Сонгуулийн сурталчилгаа өнөөдөр албан ёсоор дуусна | News.MN

Сонгуулийн сурталчилгаа өнөөдөр албан ёсоор дуусна

Сонгуулийн сурталчилгаа өнөөдөр албан ёсоор дуусна

Сонгуулийн сурталчилгаа өнөөдөр албан ёсоор дуусна

2021 оны Ерөнхийлөгчийн сонгуулийн сурталчилгаа өнөөдөр /2021.06.07/ албан ёсоор дуусч байна. Сонгуулийн Ерөнхий хорооноос /СЕХ/ тавдугаар сарын 24-нд МАН-аас нэр дэвшигч У.Хүрэлсүх, АН-аас нэр дэвшигч С.Эрдэнэ, Зөв хүн электорат эвслээс нэр дэвшигч Д.Энхбат нарыг албан ёсоор бүртгэж, нэр дэвшигчийн үнэмлэх олгосноор сонгуулийн сурталчилгаа албан ёсоор эхэлсэн.

2017 оны буюу дөрвөн жилийн өмнөх сонгуультай харьцуулахад цар тахлын гамшиг нүүрлэж, эрүүл мэнд болон эдийн засгийн томоохон сорилт тулгарсан хүнд хэцүү бэрхшээл дундуур монголчууд Төрийн тэргүүнээ сонгох гэж байна.

Энэ удаагийн сонгуулийн сурталчилгаа 15 хоног үргэлжилсэн нь өмнөх сонгуулийн сурталчилгааны өдрүүдтэй харьцуулахад маш богино хугацаа юм.

СОНГУУЛИЙН СУРТАЛЧИЛГААНЫ ӨДРҮҮД:

  • 1993 онд  15 хоног сурталчилгаа хийж байв.
  •  1997 онд 1 сар 18 хоног сурталчилгаа хийж байв.
  • 2001 онд 1 сар 13 хоног сурталчилгаа хийж байв.
  •  2005 онд 1 сар 13 хоног сурталчилгаа хийж байв.
  •  2009 онд 1 сар 12 хоног сурталчилгаа хийж байв.
  •  2013 онд 1 сар 3 хоног сурталчилгаа хийж байв.
  •  2017 онд 18 хоног сурталчилгаа хийж байв.
  • 2021  15 хоног сурталчилгаа хийв.

Энэ хугацаанд нэр дэвшигчид 21 аймаг, 330 сум, нийслэлийн есөн дүүргийн сонгогч бүртэй уулзаж, мөрийн хөтөлбөрөө танилцуулсан. Гэвч нэр дэвшигч Д.Энхбат болон эхнэр Д.Оюунцэцэг, эмч, хамгаалалтын ажилтан нарын шинжилгээний хариу эерэг буюу Covid-19 халдвар авсан болох нь батлагдаж, Улсын хоёрдугаар төв эмнэлэгт тусгаарлагдан эмчлүүлж байна. Тиймээс  нэр дэвшигчид өнөөдөр онлайнаар мэтгэлцэх юм. Энэ удаагийн сонгуульд цагаан сонголт  хэвээр үйлчилнэ. Олзуурхууштай нь, өнгөрсөн 2017 оны сонгуулийг бодвол хар технологи харьцангуй багасчээ. Ингээд найм дахь удаагийн сонгуулийн онцлогуудыг тоймлон хүргэе.

"Глоб интернэшнл" Төрийн бус байгууллага тавдугаар сарын 28-ны өдрөөс зургадугаар сарын 1-нийг хүртэл таван телевизийг сонгон авч сонгуулийн сурталчилгаанд анализ хийхэд эерэг өнгө аястай мэдээлэл буюу магтаж сайшаасан хэлбэртай мэдээлэл давамгайлжээ. Таван өдрийн эфирийн зургаан хувийг сонгуультай холбоотой мэдээлэл эзэлсэн байна.

Өмнөх судалгаагаар  МҮОНРТ-ийн гурван нэр дэвшигчид дээр МАН 37 хувь, АН 32, "Зөв хүн электорат эвсэл" 31 хувийг эзэлж байсан бол энэхүү баланс нь одоо харьцангуй алдагдаж МАН-аас нэр дэвшигчид  47 хувийн цаг, АН-аас нэр дэвшигчид  28 хувийн цаг,  "Зөв хүн электорат эвсэл"-ээс нэр дэвшигчид 25 хувийн цагийг тус, тус  оногдуулсан үзүүлэлт гарсан.

