Эль-Сальвадорын ерөнхийлөгч Наийб Букеле өнгөрсөн долоо хоногт Bitcoin крипто валютыг хууль ёсны төлбөрийн нэгж болгохоо зарласан билээ. Тэрбээр энэ шийдвэрээ улам баталгаажуулахаар Bitcoin олборлох эрчим хүчийг хямд, байгальд ээлтэй аргаар шийдэх шинэ санаа танилцуулсан байна.

Холбоотой мэдээ

Эль-Сальвадор биткоиныг хууль ёсны төлбөрийн хэрэгсэл болгоно

2021-06-08

Тэрбээр өчигдөр/2021.6.9/ цахим хуудаснаа “Би улсынхаа төрийн удирдлагын газрын гүний эрчим хүчний "LAGeoSV" компанийн ерөнхийлөгчтэй ярилцаж үзлээ. Үр дүнд нь бид эх орныхоо онцлог болсон галт уулсыг ашиглан маш хямд, 100 хувь цэвэр, 100 хувь сэргээгдэх, байгальд ямар ч хоргүй эрчим хүч гарган авч, түүгээрээ крипто олборлолтыг дэмжих боломжтой хэмээн дүгнэв” хэмээн бичжээ.

Our engineers just informed me that they dug a new well, that will provide approximately 95MW of 100% clean, 0 emissions geothermal energy from our volcanos 🌋

Starting to design a full #Bitcoin mining hub around it.

What you see coming out of the well is pure water vapor 🇸🇻 pic.twitter.com/SVph4BEW1L

— Nayib Bukele 🇸🇻 (@nayibbukele) June 9, 2021

Түүнчлэн Наийб удалгүй дахин цахим хуудаснаа аль хэдийн ухаж бэлдсэн худгийн талаар бичлэг нийтэлж, тэр худгийн тусламжтайгаар 95 мегаватт эрчим хүч гарган авч байгааг харуулжээ. Мөн тэрбээр энэ худгийг тойруулан шинэ криптo олборлолтын төв байгуулахаар төлөвлөж байгаагаа болон бичлэг дээр яндангаас гарч байгаа зүйл бол цэвэр усны уур гэдгийг тайлбарлажээ.

Эх сурвалж: RT.COM