АНУ-ын Ерөнхийлөгч Жо Байден хэрвээ нийт америкчуудын дор хаяж 70 хувь долдугаар сарын 4 гэхэд вакцинжуулалтад хамрагдсан байвал хүмүүст үнэгүй шар айраг өгөхөө амлажээ.

Жо Байден долдугаар сарын 4-нийг зөвхөн тусгаар тогтнолын баяр төдийгүй АНУ цар тахлаас ангижирсан өдөр болгон тэмдэглэхийг эрмэлзэж байгаа бололтой. Түүний төлөвлөгөөг биелүүлж, АНУ-ын хүн амыг вакцинжуулалтад уриалахын төлөө Budwiser гэх мэт шар айргийг үйлдвэрлэдэг Анхесер Буш Цагаан ордонтой хамтрахаар болжээ.

Анхесер Буш Цагаан ордонтой хамтарч байгаагаа тэмдэглэн вакцин тариулсан, 21-ээс дээш насны азтай 200 мянган хүнд баярын өдрөөр үнэгүй шар айраг бэлэглэхээр болсон байна. Гэхдээ үүний тулд Жо Байдены зорилго биелсэн байх болзолтой аж.

АНУ-ын Халдварт өвчин судлал, сэргийллийн төвөөс мэдээлснээр өдгөө нийт америкчуудын 63 хувь вакцинжуулалтад хамрагдсан байгаа тул дээрх зорилго биелэх бүрэн боломжтой юм.

Тус улсын эрх баригчид ард түмнээ вакцинжуулалтад идэвхтэй хамруулахын тулд олон янзын арга хэрэглэж байгаа билээ. Жишээлбэл, зарим мужуудад Анхесер Буш вакцин тариулсан хүмүүсийг шар айргаар урамшуулж байгаа бол зарим мужуудад Krispy Kreme үнэгүй донат жигнэмэг тарааж байгаа аж.

Эх сурвалж: UNILAD