"Монгол HD",  ТV-9, MN-25, NTV  зэрэг телевизүүдээр МАН-аас  нэр дэвшигч 53 хувь, АН 45, "Зөв хүн электорат эвсэл"-ээс нэр дэвшигч хоёр хувь гарсан. Арилжааны телевизийн хувьд цаг хуваарилалт харьцангуй тэнцвэртэй байсан. 

Тэгвэл 2017 оны Ерөнхийлөгчийн сонгуулийн сурталчилгааны үеэр МҮОНРТ, ТV9, 25 дугаар суваг, С1, UBS гэсэн таван  телевизийг хамруулан судалгаа хийхэд мөн л МҮОНРТ-ийн нэр дэвшигчдэд оноосон цаг тэнцвэргүй байжээ. МҮОНРТ нь АН-аас нэр дэвшигч Х.Баттулгын талаарх мэдээлэл давамгайлсан нь 38 хувийг  эзэлсэн бол МАН-аас нэр дэвшигч М.Энхболд, МАХН-аас нэр дэвшигч С.Ганбаатар нарт тун ойролцоо цаг оногдсон нь адил тэнцүү 31 хувийг эзэлжээ. “UBS”, “25 дугаар суваг” телевизэд нэр дэвшигч Х.Баттулгын мэдээлэл давамгайлсан бол С1 телевизэд нэр дэвшигч М.Энхболд, TV9 телевизэд нэр дэвшигч С.Ганбаатарын мэдээлэл илүү цаг эзлэв. Арилжааны дөрвөн телевизийн дунджаар хамгийн их цагийг МАН-аас нэр дэвшигч М.Энхболдод зарцуулсан нь 38 хувь  болсон бол АН-аас нэр дэвшигч Х.Баттулга 37 хувийиг эзэлжээ. Харин МАХН-аас нэр дэвшигч С.Ганбаатарт хамгийн бага цаг оногдсон нь 25 хувь  болсон юм.

ХАЯГАН ДЭЭРЭЭ ГАНЦ ХҮН АМЬДАРДАГ МӨРТЛӨӨ 10 ХҮН БҮРТГЭЛТЭЙ БАЙХ ТОХИОЛДОЛ БИЙ

“МИДАС” Төрийн бус  байгууллагын /ТББ/ тэргүүн  С.ЭНХЖАРГАЛ:

– Өмнө нь нам эвслүүдэд 40 хоногийн өмнө сонгогчдийн нэрийн жагсаалтыг цахим хэлбэрээр өгдөг байсан. Харамсалтай нь энэ удаа сонгууль дуусахаас өмнөх хоёр хоногт  буюу зургадугаар сарын 6-7-нд сонгогчийн нэрийн жагсаалтыг өгөхөөр болсон. Улмаар дээрх иргэдийн гэрийн хаягийг тулгах нь амжих эсэх, мөн шилжилт хөдөлгөөн хийгдсэний дараа энэ нь үр дүнтэй байх уу гэдэг нь эргэлзээтэй. Өнгөрсөн жил нэг хүн хоёр удаа санал өгөх оролдлого хийж байсан. Иймэрхүү тохиолдол нь регистрийн дугаараар бүртгүүлэхээр зураг нь гарч ирдэггүй учраас түгээмэл гардаг. Харин энэ удаа дээрх асуудлыг шийдвэрлэхийн тулд  регистрийн дугаараар санал өгөх гэж байгаа бол заавал тухайн иргэний зургийг нь авч баримтжуулдаг болсон. Өнгөрсөн жил хийгээгүй хурууны бэхэн тэмдэглэгээг энэ удаа хийнэ. Манай байгууллагын хувьд нэг хаяг дээр олон хүн бүртгэлтэй байх магадлалтай гэсэн хаягуудыг түүж биечлэн очиж шалгаж байгаа. Ингэхэд хаяг дээр нь өөр хүн бүртгэлтэй тохиолдлууд гарч байна. Энэ нь шилжилт хөдөлгөөнөө хийлгэдэггүйтэй холбоотой. Зарим нь  “Манай хаяг дээр ийм хүн бүртгэлтэй байдаг юм уу” гээд гайхдаг. Өөрсдөө ч мэдээгүй байх жишээний. Хаяган дээрээ ганц хүн амьдардаг мөртлөө 10 хүн бүртгэлтэй байх тохиолдол бий. Очоод уулзахаар “3-4 хүн нь манай гадаадад байгаа хамаатнууд бусад хүмүүсийг огт танихгүй” гэдэг. Иймэрхүү тохиолдлууд гарсаар байна.

