НЭМЭЛТ: 21.00 ЦАГ

МҮБХ-ны тэргүүнийг сонгох сонгуулийн дүн гарлаа. Нийт 185 саналын 128-ыг Ц.Магалжав, 48-ыг Б.Сайнбаяр, 2-ыг Б.Баярбаатар нар тус тус авч, Ц.Магалжав тэргүүнээр сонгогдлоо. С.Мөнхбат аваргын хувьд өөрийн хүсэлтээр нэрээ татсан юм.

МҮБХ-НЫ ТЭРГҮҮНД НЭР ДЭВШИГЧИД ТОДОРЛОО

НЭМЭЛТ: 18:30 ЦАГ

Монголын үндэсний бөхийн холбооны тэргүүнд дараах хүмүүс нэр дэвшиж байна. Үүнд:

-Б.Баярбаатар

-Улсын заан Ц.Магалжав

-Улсын аварга С.Мөнхбат

-Улсын заан Б.Сайнбаяр

Танхимаас О.Балжинням аварга, Г.Өсөхбаяр аварга нарыг тэргүүнд нэр дэвшүүлсэн ч өөрсдийн хүсэлтээр нэрээ татлаа.

МҮБХ-НЫ ЭЭЛЖИТ БУС ИХ ЭЕ ХУРАЛДАЖ БАЙНА

Монголын үндэсний бөхийн холбоо (МҮБХ)-ны ээлжит бус Их эе хуралдаж байна. Тус холбооны тэргүүнээр ажиллаж байсан, Хөдөлмөрийн баатар, Дархан аварга Б.Бат-Эрдэнэ ажлаа хүлээлгэн өгсөн тул тэргүүний үүргийг дэд тэргүүн, улсын заан Ц.Магалжав түр орлон гүйцэтгэж буй билээ.

Энэхүү ээлжит бус Их эе-ийн хуралд МҮБХ-ны дүрмийн дагуу 256 төлөөлөгч оролцож буй юм байна.

МҮБХ-ны дүрмийн 9.2.2-д улсын аварга, арслан, гарьд, заан цолтнууд болон сонгуульт хугацаанд тэргүүлэгчээр ажилласан хүмүүс шууд оролцоно гэж заажээ. Үүнд:

-Улсын аварга – 12

-Улсын арслан – 11

-Улсын гарьд – 10,

-Улсын заан – 27,

-Сонгуульт хугацаанд тэргүүлэгчдээр ажилласан – 6.

-Бөхийн зүтгэлтэн – 5,

-Бөх судлаач – 5,

-Бөх тайлбарлагч – 5,

-Жаяг дэгийн баг – 5,

-Засуул – 5 тус тус багтжээ.

МҮБХ-ны тэргүүнд нэр дэвшигчид

МҮБХ-ны тэргүүнд дараах хүмүүс нэр дэвшиж байна. Үүнд:

-Б.Баярбаатар

-Улсын заан Ц.Магалжав

-Улсын аварга С.Мөнхбат

-Дархан аварга Г.Өсөхбаяр

-Улсын аварга О.Балжинням

-Улсын заан Б.Сайнбаяр