Ард түмний аминаас “үнэтэй”  шагнал, сонгуулиа дуусгая! | News.MN

Ард түмний аминаас “үнэтэй”  шагнал, сонгуулиа дуусгая!

РЕДАКЦИЙН ЗУРВАС

Ард түмний аминаас “үнэтэй”  шагнал, сонгуулиа дуусгая!

Ард түмний аминаас “үнэтэй”  шагнал, сонгуулиа дуусгая!

Сүхбаатарын талбай сүүлийн 10 хоног хүний хөлд дарагдав. Монгол Улсын Ерөнхийлөгч Х.Баттулга төрийн дээд одон медаль, алдарт эхийн одон гардуулж, шагналын хур буулгасан энэ өдрүүдэд төв  талбайд цэцэг барьсан, баярын мишээлтэй хүмүүсээр дүүрэв. Шагнал, одонгоо авсан хүмүүс, тэдний ар гэрийхэнд дэлхий нийтийг айлгаж, цочроогоод байгаа covid-19-ийн цар тахал лав хамаагүй, бүр байхгүй мэт л хөлхөлдөнө. Үнэн хэрэгтээ үүнд шагнал авч байгаа, шагнуулагсдын буруу ч биш л дээ.

Харин шагнал өгч байгаа, шагнал тарааж байгаа Ерөнхийлөгчид ард иргэдийнх нь эрүүл мэнд хамаагүй бололтой. Зөвхөн 2021 онд гэхэд “Эхийн алдар” одонг улсын хэмжээнд 10,843 ээжид, үүнээс Нэгдүгээр зэргийн одонг 800, Хоёрдугаар зэргийн одонг 9933 ээжид хүртээх гэнэ.

Нийслэлийн есөн дүүргийн 4,224 ээжийн “Эхийн алдар” одонг 2021 оны зургадугаар сарын 1-6-ны өдрүүдэд гардуулжээ. Түүнээс гадна төрийн дээд одон медаль гээд шагналыг Ерөнхийлөгч маш богино хугацаанд  бөөндсөнөөрөө түүхэнд үлдэж байна. Түүний энэ үйлдэл ч төрийн шагналыг үнэгүйдүүлж, худалч хүнд Монголд энгэрээ цоолсон хүн тоолсноос цоолоогүйг нь бүртгэсэн нь хавьгүй амар болов.

Мэдээж бүрэн эрхийн хугацаа нь дуусгавар болж байгаа, шагнал авсан хүмүүсийг нь буруутгаагүй ч цар тахлын халдвар, нас баралт өдрөөс өдөрт нэмэгдэж байхад олноор нь бөөгнөрүүлж, шагнал өгсөн Ерөнхийлөгчийг буруутгамаар.  Ерөнхийлөгчийн бүрэн эрхийн хугацаа нь дуусахаас өмнө өдөр бүр төрийн шагнал, одон медаль тараана гэх. Шагналыг гавьяа байгуулсан, авах ёстой хүнд нь өгөх ёстой ч цар тахлын үед, онцгой нөхцөлд тараахгүй байх ч боломж бий.

Хувь хүн бүр халдвар хамгааллын дэглэмээ сахиж, хүн хоорондын зайгаа барих ёстой ч заавал ийм цагт олноор нь цуглуулж, бужигнуулах нь ямар нэг сонирхол байна уу гэж хардмаар. Ерөнхийлөгчөөс буусныхаа дараа өөрийнхөө нэр хүнд, эрх ашгийг хамгаалахын тулд уу ч гэж хардах сэтгэл төрж байна, Ерөнхийлөгч өө.

Ерөнхийлөгч ийн шагнал тараахтай зэрэгцэн түүний халааг авах хүнийг тодруулах сонгуулийн сурталчилгааны өдрүүд үргэлжилж байна. 2021 оны Ерөнхийлөгчийн сонгуульд нэр дэвшигчид цар тахлын үед халдвар хамгааллын дэглэмээ сахиж, уулзалт, сурталчилгаагаа хийж байгаа ч бас л хүний бөөгнөрөл үүсгэж байна. Энэ нь цар тахлын халдвар нэмэгдэхэд ч нөлөөлж эхлэв.

Хатуу хөл хориог сулруулж, вакцинд хамрагдах иргэд нь 100 хувь нэгдүгээр тундаа, 80 хувь нь хоёрдугаар тундаа хамрагдсан ч халдварын тоо буурахгүй, өдөрт 1000-аараа нэмэгдэх болов.

Хаа сайгүй халдвар авсан хүмүүс эмнэлгийн тусламж авч чадахгүй, эмнэлэгт ор нь дүүрсэн хэмээн ярьж, албаныхан халдварын тархалт энэ сарын 16-аас буурна гэж байгаа ч бодитой дүгнэлт үү гэдэгт эргэлзээ төрүүлж байна. Вакцинжуулалтаараа Азидаа тэргүүлээд байгаа ч халдварын тоо буурахгүй, хоёр дахь давалгаа эхлэв үү гэлтэй өдөрт илрэх халдварын тоо, нас баралт нэмэгдсээр байна. Техник, технологи хөгжсөн, хэвлэл мэдээллийн хэрэгслийн тоо хангалттай энэ цаг үед сонгуулийн сурталчилгаагаа заавал биечлэн уулзахгүйгээр явуулах боломж хангалттай бий. Эхнээсээ нэр дэвшигч нь халдвар аваад, сурталчилгаагаа дуусгаж байна. Яагаад энэ эрсдэлүүдийг тооцож, цар тахлын үед сонгуулийн сурталчилгааг дэвшилттэй хувилбаруудыг сонгож болсонгүй вэ. Сонгуулийн сурталчилгаа халдварын тоо нэмэгдэхэд нөлөөлж болзошгүйг ч зарим судлаачид сануулаад байхад арга хэмжээ авахгүй, халдвар хамгааллын дэглэмээ сахихгүй нөхцөл байдлыг хүндрүүлэв.

Бид сонгуулиа явуулах ёстой, 100 жилийн наадмаа ч зохион байгуулж болно. Гэхдээ техник, технологи хөгжсөн энэ цагт дэлхийн өнцөг булан бүрт хүрэх боломжуудыг, арга хэрэгслийг ашиглаж болсонгүй вэ.

Дэлхий нийтээрээ цар тахлын өмнө сөхөрч байхад Монголд шагнал тарааж, сонгуульдаж байна. Хэнэггүй монгол зан гээд өнгөрөөж болох ч цаашид хэдэн хүн халдвар авч, хэдэн хүн үхэх ёстой вэ. Нэг ч хүний амины үнэтэй шагнал, сонгууль гэж байх ёсгүй юм шүү, ардчилсан Монгол Улсад. Ард түмний амь нас бууж байгаа Ерөнхийлөгчид хамаагүй байж болох ч Монголын төрд бүх иргэний амь шагналаас ч, сонгуулиас ч үнэтэй юм шүү!

Энэ мэдээнд өгөх таны сэтгэгдэл?
13
ЗөвЗөв
3
ТэнэглэлТэнэглэл
2
ХахаХаха
2
ХарамсалтайХарамсалтай
1
ГайхмаарГайхмаар
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

sanaa 2021-06-07 66.181.166.210

alban tushaald l ochij l baibal corona yah ve dee

Avatar

Ард 2021-06-07 64.119.26.82

Ийм л хүнийг бид өөрсдөө сонгосон

Avatar

зочин 2021-06-07 202.179.25.235

Баттулга ерөнхийлөгч өө утгастойгүй шагналаа тараахаа болиоч. Сүүлийн үед шагнал шагнал биш болов. Жишээ нь
Ч Улаанхүү гэж нөхөр шинжлэх ухаанд оруулсан юу ч байхгүй байж гавъяат болов. Улаанхүү гуай та ичихгүй байна уу
Ийм хүмүүст гавъяат өгч байгаа нь гавъяаттай хүмүүсийг доромжлож байгаа хэрэг бус уу

Avatar

СОНГОГЧ 2021-06-07 202.9.46.193

Д.ЭНХБАТ, Ц. ЭЛБЭГДОРЖ НАР МУСК “МАНДУХАЙ СЭЦЭН ХАТАН” КИНОНЫ ЭСМЭЙЛ ТАЙЖИЙН ӨНӨӨ ЦАГИЙН ХУВИРСАН ДҮРҮҮД ШИГ ХАРАГДААД БАЙХ ЮМ !!!…ҮЗЭГЧИД ЭСМЭЙЛИЙГ хэрхэн ХҮЛЭЭН АВДАГ БИЛЭЭ …

Avatar

Зочин 2021-06-07 66.181.164.211

Batlagaa har gai mini shagnal taraahaa boliod uguucheee!!! hergeer ard tumnee horlohoo zogsoo!!!

