Цар тахлын вирус африк эмэгтэйн биед 32 удаа мутацид оржээ | News.MN

Цар тахлын вирус африк эмэгтэйн биед 32 удаа мутацид оржээ

Цар тахлын вирус африк эмэгтэйн биед 32 удаа мутацид оржээ

Цар тахлын вирус африк эмэгтэйн биед 32 удаа мутацид оржээ

Өмнөд Африкт амьдардаг ХДХВ-ийн халдвартай 36 настай эмэгтэй Covid-19 өвчин тусаад долоон сар гаруй хугацаа өнгөрчээ. Энэ хугацаанд түүний биед цар тахлын вирус дор хаяж 32 удаа мутацид орсон байна.

Нэрийг нь нууцалсан тэр эмэгтэйн биед хийсэн шинжилгээний үр дүн өнгөрсөн долоо хоногт эрүүл мэндийн "medRxiv" сэтгүүлд нийтлэгджээ. Цар тахал үүсгэгч "SARS-CoV2" вирус эмэгтэйн биед долоон сар байх хугацаандаа дархлааны тогтолцоонд танигдахгүй байхын тулд уургаа 13 удаа, өвчлүүлэх аргаа 19 удаа өөрчилж хувьссан байна.

Одоогийн байдлаар эмэгтэйн биед хувьсаж өөрчлөгдсөн хувилбарууд бусдад халдварласан эсэх нь тодорхойгүй байна. Хэрвээ түүний биед үүссэн шинэ хувилбарууд өөр олон хүнээс илэрвэл ХДХВ-ийн халдвартай хүний бие цар тахлын вирус хувьсаж, бусдад халдварлах таатай орчинг бүрдүүлдэг хэмээн үзэж болох юм. Учир нь ХДХВ-ийн халдвартай хүний дархлааны тогтолцоо маш ихээр суларсан байдаг тул аливаа вирус бусад орчноос илүү удаан амьдрах боломжтой байдаг билээ. Түүнээс гадна энэ тохиолдолд вирусийн халдвар авсан хүн шинж тэмдэггүй байдаг тул илрүүлэхгүй өнгөрөөх эрсдэл өндөр юм.

Жишээлбэл, дээр дурдсан Өмнөд Африкийн эмэгтэйг цар тахлын халдвар авсан гэдгийг хэн ч мэдээгүй байж байгаад тогтмол хийдэг үзлэгийн үеэр илрүүлсэн аж. Өдгөө Африкт нийт 37.6 сая хүн амын 20.6 сая нь ХДХВ-ийн халдвартай амьдарч байна. Иймээс ажиглагчид дээрх асуудалд онцгой анхаарал хандуулахыг уриалжээ. Учир нь эл асуудлыг тоохгүй орхисноор цаашид цар тахал үүсгэгч вирусийн улам олон хувилбар үүсэн вакцины үйлчилгээг үр дүнгүй болгож, халдварын дараагийн том давлагааг эхлүүлэх эрсдэл өндөр байна.

Эх сурвалж: SCMP

Энэ мэдээнд өгөх таны сэтгэгдэл?
17
ХарамсалтайХарамсалтай
7
ХахаХаха
4
БурууБуруу
3
ГайхмаарГайхмаар
1
ЗөвЗөв
1
ХөөрхөнХөөрхөн
1
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-08 207.183.244.30

Ee burhan ter uks uruu martaad yavchih bii dee.

Avatar

Fake News 2021-06-08 91.193.4.165

Classic fake news 🙂

Avatar

Зочин 2021-06-08 103.57.95.243

Тийшдэээ…. зөндөө л яриад байгааш дээ. Коронаг зохиомлоор лабораторид бүтээж тараасан ба үр дүнд нь хүн төрөлхтөнийг цөөлөх, бас тасралтгүй ашиг өгдөг вакцины шинэ бизнес эхлүүлэх… Өнөөдрийн вакцинжуулалтын үйлчлэлийн хугацаа тун удахгүй дуусна. Дахиад л шинэ коронад шинэ вакцин бүтээж зарж эхлэнэ. Яг үнэндээ хэдхэн баячууд л /чөтгөрийн бүлэглэл/ бидний амь нас эрүүл мэнд айдас хүйдсээр тоглолт хийж байгаа. Бас тэд чинь тусгаар улсуудыг устгаж, дэлхийг нийтэд нь базаж засаглана, гээд байгаа

Avatar

Зочин 2021-06-08 122.201.24.66

Боолууд нь өвдөөд үхээд байхаар өөрсдөө ажиллах болох юм уу? Наад баячууд чинь

Avatar

Зочин 2021-06-08 1.231.177.4

вакцинд байгаа хор нэг бол үргүй болгоно. гажиг төрөлтийг ихэсгэнэ. днх д нөлөөлж хорт хавдар үүсгэнэ оюун санаанд чинь ч нөлөөлөнө

Avatar

Зочин 2021-06-08 64.119.24.221

заваан шаар нууд вэ ихэнх нь ДОХ-тойн байна

NewsMN Гар утасны хувилбар Татах
NEWS.mn

Мэдээллийн эх сурвалж