Олон улсын хүүхдийн эрхийг хамгаалах өдөр өчигдөр /2021.06.01/ тохиосон билээ. Дуулиантай мэдэгдэл хийдгээрээ алдартай Оросын Либерал ардчилсан намын удирдагч Владимир Жириновский Думын хуралдааны үеэр хүүхэд насыг 30 нас  хүртэл сунгах хэрэгтэй гэж хэлсэн нь шуугиан тарьжээ.

Түүнийхээр хүн 30 нас хүртлээ аливаа зүйлийн талаар бүрэн ойлголтгүй байдаг учир хүүхэд гэж үзэх нь зүйтэй гэв. Мөн 35-аас дээш насныхан бол хичээгүйлэн ажиллах алтан үе, итгэл найдвар гэж тодорхойлжээ.

Харин 70-аас дээш насныхныг ахмад настны бүлэгт хамруулах нь зүйтэй хэмээн Жириновский ярьсан байна. ОХУ-ын Төрийн Дум өнгөрсөн арванхоёрдугаар сард “залуу үе” гэдэг насны ангиллыг 35 нас болгож өсгөсөн билээ.

Эх сурвалж: TASS