Avatar

Зочин 2021-06-07 66.181.185.174

Ийм ажлыг зохион байгуулж байгаа хүмүүст бас мөнгийг нь авч байгаа хүмүүст хэзээ нэгэн цагт лай ланчиг нь ирэх байхаа ! Зүгээр ирсэн мөнгө заавал лай дагуулж ирдэг юм Доор хаяж л 2шил архи авч уугаад биеэ хордуулна , хоорондоо хэрэлдэнэ цаашлаад гэр бүл сална , хүүхэд өнчирнө ……. гэх мэтээр жагсаагаад дуусахгүй дэээ

Avatar

Зочин 2021-06-07 66.181.164.211

Batlagaa har gai mini shagnal taraahaa bolide uguucheee!!! hergeer ard tumnee horlohoo bolino uuu!!!

Avatar

Зочин 2021-06-07 66.181.185.174

Мөнгө тараахаа болимоор байна МАН аа ! энэ арай дэндлээ та нар бүүр эрээ цээрээ алдлаа! Энэ зүгээр тараагаад байгаа мөнгө чинь бидний татварын мөнгө бас хэн нэгний хөдөлмөрлөж олсон хандив нэрээр өгсөн мөнгө байгаа. Хөдөлмөрөөрөө энэ мөнгийг олсон хүмүүс нь маш дургүй ,арга барахдаа , өгөхгүй бол хүрэлсүх мэт нь дараа нь дарамтлаад ажлыг нь хийлгэхгүй болохоор наашаа харж инээж цаашаа харж уйлж өгсөн , нулмистай мөнгө Тэгэхлээр хүмүүсээ энэ мөнгийг битгий аваач ээ ГУЙЯ!

Avatar

Зочин 2021-06-07 202.131.240.147

Нүдээ олсон шагнал нь цөөхөн байж ихэнх нь арын хаалгаар цаг нь болоогүй байхад шагнуулж дээ. Жинхэнэ шагнуулах ёстой үнэн хөдөлмөрлөсөн хүмүүс нь дахиад л ажил хөдөлмөрөө үнэлүүлсэнгүй үлдэх шив дээ. Алтангадас одон ч авах хэмжээний юм хийж бүтээгээгүй хүмүүс дахиад Хөдөлмөрийн гавьяаны улаан тугийн одон авахыг юу гэж ойлгож байна вэ гэвэл намын шугамаараа албан тушаал танил талын хүчээрээ л шагнууллаа гэж ойлгохоос өөр арга алга даа

Avatar

Зочин 2021-06-07 202.55.188.91

Дуургийн МАН-н хороонд хумуус очиж элсэхээр 200000 егч, бас олон хумуус цуглуулж Модерн Номадс-т хоолонд оруулж маш их халдвар тарааж байгаа шуу. Энэ халдвар ухэл ихэссэнд МАН буруутай. Менгийг нь аваад хоолыг нь идээд Сурэлсугийг б** сонго. Ард тумний татварын менгийг ингэж зарж санал луйвардаж байна шуу хумуусээ

Avatar

C ,BAYAR 2021-06-07 174.192.70.43

tiim um bol xaa caigui l bainaa. TEP EPDEHET IIG XAP DAA.
EHE Xyychinii MAXH ODOOGIIN MAH HEG L BISHEE

Avatar

ЗОЧИН 2021-06-07 66.181.191.71

ӨЧИГДРИЙН МЭДЭЭГЭЭР 8 НАСТАЙ ХҮҮХЭД НАС БАРСАН ТАЛААР МЭДЭЭЛСЭН. ГЭХДЭЭ ХҮҮХЭД ГЭЖ НЭГ Ч ХЭЛЭЭГҮЙ. 8 НАСТАЙ ЭМЭГТЭЙ ГЭЖ БАЙСАН. ТӨР ЗАСАГ ХҮРТЭЛ МЭДЭЭГЭЭР ЮУ ГЭЖ ХЭЛЭХИЙГ НЬ ЗААЖ ӨГЧ БАЙНА. ХҮҮХЭД НАС БАРЧХААД БАЙХАД ТӨР ЗАСАГ НУУХ ГЭЖ БАЙГААТАЙ АДИЛ ЮМ.ДЭЛХИЙ ДЭЭР ХОВОР ТОХИОЛДОЛ ШҮҮ. ЭНЭ ЗАСАГ ТӨР АРД ТҮМНЭЭ ДОРОМЖИЛЖ ДОРД ҮЗЭЖ БАЙНА.

Avatar

Зочин 2021-06-07 66.181.191.71

ТӨРИЙН НӨХДҮҮДИЙН БАЛАГ ОДОО ГАРЧ БАЙНА.АРД ТҮМЭН МИНЬ УХААН СУУМААР БАЙНА.

