Бартаат замын хаан Toyota Land Cruiser бүрэн шинэчлэгдлээ

Хүсэн хүлээсэн Land Cruiser 300 автомашин 2021 оны 6 сарын 10-ны шөнө дэлхийн дахинд нээлтээ хийж үнэнч хэрэглэгч, шүтэн бишрэгч нартаа бэлэг барилаа. 2007 онд анхны Land Cruiser 200 загвар худалдаанд гарсан цагаас хойш уг загварт бүрэн шинэчлэлт хийгдээгүй байсан хэдий ч тухайн 14 жилийн хугацаанд маш их туршлагыг хуримтлуулж энэхүү Land Cruiser 300 загварын автомашин бүтжээ.

Зурагт үзүүлсэн загвар нь танилцуулга зураг бөгөөд Монголд борлуулагдах загвараас өөр байж болно.

Land Cruiser автомашины түүх нь 1951 онд Toyota Jeep BJ нэртэйгээр анхны үеийн загвараар эхэлж байсан билээ. Тэр цагаас хойш энэхүү автомашин нь сонирхогч, үнэнч хэрэглэгчдийнхээ дунд найдвартай, удаан эдэлгээтэй, аюулгүй жолоодлоготой гэсэн тодотголтойгоор өдий хүртэл өөрийн байр сууриа бэхжүүлсээр ирсэн түүхтэй бөгөөд 2019 оны 8-р сард бүх цувралын загвараас дэлхий дахинд нийт 10 саяыг давсан борлуулалтын Дэлхийн 170 гаруй улсад хийсэн түүхэн үйл явдал тохиолдож байсан.

2021 он бол Land Cruiser маркын хувьд онцгой жил бөгөөд энэхүү марк үүссэний 70 жилийн ой тохиож байна. Энэ хугацаанд Тоёота-ийн инженерүүд уг автомашины бэлэг тэмдэг болсон найдвартай, удаан эдэлгээтэй, бартаат зам туулах чадвар зэргийг онцгой анхаарч, сайжруулсаар ирсэн байна.

‘Хаана ч, хаашаа ч, эсэн мэнд, аюулгүй хүрэх’ боломжийг олгож, үйлчлүүлэгчдийн итгэлийг олсон энэ автомашин бол энгийн автомашин биш. Энэ бол TOYOTA LAND CRUISER юм.

Тоёота Мотор Корпорацийн инженерүүд бүрэн шинэчлэгдсэн загвартаа “хүчтэй, найдвартай” байдлыг илүү чухалчилсан бөгөөд энэ нь хэрэглэгчдэд ямар ч газар нутгийн аль ч замын бүх нөхцөлд, хамгийн хүнд, хэцүү замыг аюулгүй, гайхалтайгаар туулах боломжийг олгож танд дээд зэрэглэлийн ая тухтай тансаг мэдрэмжийг мэдрүүлэх болно.

Ингээд шинэ үеийн, бүрэн шинэчлэгдсэн загвар өмнөх загвараасаа өөрчлөгдсөн зарим давуу талуудаас сонирхуулж байна.

ЖОЛООДЛОГЫН ГҮЙЦЭТГЭЛ:

Land Cruiser автомашины жолоодлогыг өмнөх загвараас сайжруулахын тулд энэхүү автомашинд ШИНЭ ҮЕИЙН ТОЁОТА ПЛАТФОРМ буюу TNGA-г ашигласан байна. Нийт жин 200 кг багассан хэдий ч бат бөх чанар нь 20%-иар сайжирсан. Хүндийн төв болон урд тэнхлэгт ирэх ачааллыг бууруулахын тулд хөдөлгүүр болон хурдны хайрцагны байрлалыг 28 мм-ээр доош нь 70 мм-ээр хойшлуулж суурилсан. Явах эд анги тэр дундаа амортизаторын байрлалыг босоо өнцөгтэй болгож суурилуулсан зэрэг өөрчлөлтүүд нь автомашины тэнцвэрийг нэмэгдүүлж илүү хөнгөн жолоодлоготой болжээ.

ХӨДӨЛГҮҮР БОЛОН ХУРДНЫ ХАЙРЦАГ

3,5 литрийн багтаамжтай хос турбо хөдөлгүүр, мөн 10 шатлалт автомат хурдны хайрцаг суурилуулсан бөгөөд хүчин чадал нэмэгдэж, шатахуун зарцуулалт болон хорт хий ялгаруулалт бууруулжээ.

ЗАСМАЛ БОЛОН БАРТААТ ЗАМЫН ГҮЙЦЭТГЭЛ

Өмнөх загваруудад хэрэглэж байсан KDSS системийг шинэчилж илүү ухаалаг болгосон бөгөөд дэлхийн анхны автомат ажиллагаатай тэнцвэржүүлэгч систем буюу e-KDSS системийг уг автомашинд ашигласан байна. Энэхүү систем нь засмал замын жолоодлогын үед тав тухтай, мөн найдвартай, тэнцвэртэй эргэлтийг хийх боломжийг олгох бол бартаат замын үед тэнхлэгийн суналтыг нэмэгдүүлж дугуйг замтай харьцах боломжтой болгох юм байна. Мөн түүнээс гадны уг автомашинд нэмэгдсэн бас нэгэн гайхалтай функц бол замын гадаргууг автоматаар мэдэрч жолоодлогын горимыг тохируулах AUTO MULTI TERRAIN модуль юм.

Хот газар унахад чамин төдийгүй гэр бүлээрээ хөдөө газар явахад аюулгүй байдал бүрэн хангагдсан цоо шинэ загварын LC300 автомашиныг Тоёота брэндийн Монгол дахь албан ёсны дилерүүд болох “Таван Богд” ХХК болон “Мөнххада” ХХК компаниуд албан ёсны эрхтэйгээр өнөөдрөөс эхлэн захиалга авч эхэллээ.

Үйлдвэрлэгчээс санал болгож буй худалдаалах үнэ: