“Монгол Хятадын далайн тээврийн компаниас бүрэн хараат байна” | News.MN

“Монгол Хятадын далайн тээврийн компаниас бүрэн хараат байна”

“Монгол Хятадын далайн тээврийн компаниас бүрэн хараат байна”

“Монгол Хятадын далайн тээврийн компаниас бүрэн хараат байна”

Хятадын Тяньжин боомтод Монгол Улсын бараа, бүтээгдэхүүн бүхий 4000 гаруй чингэлгийн бөөгнөрөл үүсээд буй. Энэ талаар тээвэр зуучийн үйлчилгээ эрхэлдэг аж ахуйн нэгжүүдийн төлөөлөл болгон “Эй Си Дабльютранс” ХХК-ийн ерөнхий захирал Х.Дэлгэрцэцэгээс тодрууллаа.


-Тяньжин боомтод чингэлгийн түрээсгүй хугацаа 40-45 хоног байдаг гэсэн. Илүү урт хугацаатай байхаар ярьж тохирч болдоггүй юм болов уу?

-Ерөөсөө 45 хоногийн түрээсгүй хугацаа өгдөг. Энэ бол олон жил нэлээн сайн хэлэлцэж байж авсан хугацаа. Тэр хугацаа нь Тяньжин дээрээ л дуусчихдаг. Монгол руу чингэлгээ оруулж ирээд, ачаагаа хүмүүст нь олгоод, буцаагаад хилээр гаргана гэхээр хоосон чингэлгийн асуудал бас байгаад байна. Яагаад вэ гэвэл Хятадын тал өдөрт Монголоос 14 галт тэрэг л авдаг. Импортын чингэлгийн галт тэрэг 1-2, транзитынх бол өдөрт 2-ыг авч байна.

-Тээвэр зуучийн байгууллагууд галт тэрэгний тоогоо нэмье гэсэн санал дэвшүүлжээ. Асуудлын шийдэл олдож байна уу?

-Галт тэрэгний тоог нэмье гэж бид Гадаад харилцааны яамтай нэлээн ярьсан. Бээжингийн ЭСЯ-ныханд энэ асуудалд анхаарлаа хандуулаад өгөөч ээ гэж санал тавьсан. Тэд ч боломжоороо ажиллая гэсэн. Гэтэл хятадууд эргээд хоосон чингэлгээ авахгүй болохоор нөгөө Тяньжин дээр байсан овоорол Монгол дээр ирээд овоорчихоод байна. Тиймээс энэ бүхнийг цогцоор нь сайн харахгүй бол болохгүй болчихоод байна.

-Өмнө нь чингэлгийн бөөгнөрлийн асуудал бас үүсч байсан юм билээ. Маш их алдагдал дагуулж байсан байх? 

-2008 онд энэ асуудал болж байсан. Маш олон компани олон сая долларын өрөнд орж, маш олон компани дампуурсан. Энэ бүх ачааг хувийн хэвшил өөрсдөө үүрээд гарсан. Тиймээс тээвэр зуучийн компаниудыг энэ асуудлууд нэгтгэж байна. Бүгдээрээ зүгээр суугаад, төр засгаас юм гуйгаад байж болохгүй, өөрсдөөс шалтгаалах асуудлаа шийдье гэж ярилцсан. Энэ салбар харьцангуй шинэ салбар, 1990 оноос хойш 30 орчим жил болж байна. Тиймээс 10 жил тогтвортой ажилласан компаниудаа нэгтгээд, Үндэсний тээврийн корпораци гэдэг байгууллага байгуулсан. Гол зорилго нь хатуу графиктай чингэлгийн галт тэргүүдийг аялуулъя, Монголдоо вагонтой болъё, дундаа вагон худалдаад авъя гэж ярилцсан. Бидэнд юу дутуу байна вэ гэхээр ложистикийн нэгдсэн төв хэрэгтэй байна. Тэр төв маань хуурай боомтын нэгдсэн статустай ч байх юм уу, хуурай боомт гэдэг ямар ч далайн тээврийн компанид хүлээн зөвшөөрөгддөг боомт байх ёстой. Хөшигийн хөндийн талбайд баригдах логистикийн төвийн төсөлд бид оролцох хүсэлтэй байна. Үүний үр дүнд хэрэглэгчдэд хүрэх логистикийн бүх  зардлыг бууруулах боломжтой. Азийн хөгжлийн банк, бусад донор байгууллагуудын судалгаанаас харахад дэлгүүрийн лангуун дээр байгаа барааны бараг 30 хувь нь логистикийн зардал. Энэ бол өндөр тоо. Тээвэр зуучийн компаниуд яаж энэ зардлыг бууруулах вэ гэдэг хамгийн чухал асуудал.

-Төр засагтай хэрхэн хамтран ажиллаж, ямар шийдэл олохоор төлөвлөж байна вэ? 

-Нэгдүгээрт, бид логистикийн нэгдсэн төвтэй болох хэрэгтэй. Хоёрдугаарт, бид хатуу графиктай галт тэргүүдийг Хятадын талтай маш сайн ярилцаад тохирох, далайн тээврийн компаниудын хугацааг тодорхой болгох хэрэгтэй. Тяньжин дээр ирсэн галт тэрэг Улаанбаатарт тэдэн сарын тэдэнд ирнэ гэдгийг далайн тээврийн компаниуд ойлгомжтой болгочихвол бүх зүйл ойлгомжтой болно. Тэд бас л бизнесийн байгууллагууд. Бидэнтэй ямар нэгэн хандивын ч юм уу, халамжийн бодлоготой юм хийхгүй шүү дээ.  Яагаад ингэж санаа зовоод байна вэ гэхээр Монгол Улс Хятад улсын далайн тээврийн компанийн бүрэн хараат болж байгаа байхгүй юу.

-Монголд яагаад бусад далайн тээврийн компаниуд орж ирэхгүй байна вэ?

-Хугацаа нь тодорхой биш. Монгол руу орж ирсэн контейнерүүд хаана, яаж яваа нь мэдэгдэхгүй алга болдог, удаж удаж буцаж очдог. Тэгэхээр ямар ч далайн тээврийн компани Монгол руу орж ирэх сонирхолгүй болно. Энэ нь эргээд бидэнд ямар сөрөг нөлөө үзүүлэх вэ гэхээр манай экспортын чингэлгүүд хязгаарлагдана.    

Энэ мэдээнд өгөх таны сэтгэгдэл?
3
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2021-06-03 192.82.70.166

Оросын сахалины арлыг 50 жилээр түрээслээд боомт барих ёстой.

Avatar

Зочин 2021-06-03 49.0.135.130

Тэр бөөгнөрөөд зовлон болоод байгаа чингэлгүүдээ хямдхан зарж болдоггүй юм уу. Үнэ нь тэнгэрт хадсан л юм байхийм.

Avatar

Зочин 2021-06-03 64.119.23.137

Хятадын газар нутаг доогуур туннел ухааад далайтай холбогдчихвол хэдэн усанд шумбагч хийгээд далайгаас ачаагаа зөөх юмсан.

Avatar

Зочин 2021-06-03 24.19.209.178

Keep dreaming.

Avatar

Зочин 2021-06-03 64.119.23.137

Монголын далбайатай усан онгоц 50 орчим байдаг биздээ. Юу яриад байна вэ?

Avatar

Эргэн санаач 2021-06-03 103.57.94.36

Өөр гарц хайх хэрэгтэй, ингэж яриад байдал дээрдэхгүй. Ер нь Хятадын тээвэр зуучууд өмнө нь ч тийм байсан цаашид ч ийм байх байдалтай болчихлоо. Хэрэв болдог манай аанэгжүүд дан ганц Хятадаас хараат байдлаа болиод ядаж 1 жил болоход л муусайн Хятадууд өөрсдөө гуйна. Та бүгд ядаж 89,90,91 онуудад одоо давраад байгаа Хятадууд яаж бөхөлздөг байсныг эргээд нэг санаач

Avatar

Irgen 2021-06-03 133.62.186.54

Mongolchuud eersdee tsag graphik baridaggyi, technology-iin sahilga bat gej nooli ulsuud sh dee.
Tiim ulsuudtai yaj oligtoi ajillaha ve dee.