Avatar

ЗОЧИН 2021-06-07 66.181.191.71

ТӨРИЙН НӨХДҮҮДИЙН ТАРЬСАН БАЛАГ ОДОО ГАРЧ БАЙНА

Avatar

Zoch 2021-06-07 66.181.191.46

Hend ch hereggui shagnal , halamj erh medliin temtsel, nam ni Mongol ulsiig cunuuj b.na.

Avatar

Сонгууль нь бушуу Өнгөрөөсэй 2021-06-07 202.126.90.99

ХЭДЭН ДАРГА НАР УЛСТӨРЧИД НЬ УЛСАА ХӨГЖҮҮЛЖ ГИЙГҮҮЛЖ БАЙНА ГЭЖ ХУДЛАА БҮЛТРЭН ХҮН НОХОЙ ШУУГИУЛЖ БҮТЭН 2 САР ХУДЛАА ДҮР ЭСГЭН АЖИЛ ХИЙСЭН БОЛЖ ХАРАГДАХ ГЭЖ ХАА САЙГҮЙ ТЭНҮҮЧИЛЛЭЭЭ
….СОНГУУЛЬ НЬ ДУУСААСАЙ ӨНГӨРӨӨСЭЙ !!!!

Avatar

Зочин 2021-06-07 66.181.161.103

Энэ сайт шагналуудаа МАН сум хороодийн үүрүүдээр дамжуулаад тараачихад л болно гэж үзээд байнаа даа.

Avatar

Зочин 2021-06-07 202.126.90.99

ЛАЙТАЙ ХӨӨТЭЙ СОНГУУЛЬ БУШУУХАН ГАНЦ УДАА БОЛООД ӨНГӨРӨӨСЭЙ…..

Avatar

Зочин 2021-06-07 202.126.90.104

Голдуу захирал,дарга мөнгөтэй гарууд шагнал авсан.Жонхуу тамгын газрынхандаа овоо хэдэн цаас хийлгэсэн.

Avatar

Зочин 2021-06-07 202.126.94.99

Бороо орсны дараа цув немрев. Сэтгуулчид ямар ч мэдрэмж алга!!!

Avatar

Зочин 2021-06-07 66.181.164.211

Batlagaa har gai mini shagnal taraahaa bolide uguucheee!!! hergeer ard tumnee horlohoo bolino uuu!!!

Avatar

зочин 2021-06-07 64.119.19.14

Сонгууль бол улс оронд чухал хэрэгтэй үйл явц. Зөв хүнээ хурдан сонгнож улс төрөө цэгцлэх нь нэн чухал. Харин шагнал ямар хэрэгтэй юм. Шагнуулагсдад л хэрэгтэй байх. Төр маань шагнал тарааж халдварыг ихэсгэх бодлого бариагүй л баймаар . Хачин юм. Сүхийн талбайд өдөр бүр хэдэн арван мянган хүн цугларуулж наадамдуулж байгаа нь ямар учиртай юм.

Avatar

ХҮРЭЛСҮХ СОНГУУЛИИН ДОПИНГООР ЯЛАГДЛАА 2021-06-07 66.181.161.33

тахал ихэсгэсэн гол буруутан нь хүрэлсүх аймгуудаар гарал үүсэл нь тодорхойгүй мөнгө тараасан архидалт ихэссэн тэнэг гэнэн сонгогчид түүнтэй гар барих гэж олноор дайрсан эд ихэвчлэн хөдөөниихөн хотын гэр хороолол бас иим сэтгэхүтэй нэгэнт төриин сонгуулииг хахуульдсан нь дэндүү илт болсон тул ХҮРЭЛСҮХ гуайн санал тэглэнэ ялагдсан гэсэн үг 3 ХУУЛЬ ЗӨРЧИГДСӨН

Avatar

ААК 2021-06-07 202.131.249.14

УРАНЦЭЦЭГ БОЛ МОНГОЛДОО БОЛ АУГАА ИХ АВАРГА ЮМ ДАА, ДЭЛХИЙД Ч БАС ТОМ БӨХ МАСТЕР ГЭДГЭЭ БАТЛАН ХАРУУЛЛАА, АМЖИЛТ,

Avatar

zochin 2021-06-07 202.21.113.146

шагнал авч байгаа хүмүүсээс зарим нь шал худлаа нөхдүүд байх юмаа ичдэггүй юм байхдаа, одон медаль зүүсэн ч үхнэ зүүгээгүй ч үхнэ

Avatar

Зочин 2021-06-07 66.181.164.211

Batlaga herber corona taraaj baigaa n ilerhii bolsoon! Ard tumnii eruul mend, ami nasnaas tuunii ashig honjoo iluu bololtoi!!!

NewsMN Гар утасны хувилбар Татах
NEWS.mn

Мэдээллийн эх сурвалж