"Наймдугаар сард халдварын тохиолдол 80-90 хувь буурна" | News.MN

"Наймдугаар сард халдварын тохиолдол 80-90 хувь буурна"

COVID-19

"Наймдугаар сард халдварын тохиолдол 80-90 хувь буурна"

"Наймдугаар сард халдварын тохиолдол 80-90 хувь буурна"

Covid-19 халдварын  тархалт эрчимтэй нэмэгдэж буйтай холбогдуулан Ерөнхийлөгчийн сонгуулийн дараа хөл хорио тогтооно гэх мэдээлэл олон нийтийн сүлжээнд цацагдах болсон. Харин Засгийн газраас хөл хорио тогтоох ямар ч санал гараагүй гэдгийг мэдээлж буй. Тиймээс энэ талаар эдийн засагч болон эрдэмтэн судлаачдын байр суурийг хүргэж байна.


"ХӨЛ ХОРИО ТОГТООВОЛ ЭДИЙН ЗАСГИЙН ГОЛ САЛБАРУУДАД МАШ ХҮНД ЦОХИЛТ БОЛНО"

ЭДИЙН ЗАСАГЧ Ө.ГАНЗОРИГ:

-Энэ хавар хоёр ч удаа хөл хорио тогтоосон. Хэрвээ дахин хөл хорио тогтоовол барилга, уул уурхай, газар тариалан гэсэн эдийн засгийн гол салбаруудад маш хүнд цохилт болно. Тиймээс хөл хорио тогтоох боломжгүй гэж бодож байна. Улсын хэмжээнд иргэдийн вакцинжуулалт өндөр хувьтай байгаа учраас хөл хорио тогтоохоос илүүтэй эдийн засгаа сэргээх нь чухал. Нэгэнт Хятад, Монголын хил хаалттай, бараа бүтээгдэхүүн хязгаарлалттай байгаа энэ үед дахин хөл хорио тогтоох нь буруу.

"ЭДИЙН ЗАСГИЙН ХУВЬД НААШТАЙ ДҮР ЗУРАГ ХАРАГДАХГҮЙ БАЙНА"

ЭДИЙН ЗАСАГЧ Д.АНГАР:

-Ер нь хөл хорио тогтоосон тогтоогоогүй долдугаар сарын 1-нээс хойш эдийн засаг хүндэрнэ. Яагаад гэвэл долдугаар сарын 1-н хүртэл банк, банк бус байгууллагын үндсэн төлбөрөө хойшлуулсан. Одоо долдугаар сарын 1-нээс аж ахуй нэгжүүд зургаан сар хуримтлагдсан үндсэн төлбөрөө төлөх шаардлага үүснэ. Тэгэхээр орлогогүй шахуу байсан аж ахуй нэгжүүдэд ямар ч шийдэл байхгүй. Хөл хорио тогтоогоогүй ч эдийн засаг хүндэрнэ. Хэрэв хөл хорио тогтоовол эдийн засаг бүр хүндэрч, дахин сэхэхгүй.

Мөн дээрээс нь Засгийн газраас долдугаар сарын 1-н хүртэл ус, цахилгаан, дулааны төлбөрийг хөнгөлсөн. Энэ хугацаа нь дуусвал улсын хэмжээнд өрийн сүлжээ үүсч эхэлнэ. Ер нь улсын эдийн засгийн хувьд нааштай дүр зураг харагдахгүй байна.

"НАЙМДУГААР САРД ХАЛДВАРЫН ТОХИОЛДОЛ 80-90 ОРЧИМ ХУВИАР БУУРНА"

МУИС-ИЙН БАГШ, СУДЛААЧ, ДОКТОР Т.БЭГЗСҮРЭН:

-Улсын хэмжээнд Covid-19 халдварын эсрэг вакцинжуулалт өндөр хувьтай үргэлжилж байна. Одоогийн байдлаар вакцины эхний тунд хамрагдсан хүмүүс зорилтот бүлгийн 90 орчим хувьтай байна. Насанд хүрэгчдийн дунд халдварт идэвхтэй өртөх хүмүүсийн 60-70 хувь нь дархлаатай болбол халдвар тархалтын эрчим эрс багасна. Ер нь халдвар зургадугаар сарын дунд үеэс халдварын тохиолдол буурах магадлалтай. Тэр хүртэлх хугацаанд халдварын тоо өснө. Гэхдээ халдварын тохиолдол шууд буурахгүй. Аажимдаа халдварын тоо 1000-аас буурах хэдий ч хэдэн зуугаараа халдвар гарсаар байна. Ирэх наймдугаар сард халдварын тохиолдол 80-90 орчим хувиар буурна гэх дүн ажиглагдаж байна.

Ер нь вакцин хийлгэсэн хүмүүс Covid-19 халдвар авах үед харьцангуй хөнгөн тусч байгаа. Хоёрдугаарт, вакцины үр дүнг тооцож үзэхэд 75 хувьтай байсан. Цар тахлын эсрэг вакцины үр нөлөөг тооцдог арга байдаг. Тэр тооцооллоор дөрвөн хүний гурав нь дархлаа тогтож, нэг нь халдвар авах эрсдэлтэй байна гэж гарсан.

