Сүүлийн өдрүүдэд иргэд өөрсдийн хариуцлагагүй үйлдлээс болж гэртээ угаартаж нас барах тохиолдол тасрахгүй байна. Өнгөрсөн шөнө гэхэд нийслэлийн  Чингэлтэй дүүргийн 12-р хороо, Баянзүрх дүүргийн 11-р хороодын нутаг дэвсгэрт хоёр иргэн угаартсан байдалтай нас баржээ. Шалтгаан нь Монгол гэрт зуухныхаа яндангаа авч өрхөө бүтээсэн байсан гэдгийг эх сурвалж хэлж байна.

УГААРТАХААС ХЭРХЭН СЭРГИЙЛЭХ ВЭ?

• Шөнө унтахынхаа өмнө зуухны хүхээгний хаалтыг битгий багасга.  Багасгамаар байгаа бол өдөр, орой хүмүүс байхад тодорхой хэмжээгээр багасга. Хэзээ ч битгий тултал нь хаа.
•  Зуухаа дүүртэл нүүрс битгий хий. Яндангийн хоолой дээр нүүрс овоорох, эсвэл үнслэг ихтэй бол үнс овоороод таталт нь буураад угаарын хий гэр дотор ялгарах эрсдэлийг нэмэгдүүлдэг.
• Аль болох өмнөх нүүрс шатаж дуусаагүй илчтэй, халуун байхад нь дээрээс нь шинэ нүүрсээ бага, багаар хий. Ингэснээр утаа бага ялгарна. Угаарын хий ч багаар ялгарна.