Сүхбаатарын талбай сүүлийн арав хоног олны хөлд дарагдаж, арван мянга гаруй ээж төрийн тэргүүнээсээ одон гардлаа. Ерөнхийлөгч Х.Баттулга тавдугаар сарын 26-наас эхлэн Алдарт эхийн одон, Төрийн шагнал гардуулсан юм. Төрийн шагнал гардуулах ёслолын үйл ажиллагаа өнөөдөр өндөрлөнө.

Алдарт эхийн одонтой зэрэгцэн Төрийн шагналын хур буусан нь цар тахлын үед олон хүнийг нэг дор цуглуулж, эрсдэл дагууллаа хэмээн иргэд шүүмжилж байгаа юм. Мөн өдөрт бүртгэгдэх халдварын тохиолдол мянгад хүрч, сүүлийн долоо хоногт дунджаар 7700 тохиолдол бүртгэгдэн, 39 хүн нас барсныг Эрүүл мэндийн яамнаас мэдээлж байна.