Avatar

ИРГЭН 2021-06-03 192.82.64.190

ГОМДОЛДОХ НЭ ХЭРЭГ ,,,,ГАРЦ ХАЙР БАС ӨӨР ШҮҮ ДЭЭ ,,,,,ЭНЭ БОЛ ГАНЦ БИДНИЙХ БИШ ДАЛАЙД ГАРЦГҮЙ ОРНЫ ЗОВЛОН ШҮҮ ДЭЭ ,,,,,,ТИЙМ БОЛОХООР ТЭР ЧИГЛЭЛЭЭР ОЛОН УЛСЫН БАЙГУУЛЛАУУД,ТҮҮЭЧЛЭН ГЭРЭЭ ХЭЛЦЭЭРТ ИТВЭХТЭЙ ОРОЛЦОЖ,ХАМТЫН АЖИЛЛАГААГ САЙЖРУУЛАХ ХЭРЭГТЭЙ ДЭЭ,,,,

Avatar

Зочин 2021-06-03 183.182.123.139

х***а бол х***а.

Avatar

Mongol 2021-06-03 211.36.142.99

amerik natogiin tsereg zevseg puujingaas hamgaalah baiguulamjiig mongold bairshuulna gevel hytad tsatsaga aldana.heleh ymaa helj hiih ymaa hiij ooriin gesen tolgoitoi amidarval hendxh darluulahgui.ok

Avatar

Bat 2021-06-03 211.36.142.99

amerik natogiin tsereg zevseg puujingaas hamgaalah baiguulamjiig mongold bairshuulna gevel hytad tsatsaga aldana.heleh ymaa helj hiih ymaa hiij ooriin gesen tolgoitoi amidarval hendxh darluulahgui.

Avatar

Зочин 2021-06-03 64.119.19.165

Тэнэгээ хэнд гайхуулдаг байнаа. НАТО Америк Хятад Оросын газар нутагаар дамжаад л манайд баазаа байгуулаад л… ккк

Avatar

Bat 2021-06-03 211.36.142.99

chi nadaas heden zuu dahin iluu teneg ym bna.chi bolon chamtai adil het teneguud hytaduudiin dalalsan ued ne il garch dalaisan ued ne dald orj yvdaa.chinii amidraliin golidrog hyzgaar ymdaa.kk

Avatar

Mongol 2021-06-03 211.36.142.99

amerik natogiin tsereg zevseg puujingaas hamgaalah baiguulamjiig mongold bairshuulna gevel hytad tsatsaga aldana.heleh ymaa helj hiih ymaa hiij ooriin gesen tolgoitoi amidarval hendxh darluulahgui.

Avatar

Зочин 2021-06-03 66.181.161.66

Монголчуудаа !! ..Хэрээ мэдээд Хятадуудыг хараахаа л больчих .Тэгээл амьдрал чинь хөнгрөөд л явчихнаа … Үгүй ,, гэвэл …..одоо яаяа гэхэв !!

Avatar

Зочин 2021-06-03 64.119.19.165

Хятадуудтай хэл амаа ололцож болно доо. Даанч манай Гадаад харилцааныхан, тэнд байгаа элчингийхэн гэж дандаа мэргэжлийн бус сэтгэлгvй, арын хаалганы сдакууд ажиллаж чадахгvй юм л даа

Avatar

ж 2021-06-03 43.228.131.151

ерөнхий сайдаа бамбурууш кофе гээд балайрч явхынхаа оронд энэ асуудлыг шийдээчээ

Avatar

ЗОХИЦОЖ АМЬДРАХААС ООР ГАРЦГУЙ 2021-06-03 103.26.194.233

ХЭЛ АМАА ОЛЖ ЗОХИЦОН АМЬДРАХААС ООР ГАРЦ БАЙХГУЙ ХАРИН Ч ХЯТАДЫН ТАЛ ОРОСУУДЫГ БОДВОЛ МАШ ХУЛЭЭЦТЭЙ УЯН ХАТАН АСУУДЛЫГ ШИЙДВЭРЛЭСЭЭР ИРСЭН ХЭРВЭЭ ЭДИЙН ЗАСАГ САЙЖРААД АМЬДРАЛ ДЭЭШИЛВЭЛ ЗАРИМ АЧААГ АГААРЫН ТЭЭВЭРТ ШИЛЖУУЛНЭ ГЭХДЭЭ НЭГ ИХ НОЛООЛОХГУЙ ЯМАРЧ ГАРЦ БАЙХГУЙ

NewsMN Гар утасны хувилбар Татах
NEWS.mn

Мэдээллийн эх сурвалж