"ХӨЛ ХОРИО ТОГТООХ ТУХАЙ САНАЛ ГАРГААГҮЙ"

ЭМЯ-НЫ НИЙТИЙН ЭРҮҮЛ МЭНДИЙН БОДЛОГЫН ХЭРЭГЖҮҮЛЭЛТИЙГ ЗОХИЦУУЛАХ ГАЗРЫН ДАРГА Л.ЭНХСАЙХАН:

-Эрүүл мэндийн яаманд одоогоор хөл хорио тогтоох тухай яриагүй байна. Ерөнхийдөө эрдэмтэн судлаачид цар тахлын халдварын нөхцөл байдлын боломжит хувилбарыг судалж байгаа. Бидний зүгээс хөл хорио тогтоох тухай саналаа боловсруулж, Улсын онцгой комисс руу явуулдаг. Одоогоор санал хэлэлцэж, явуулаагүй байна. Салбарын яам, ХӨСҮТ-д эрдэмтэн, судлаачид ажиллаж байна.

Энэ мэдээнд өгөх таны сэтгэгдэл?
7
ТэнэглэлТэнэглэл
5
ЗөвЗөв
1
ХахаХаха
1
БурууБуруу
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-10 69.47.29.7

enhsaihan novshoo naad hujaa horoo ooriinhoo huuhduuded shahaarai!

Avatar

Шал худлаа 2021-06-10 202.126.88.139

Хэнд ч юунд ч бүү итгэ тэд бүгд худалч

Avatar

Зочин 2021-06-10 202.126.89.69

Вакцинд 100-80 хувь нь хамрагдсан УБ-т халдвар 1000 гараад байна халдвар зогсоох цорын ганц арна нь хөл хорио болоод байна. Өвчлөгсөд нь. вакцинд хамрагдсан болон хүүхдүүд голчилж байна Халдварыг эмнэлэг, амбультороос авч байна үүнд ЭМЯ судалгаа хийх хэрэгтэй. Вакцинжуулалт ийм өндөр хувьтай байгаа үед хөл хориог хмйгээд өвчтөнгүүдээ бүгдийг илэрүүлж тусгаарлан эмчилбэл ногоон бүс болох боломж байна даа

Avatar

Зочин 2021-06-10 192.82.82.10

Саяхан л 6 сарын 15-аас гэчихээд 8 сар болчих юмаа

Avatar

Зочин 2021-06-10 122.201.22.122

6-р сарын дундаас буураад 8-р сард 80 хувь буурсан байх юм биш үү?

Avatar

heh 2021-06-10 103.136.254.8

ihenh ni tussan baih bolohoor uu?

Avatar

Зочин 2021-06-10 66.181.183.227

тэрнээс наана хэчнээн хүн өвдөж үхэх юм бэ? замбараагүй байвал буурахгүй ээ. хил нээвэл бөөн koвид орж ирнэ. засгийн газар сайн ажиллаачээ

Avatar

зочин 2021-06-10 66.181.183.145

Юун өөдрөг бодно вэ.Орос 3, гурвын сайн вакцинтай газар короно нь өнөөдрийн байдлаар өсч 10 мянгад хүрсэн бна. Шинээр коронагийн хэвтэх орнуудыг тавьж байна гэнэ.Нийслэлд нь заавал замаска, бээлий зүүхийг шаардаж эхэлсэн байна Манайх юун эрт баярлах ,яагаачгүй юм байна.

Avatar

hudalch gar be.. 2021-06-10 202.55.191.130

orosd 147 say hvn amidardag ulsd 10000 gedeg baga too ch de hurliizaa. getel 3 say hvnd 1400 gedeg dendvv ih too ch dee.. baruunii bvh ornuud germand 3300, fransd 5500 garchee.. frans gehed dongoj 60 say hvntei uls ch dee. orosd harinch gaigui bnaa..

Avatar

Зараа 2021-06-10 202.55.188.107

Намын дарга нь ялчихсан юм хойно, арга байж уу, ккк

Avatar

Зочин 2021-06-10 192.82.89.17

Дандаа худлаа таамгаар бууддаг дуракууд шүү. Вакцин хийгээд 2 сар болчоод байхад буухгүй байхад юу солиороод байгаан

Avatar

Зочин 2021-06-10 66.181.188.238

Халдварын аюул дөнгөж эхэлж байна. Вакцин бол бүтэлгүйтэл байж мэднэ. Америк вакцинаас бусад нь хор болж мэднэ.

Avatar

Zochin 2021-06-10 150.129.142.240

Medeej shdee bugd haldvar avaad duuschihsan bhaar haldvar buurah bhaa

NewsMN Гар утасны хувилбар Татах
NEWS.mn

Мэдээллийн эх сурвалж