ФОТО: 40 ээжид “Эхийн алдар” одон гардууллаа | News.MN

ФОТО: 40 ээжид “Эхийн алдар” одон гардууллаа

ФОТО: 40 ээжид “Эхийн алдар” одон гардууллаа

ФОТО: 40 ээжид “Эхийн алдар” одон гардууллаа

Монгол Улсын Ерөнхийлөгчийн зарлигийн дагуу “Эхийн алдар” Нэг, Хоёрдугаар зэргийн одон гардуулах ёслол Төрийн ёслол, хүндэтгэлийн Их танхимд өнөөдөр (2021.05.29) боллоо.

Монгол Улсын Үндсэн хуулийн 33 дугаар зүйлийн 1 дэх хэсгийн 7 дахь заалт, Монгол Улсын Ерөнхийлөгчийн тухай хуулийн 15 дугаар зүйлийн 1 дэх хэсэгт заасныг тус тус үндэслэн, Монгол Улсын Ерөнхийлөгч Халтмаагийн Баттулга олон хүүхэд төрүүлж, өсгөн хүмүүжүүлсэн эхчүүдэд “Эхийн алдар” одон гардуулах тухай зарлиг гаргасан юм.

МОНГОЛ УЛСЫН ЕРӨНХИЙЛӨГЧ Х.БАТТУЛГА

“Эхчүүд ээ, Монгол Улсын чимэг, эх ундарга болсон ээж нар аа,

Уламжлалынхаа дагуу Монголын төр олон хүүхэд төрүүлж өсгөж байгаа эхчүүдийнхээ энгэрт үр хүүхдүүдийнх нь баяр баясгалан, хүндлэл хайрынх нь илэрхийлэл болгон “Эхийн алдар” одонг өнөөдөр зүүж өгч байна.

Эхийн ач, энэрэл хайрын талаар хэлмээр өчнөөн сайхан үгс байгааг товчилж, хүндлэл талархлын бэлгэдэл болгон энэ одонг олгодог юм шүү. “Эхийн алдар” одон бол Монголын төрөөс үеийн үед хүн амаа өсгөх, хүүхэд багачуудын жаргалант амьдралыг дэмжих бодлого тууштай баримталж байгааг илтгэх сайн уламжлал билээ.

Эрүүл саруул өсөж, бойжиж байгаа хүүхэд бүрийн ард ээжийнх нь зүйрлэшгүй их хайр, хэзээ ч үл гомдоллох нөр их хөдөлмөр байдаг. Хүүхэд бүрийн жаргалтай инээдийн учиг шалтгаан нь ээж нь болдог. Монголын үрсийг эрүүл, аз жаргалтайгаар өсөн торниулахын төлөө гаргаж буй зүйрлэшгүй сайхан сэтгэл, зүтгэлийг тань үнэлэхгүй байж болохгүй биз ээ.

Энэ жил Эхийн алдар одон авах 10843 ээж бий. Тэдний төлөөлөл болгож өнөөдөр найман ээжид Нэгдүгээр зэргийн одон, 32 ээжид Хоёрдугаар зэргийн одон тус тус гардууллаа.

Хан-Уул дүүргийн 2 дугаар хорооны иргэн, 89 настай Санжавын Раднаа гуай хүрэлцэн ирсэн байна. Долоон хүүхэд төрүүлж, өсгөсөн С.Раднаа гуайдаа урт насалж, үр ач нарынхаа хайранд умбаж явахыг ерөөе. Эгч дүүс 61, 54 настай Г.Нарантуяа, Г.Энхцэцэг нар өнөөдөр “Эхийн алдар” одонгоо гардан авч байна.

Зургаан охин төрүүлэн өсгөж, хэвлийдээ шинэ үрээ тээж яваа Баянзүрх дүүргийн тав дугаар хорооны иргэн Цэнд-Аюушийн Баяржаргал, 28 жилийн зайтай хоёр удаа хоёр ихэр хүү төрүүлсэн Хан-Уул дүүргийн 17 дугаар хорооны иргэн Вандангийн Нарантуяа нарыг онцлон дурдъя.

Та бүхэнд эрүүл энх, аз жаргал, сайн сайхан бүхнийг хүсэн ерөөе.

Эх үрсийн баярын уламжлал ёсоор олон хүүхэд төрүүлж өсгөсөн ээжүүддээ “Эхийн алдар” одонг нь гардууллаа. Энэ бол төрөөс эх, хүүхдэд үзүүлж буй хүндэтгэл бөгөөд хүүхдийн олон цөөнөөс үл хамааран эх, хүүхэд хоёр Монгол төрийн нийгмийн бодлогын төвд байж, хүүхдийн хөгжил, хамгаалал, эхийн нийгмийн баталгаа, дэмжлэг тогтвортой, халамж анхаарал тасралтгүй байх ёстой гэж боддог.

