Монголын үндэсний бөхийн холбоо /МҮБХ/-оос Монголын үндэсний допингийн эсрэг байгууллагад шаардлага хүргүүллээ. Уг шаардлагад наадамд шөвгөрч допингийн шинжилгээнд зөрчил гаргаагүй бөхчүүдийн дэлгэрэнгүй мэдээллийг хамтран ажилладаг БНСУ-ын итгэмжлэгдсэн лабораториос авч, зургадугаар сарын 25-ны дотор зарлахыг шаардаж, хүндэтгэн үзэх шалтгаангүйгээр заасан хугацаанд зарлахгүй бол WADA буюу Дэлхийн допингийн эсрэг агентлагт гомдол гаргана гэжээ.

Та бүхэндээ МҮБХ-ны шаардлагыг бүрэн эхээр нь хүргэж байна. Энэхүү шаардлагыг саяхан МҮБХ-ны Ерөнхий нарийн бичгийн даргаар сонгогдсон Т.Түмэндэмбэрэл хүргүүлжээ.