САНАЛ АВАХ ТӨХӨӨРӨМЖИД АСУУДАЛ БАЙХГҮЙ

СЕХ-ны дэргэдэх Мэдээллийн технологийн төвийн захирлын албан үүргийг түр орлон гүйцэтгэгч Х.БАЯСГАЛАН :

-Энэ жил сонгуулийн санал авах 2087 хэсэгт хяналтын тооллого хийнэ. Санал хураалтын үр дүн дээр тойрог бүрт тодорхой хэмжээний маргаан сонгуулийн үеэр гардаг. Гэхдээ 100 хувь гараар тооцох учир гомдол, саналын хувьд харьцангуй бага байна гэж бодож байна. Олон нийтийн сүлжээнд санал тоолох төхөөрөмж буюу хар машиныг хакердаж чадна гэж мэдээлснийг цагдаагийн байгууллага шалгаж, үүнийг боломжгүй гэдгийг нотолсон. Санал авах төхөөрөмжид асуудал байхгүйг мэдсээр байж бусдыг төөрөгдүүлэх, санаатайгаар гуйвуулах зорилгоор худал мэдээлэл тараах тохиолдол гарч байна. Саналын хуудасны тухайд хоёр жилийн хугацаанд хадгалагддаг. Маргаан гарвал шүүхээс шалгах эрхтэй. Өмнөх сонгуулийн үеэр захирамж гарч, нотлох баримт дээр хяналтын тооллого хийсэн нэг тохиолдол гарсан бөгөөд санал зөрөөгүй. Сонгуулийн автоматжуулсан системийн тухай хууль бий. Төхөөрөмжийг бэлэн болгох үйл ажиллагаанд олон талт төлөөллүүд оролцдог гэдгийг олон нийт мэддэг байх хэрэгтэй. Туршилтыг 10 жилийн сургуулиуд болон цөөнгүй газар очиж хийж үзүүлдэг. Үүнийг лацадсан төхөөрөмж дээр хийдэг бөгөөд тухайн хяналтын хүмүүс дурын төхөөрөмжийг туршдаг гэж ойлгож болно. Мөн санал тоолох хар машинд флашны оролт ямар ч зориулалтгүйгээр байдаг гэж олон нийтийг төөрөгдүүлж байна. Хар машинд USB оролт гэж байгаа. Энэ нь харааны бэрхшээлтэй иргэд чихэвчээр өөрийн өгсөн саналаа зөв уншигдсан эсэхийг сонсох боломжтой аудио холболт гэсэн үг. Тэр оролт нь санал хураалтын хугацаанд лацтай байдаг. Санал авч байх хооронд тэр лацыг оролдох боломжгүй. Монгол Улс тус оролтыг зориулалтаар нь ашиглаж байгаагүй.

 УИХ-аас үе, үеийн сонгуулиудын зардлыг баталж, тогтоодог. Сүүлийн жилүүдэд сонгуулийн зардлууд огцом өсч байгааг судлаачид онцолдог. Тэгвэл долоон удаа Ерөнхийлөгчийн сонгууль зохион байгуулахдаа анх 40 сая төгрөг зарцуулдаг байсан бол 2001 оноос энэ зардал хоёр дахин, 2009 онд тэрбум тэрбумаар өссөн үзүүлэлттэй байна.

  • 1993-40 сая төгрөг
  •  1997-150 сая төгрөг
  • 2001-462.5 сая төгрөг
  •  2005-636.2 сая төгрөг
  •  2009-4 тэрбум төгрөг
  •  2013-15.8 тэрбум төгрөг
  •  2017-14.9 тэрбум төгрөг
  • 2021-26 тэрбум төгрөг

МАН-аас нэр дэвшигч У.Хүрэлсүх мөрийн хөтөлбөрийг ЭНД дарж үзнэ үү.

АН-аас нэр дэвшигч С.Эрдэнэ мөрийн хөтөлбөрийг ЭНД дарж үзнэ үү.

“Зөв хүн электорат” эвслээс нэр дэвшигч Д.Энхбат мөрийн хөтөлбөрийг ЭНД дарж үзнэ үү. Монгол Улсын Ерөнхийлөгчийн найм дахь удаагийн сонгуулийн санал хураалт 2021 оны зургадугаар сарын 9-ний өдөр орон даяар зохион байгуулна.

