• Эрэгтэй -66 кг

Г.Хэрлэн хоёрдугаар тойрогтоо Марокко улсын тамирчин Имад Бассуг ялж, дараагийн шатанд шалгарлаа.

• Эмэгтэй -52 кг

Л.Сосорбарам хоёрдугаар тойрогтоо Гүржийн Мариам Жанашвилиг яллаа. Тэрбээр гуравдугаар тойрогтоо Казахстаны Нурсулу Ералиеватай барилдах болно.

Ё.БАСХҮҮ, Б.ХОРЛООДОЙ НАР ЯЛАЛТ БАЙГУУЛАВ

НЭМЭЛТ:

Жүдо бөхийн ДАШТ-ий хоёр дахь өдрийн барилдаанууд явагдаж байна.

• Эрэгтэй -66 кг

Ё.Басхүү хоёрдугаар тойрогтоо Египетийн Мохамед Абделмавгудтай учраа тааран барилдаж, ялалт байгууллаа. Тэрбээр гуравдугаар тойрогтоо Гаити улсын тамирчин Жерард Гадет болон Оросын тамирчин Мурад Чопанов нарын хэн ялсантай нь барилдах болно.

• Эмэгтэй -52 кг

Б.Хорлоодой эхний тойрогтоо Гаити улсын тамирчин Сабиана Анестортой учраа тааран барилдаж, өрсөлдөгчөө яллаа. Тэрбээр дараагийн тойрогтоо Португалийн Хоана Рамостой барилдах болно.

Ё.БАСХҮҮ, Л.СОСОРБАРАМ НАР ЯЛАЛТ БАЙГУУЛАВ

НЭМЭЛТ:

Жүдо бөхийн ДАШТ-ий хоёр дахь өдрийн барилдаанууд эхэллээ.

• Эрэгтэй -66 кг

Ё.Басхүү эхний тойрогтоо Коста Рикагийн тамирчин Иан Санчо Чинчилатай барилдаж, ялав. Тэрбээр хоёрдугаар тойрогтоо Египетийн Мохамед Абделмавгудтай учраа таарлаа.

• Эмэгтэй -52 кг

Л.Сосорбарам эхний тойрогтоо Мозамбик улсын тамирчин Жакира Феррейратай барилдаж ялалт байгууллаа. Тэрбээр хоёрдугаар тойрогтоо Гүржийн Мариам  Жанашвилитай таарчээ.

ЖҮДО ДАШТ: ӨНӨӨДӨР МОНГОЛЫН 4 ТАМИРЧИН ЗОДОГЛОНО

Жүдо бөхийн ДАШТ-ий хоёр дахь өдрийн барилдаанууд өнөөдөр/2021.06.07/ явагдана. Тэмцээний хоёр дахь өдөр эмэгтэй -52 кг, эрэгтэй -66 кг-ын барилдаанууд явагдах бөгөөд Монголын шигшээ багаас Г.Хэрлэн, Ё.Басхүү, Л.Сосорбарам, Б.Хорлоодой нар зодоглох болно.

• Эрэгтэй -66 кг

Г.Хэрлэн эхний тойрогтоо гоц мөргөсөн бол Ё.Басхүү эхний тойрогтоо Коста Рикагийн тамирчин Иан Санчо Чинчилатай учраа тааржээ.

• Эмэгтэй -52 кг

Б.Хорлоодой эхний тойрогтоо Гаити улсын тамирчин Сабиана Анестортой учраа таарсан бол Л.Сосорбарам Мозамбик улсын тамирчин Жакира Феррейратай учраа тааржээ.