD BOLDOGGUI YM BE. SOLONGOST AVTOBUS 3250T UNETEI BAINA.

Avatar

Зочин 2021-06-11 66.181.180.186

зө.хөн карт гэж явцуурдагаа болио 1ш нь 100 төгрөгийн картыг яахаараа 3600 зардаг юм бэ

Avatar

mgl 2021-06-11 103.212.117.245

Jolooch ni avch chadahaargui hairtsag hajuud ni baih yostoi baisiim daa.

NewsMN Гар утасны хувилбар Татах
NEWS.mn

Мэдээллийн эх сурвалж