Энэ мэдээнд өгөх таны сэтгэгдэл?
4
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

24 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-06-07 202.70.34.130

Танихгүй хүн хаяг дээр бүртгэлтэй байвал хороон дээрээ очиж хасуулдаг юмуу эсвэл улсын бүртгэл мэддэг юм болов у

Avatar

Зочин 2021-06-07 150.129.142.131

МАН мөн л уламжлалт санал худалдаж авах 100000 төгрөгөө малчдын дансанд орууллаа Хөдөө орон нутгийн иргэдийн санал худалдаж авах тархи угаах үйлдэл нэлээд хийсэн МАН

Avatar

зөв сонголт хийгээрэй 2021-06-07 126.35.138.250

цагаан сонголтоо хийгээрэй Монголчуудаа дараагийн хэдэн жил толгойгоо шааж суухгүй шүү

Avatar

Зочин 2021-06-07 66.181.190.152

MAN-d uguhuur shiidsen hun baina. Neg heseg erh ashig ni neg buleg humuus garaad iregee. HUn idej bolnoo idej hanadag baih heregtei Hanaad ard olnoo boddog baih heregtei, Mongoliin buyan ihee

Avatar

Зочин 2021-06-07 66.181.190.152

erdene bol ugaasaa hereggui. hurelsuh l uldeed baigaa yum daa tiimaa janjaan? kkkk

Avatar

Зочин 2021-06-07 66.181.190.152

enkhbat hariutslagaas zugtaj medeh, aimhaii hun bainalee. ter yarij helj baigaa hudulj baigaa hudulguun, harj baigaa hartsaar ni dugnev

Avatar

Зочин 2021-06-07 66.181.190.152

hen ch garsan adilhan hen negnii utsan huuheldei

Avatar

Зочин 2021-06-07 66.181.161.95

шаардлагыг хангахын төлөө яваасай. Шийдэмгий үр нөлөөтэй зөв шийдвэрүүдийг ар араас нь гаргаасай. Хамгийн гол нь төрийн албыг баяжих хэрэгсэл болгохгүй, цомхон, зардал багатай байлгаасай. Ажлын байруудыг нэмэгдүүлээсэй. Хэрвээ оновчтой зөв шийдвэр гаргаад тэр нь хөрсөн дээрээ бууж байвал хэнийг ч сонгосон яадаг юм. Буцан тусаад нэг хэсэг хөөцөлдсөнөө би огцорлоо гээд гүйгээд байх юм бол хэн ч байсан хэрэггүй ээ. Сонгууль өгөхгүй гэж байгаа хүмүүс олширч байгаа шүү. Хойшлуулсан нь дээр

Avatar

Зочин 2021-06-07 66.181.161.95

нээрээ тийм шүү гээд хүлээн зөвшөөрчих хэрэгтэй. Путин шиг авилгач, оффшорчдын хөрөнгийг хураагаад ахмадууддаа өгдөг бол хэн ч байсан сонгомоор л байна. Одоогийн нэр дэвшигчдээс миний харж байгаа энэ өнцгөөс харвал Хүрэлсүх энэ шаардлагад арай илүү дөхөж очих байх. Гэхдээ цэргийн хүн гэхэд сул талууд бас байнаа байна. Ямар ч байсан ингээд нэг сонгууль болох нь ч болж. Шооны нүх сохор гэгчээр нэг нь гарах л байх. Хэн ч байсан Монголд шудрага ёсыг тогтоох, олон түмний хүсээд байгаа тэр шаардлагы

Avatar

Зочин 2021-06-07 192.82.84.244

Битгий худлаа шааагаад бай. Мэдэхгүй юм бол их хуцаад хэрэггүй.

Avatar

Зочин 2021-06-07 66.181.161.95

Төрийн албанд бэлтгэгдсэн, тодорхой шалгуур хагасан хүн очдог байх нь зөв. Одооны нэр дэвшигчид , тэдний мөрийн хөтөлбөрийг хараад байхад нэг их онцгой юм сайн мэдэгдэхгүй л байна. Хамгийн гол нь үндэслэл судалгаагаа хэр хийсэн юм бол доо. Өнөөгийн нөхцөл байдлыг аваад үзэхэд Путин шиг шийдэмгий хүн хэрэгтэй ч юм шиг. Манайхан тэр мөрийн хөтөлбөрийг л нэг л сайн судлахгүй, тэгээд ам дамжсан үнэн худал нь мэдэгдэхгүй мэдээллээр л яваад байх шигээ. Бид нэг тийм дутагдалтай шүү . Энэ тал дээр

Avatar

Зочин 2021-06-07 66.181.184.155

Зарим нэр дэвшигчийн сонгуулийн сурталчилгаа дууссан.