Энд хүрэлцэн ирсэн болон Алдарт эхийн одонгоо гардаж авч байгаа бүх ээжүүддээ баяр хүргэж, Монголын нийт эхчүүддээ эрүүл энх, аз жаргал, сайн сайхан бүхнийг хүсэн ерөөе.

Монгол эхчүүдийн алдар бадартугай.

Мөнх тэнгэрийн ивээлээр Монголын үрс улам олон болох болтугай” гэлээ.

"Эхийн алдар” одонг улсын хэмжээнд 10843 ээжид олгохоос Нэгдүгээр зэргийн одонг 800, Хоёрдугаар зэргийн одонг 9933 ээжид хүртээх юм. Үүнээс нийслэлийн есөн дүүргийн 4224 ээжийн “Эхийн алдар” одонг 2021 оны зургадугаар сарын 1-нээс 6-ны өдөр гардуулна.

ГЭРЭЛ ЗУРГИЙГ Н.БАТМӨНХ

Энэ мэдээнд өгөх таны сэтгэгдэл?
5
ЗөвЗөв
1
ХарамсалтайХарамсалтай
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2021-05-29 192.82.70.184

Сайхан ээж нартаа баяр хүргэе! Хүн ард нь нэмэгдэж өсч дэвжиснээр Монгол улс минь хүчирхэгжин хөгжинө.

Avatar

Зочин 2021-05-29 203.91.115.48

Ингэсгээд малын яармаг болж, сайн үүлдрийн шилдэг х** ухнанд ч бас медаль хэдийг зүүх юм шүү дээ, уг нь. Жаахан хямгатай байхсан энэ хямралын цагт. Хямдхан металлаар хийдэг байлаа ч хаа юм бэ.

Avatar

Зочин 2021-05-29 64.119.24.146

Shagnaliig ch neg baruun solgoigvi taraajiinaa. Tegseer tegseer Shi Jin Piniig Mongol Ulsaar shagnaj medne dee !!!!!

Avatar

Амьдрахад Улам л Хэцүү Болох нээ.... 2021-05-29 202.126.88.193

УТААТАЙ; ТҮГЖРЭЛТЭЙ; АГААР УС ХӨРСНИЙ БОХИРДОЛТОЙ; НИЙТ НУТГИЙН 80% НЬ ЦӨЛЖСӨН; НИЙГМИЙН БА НИЙТИЙН ҮЙЛЧИЛГЭЭ МУУТАЙ; УЛС ТӨР НЬ ХЭТ НАМСАГ, ХАХУУЛЬСАГ БА БОХИР; МАСС ИРГЭД НЬ АЖИЛ ХИЙСЭН ШИГ ХИЙДЭГГҮЙ АЛИВ ЮМЫГ АРГАЛАМТГАЙ ХУЛХИНЫ…ИЙМ БАЙДАЛТАЙГААР ХҮН АМ НЬ ХУЛГАНА ШИГ ӨСӨЖ ҮРЖЭЭД Л БАЙВАЛ АМЬДРАХАД УЛАМ Л ХЭЦҮҮ ХҮНД БОЛНО ДОО…..!!!

Avatar

Зочин 2021-05-29 202.9.40.46

Монгол улсын эмэгтэй хүн болгон 4-өөс доошгүй хүүхэд төрүүлвэл Монгол улс маань улам хүчирхэгжих болно. Монгол улсын хүн ам 5 сая болвол хүнд үйлдвэрлэл хөгжих боломжтой болж улс хөгжинө. Одоо хүн ам дөнгөж 3 сая бол чамлалттай тоо юм. Монголын үрс маш олон болтугай

Avatar

Зочин 2021-05-29 202.126.89.15

Чи миний өмнөөс 4 хүүхэд гаргаад 8 хүүхэдтэй болоорой. Мань чинь улс орноо хөгжүүлэх нэрээр үнээний ферм болж чадахгүй нээ

Avatar

Зочин 2021-05-29 202.21.117.210

goyo khellee… suuuper

Avatar

Зочин 2021-05-29 202.126.88.193

ДЭЛХИЙ ЕРТӨНЦ ДАРААГИЙН ШИНЭ БҮЛЭГ БУЮУ CHAPTER-ЛУУГАА ШИЛЖИЖ БАЙНА….ШИНЭ ЦАГ ЭРИНД АЖ ҮЙЛДВЭР; УУЛ УУРХАЙ; МАЛ АЖ АХУЙ БАЙХ Ч ЮМУУ…ХИЙМЭЛ ОЮУН УХААН ХӨГЖИЖ БАЙНА….ХИЙМЭЛ ОЮУН УХААН БАЙХАД ХҮНЭЭР ХИЙЛГЭХ АЖИЛ ХИР ИХ ҮЛДЭХ БОЛ ???? БОДМООР ЭРГЭЦҮҮЛМЭЭР…..ГАРИГ ЭРХЭС ХУРДТАЙ ӨӨРЧЛӨГДӨЖ БАЙНА ДАА….

NewsMN Гар утасны хувилбар Татах
NEWS.mn

Мэдээллийн эх сурвалж