Дархан-Уул аймгийн “Миний Монгол” цэцэрлэгт хүрээлэнд Монголын хүүхдийн анхны төмөр тавьж байгаа ажээ. Өнгөрсөн оны есдүгээр сарын 29-нд УБТЗ-ын удирдлага, Дархан-Уул аймгийн Засаг дарга нар “Хүүхдийн төмөр замын төсөл” дээр хамтран ажиллах санамж бичгийг үзэглэсэн бөгөөд төслийн бүтээн байгуулалтын ажил энэ сарын 10-наас эхэлсэн байна.
Зүүнхараагийн БАҮ-ний нэгдүгээр ангийн барилгачид өртөөний болон депогийн барилгыг тавьж буй бол замын I ангийн замчид одоогийн байдлаар хөрс хуулалт, балластын ажлыг хийж гүйцэтгэж байгаа аж. Мөн энэ төсөл дээр Дохиолол холбооны I анги, ЭХУХ-ийн I ангийнхан ажиллаж буй юм байна.
Хүүхдийн төмөр замын нийт урт 2.1 км, 750 мм-ийн царигтай, тойрог хэлбэртэй, хоёр суман шилжүүлэгтэй байх аж. Суман шилжүүлгийн нэг нь төвлөрсөн автомат удирдлагатай, нөгөө нь гар суман шилжүүлэг байх бөгөөд замын 200 метр нь депо руу орох, гарах зам юм байна.
Депогийн барилгын хувьд үзлэгийн хоёр сувагтай 42х12 метрийн хэмжээтэй бол өртөөний барилга 24 метрийн диаметртэй монгол гэрийн хэлбэртэй тавигдаж байгаа ажээ.
Б.ЖАРГАЛ