Avatar

Энхбатыг ДЭМЖИХГҮЙ!!! 2021-06-07 192.82.92.65

Элбэгдоржийн гарын хүн, Соросын сангийн төлөөлөгч Энхбатыг дэмжихгүй ээ

Avatar

Зочин 2021-06-07 124.158.107.35

хоосон толгой хуцдаг ам хулчгар Хүрэлсүхийг дэмжихгүй. Хадгаламж банкны мөнгийг дээрэмдэсэн шүүхийн тогтоолтой хүн яаж ерөнхийлөгчид нэрээ дэвшүүлж чадаж байна

Avatar

Zochin 2021-06-07 122.201.22.38

ХҮН намаас дэвшигч Энхбатыг дэмжигчид Хүрэлсүхийг дэмжиж байгаа жирийн иргэдийг сошиалаар дарамтлах үйлдэл их хийх шиг боллоо. Жинхэнэ дарангуйлагч нийгэм гэлтэй зүйл боллоо. Нэгэнт энэ нь чөлөөт ардчилсан сонгууль учир хэнийгээ сонгох нь хүний эрх байлтай. Гэтэл Хүрэлсүхийг дэмжиж байгаа хүмүүсийг тэнэг, мал, дарангуйлагч энэ тэр…. Энэ чинь одоо юу вэ?

Avatar

Зочин 2021-06-07 66.181.181.17

МАН-ын Хүрэлсүх 100000 төгрөг 100 жилийн ойн медальтай тараадаг нь санал худалдан авалт мөн үү? Ахмадын хороо бол гишүүддээ үйлчлэх төрийн байгууллага гэтэл улс төрийн тоглолтод оролцож байна. БЗД-ийн ахмадын хорооны дарга Мөнхдөл Хүрэлсүхийг дэмжвэл 100 жилийн ойн медал өгнө гээд айл өрхөөс судалгаа аваад байхх юм. Хүний сонгох эрхэнд бүдүүлгээр нөлөөлж байна даа

Avatar

ХАЛЗ МЭТГЭЛЦЭХИЙГ ШААРДАЖ БАЙНА !!!! 2021-06-07 202.126.90.99

ХАЛЗ МЭТГЭЛЦЭЭН ХАЛЗ МЭТГЭЛЦЭЭН ХАЛЗ МЭТГЭЛЦЭЭН ХАЛЗ МЭТГЭЛЦЭЭНЭЭ ХИЙГЭЭЧЭЭ !!!!!

Avatar

Зочин 2021-06-07 202.21.108.181

ХУДАЛЧ ХУЛГАЙЧУУД МЭТГЭЛЦЭХ ЭРХ БАЙХГҮЙ

Avatar

БГД-ын 14-р хороо 23-3 тоот иргэн Х.Батсайхан 2021-06-07 202.131.244.210

Монгол улёын иргэний хувьд ардчилсан намыг туушдаа дэмжиж ирсэн гишүүн бус хүн би С Эрдэнээг дэмжиж сонгуульд оролцоно.

Avatar

Энхбат сайн л даа, гэхдээ 2021-06-07 103.26.194.232

Энхбат сайн л даа, гэхдээ жаахан халирамхай. Ард түмний эрх ашгийн тал дээр зоригтой үзэж чадахгүй байх. Жулдах байх гэж бодоод байх юм. Одоо Монголд ухаалаг, боловсролтой, хэлтэй устай хүн хэрэгтэй нь хэрэгтэй. Гэхдээ энэ аймаар авилгажсан, олигархижсан, мафижсан, шүүх нь доройтсон тогтолцоонд шийдэмгий үздэг Хүрэлсүх дээр санагдах юм. Жирийн иргэдийн хувьд Хүрэлсүх арай ашгаа өгөх байх. Энхбат арай амиа бодсон хүн байх аа.

Avatar

Зочин 2021-06-07 66.181.190.152

Enkhbat aimhai hariutslagaas zugtaj medeheer yariatai hun

Avatar

Бат 2021-06-07 202.126.89.181

Д.Энхбатыг дэмжиж байна!

Avatar

Зочин 2021-06-07 66.181.161.99

enkhbat

Avatar

Зочин 2021-06-07 64.119.20.230

Нэр дэвшиж байгаа энэ гурван хүнээс Д.Энхбат нь арай дээр санагддаг юм. Ядаж нэр цэвэр, боловсрол өндөр, хаана ч хэнтэй ч уулзсан ярих зүйл нь ч өөр байна байх даа.

NewsMN Гар утасны хувилбар Татах
NEWS.mn

Мэдээллийн эх сурвалж